للكاتبة :-زينب الحربي
¢¢¢¢¢¢¢¢¢¢¢¢¢¢¢¢¢¢¢¢
لم اعد أخاف من أي هزيمة
جديده,لقد مات كل شيء
يُخيف شُعوري ،
¢¢¢¢¢¢¢¢¢¢¢¢¢¢¢¢¢¢¢¢
دريد:- عفتة لهالنذل ومشيت لخاطر ساندرا بس هي وكفت بعيني وحتئ متتخلة بموقف مو حلو تركتة درت وجهي ومشيت واني ادري هي تكدر تدافع عن نفسها ثواني وحسيت شي ضربني براسي قوي يمكن صار عندي ارتجاج بالمخ اخير شي سمعتة هي عيطة ساندرا وبعد محصيت بشي
ساندرا:- شفت دريد وكع بالشارع والدم ترس وجهة عطت باعلئ صوت عندي لاااااا دريد لاااا ركضتلة وهالكلب لزمني لك عوفني عوفني والله اصيح والم عليك الناس
ادلم:- شو صيحي خل اشوف شجاعتج اذا ما افضحج فضيحة
ساندرا:- يبووووو يا ناس يا عالم الحكولي يبو يبووووو ديريد يخطفني وضرب زميلي يبووو باوعتلة فتح عينة بصدمة ابتسمت ابتسامة استفزاز سرعان ما تلاشت من شفت دم دريد بالشارع اجو الامن يركضون الكلب يكللهم هاي بنت عمي اني ابجي كلتلهم كذاب كذاب لا ابن عمي ولا اعرفة اجة ديريد ياخذني وياه وزميلي دافع عني وضربة بحجر هالكبرة شفت الامن ضربوه براشدي اني ابتسمت الة باستفزاز لكن سرعان ما اختفت مجرد مدار عينة الشرطي عفتهم ركضت لدريد شفتة سابح بدمة ياربي دخيلك لك لا فدوة دريد كوم بداعتي عليك كوم اجو الامن ونقلوه للمستشفئ دقايق واجة صديقة يلهث ماعرف منو كلة بس شكلة خايف نقلو دريد للمستشفئ واني رجعت للبيت دخلت للبيت لكيت ابوية كاعد ركض حضنتة وابجي.
ابراهيم بخوف: - شبيج باباتي شبيج بعد ابوج منو حاجاج شو كليلي خل انعل سلسفينو شبيج بابا
_ بابا هذا ابن عمي وحجيتلة السالفة من البداية للنهاية وحتئ اول لقاء النا اني ودريد اني احجي وابجي بصوت عالي
ابراهيم: - بارك الله بي شكد رجال شهم وبارك الله بيج ما غلطتي واجيتي كلتيلي
_يعني بابا مضجت مني لان احجي وي ولد
ابراهيم: - ليش من اشوكت اني اضوج من بناتي واشك بيهن اني ادري بيج لو اخليج بنص فيلق مال جيش تطلعين طاهرة ومتسوين شي ومتاكد من هذا الشي مثل مجاي اشوفج كدامي هسة كومي غسلي وصلي واتغدي حتئ نروح نشوف الولد ونعتذر من عندة
_ اي اي كمت ركض مسحت دموعي وغسلت وبدلت وصليت واتغديت ورحنا اني وبابا لدريد
¢¢¢¢¢¢¢¢¢¢¢¢¢¢¢¢¢¢¢¢¢
دريد
صحيت واني بالمستشفئ هف اشلون حياة وصخة ضليت صافن علئ السكف ذكرت قوتها ودموعها حركتني حرك والله لو الزمك يا وصخ الا اطيح حظك رجعت تذكرت كلامها وابتسمت هانتة اهانة تسوة عمرة هاي الينكال عليها قوية كالحرب ناعمة كالسلام اشوية واجاني منتظر يركض منظرة يضحك لزم وجهي باسني من خدودي ومن كصتي ويكولي عرفتني لك هذا عبالة فقدت الذاكرة سويت نفسي اباوع باستغراب كتلة تفضل اخوية منو انت اذا ممكن صيحلي ابوية واخواني
باوعلي فاتح عيونة بصدمة ويبلعم ولازم راسة والله صدتك تبجي عليه طكيتها بضحكة اجاني يركض دفرني وضربني راشديات لك كلب اوكف راسي مجروح ولك اوكف انعل ابوك اوكف متت من الالم
أنت تقرأ
(الحسين والمسيح)
Randomفي تلك الاجيال السابقة بين مناطق بغداد القديمة حيث كان النظام ظالم وبائد بين قتل وظلم بين سجن وذبح منع الصلاة وسفك الدماء هناك حيث يتوجه الناس للحسين ماذا سيحدث. ؟ هل سيجتمع قلبان علئ حب الحسين ام ان للقدر راي اخر
