(الحسين والمسيح)

part......19

للكاتبة: -  زينب الحربي
للتواصل انستكرام: - zienab_alharbi

…………………………………………
علئ لسان ساندرا

يمك اختاريت ارد  اخلص عمري

يالعاشكك من اشوكت ما ادري

حبيتك اني وما اتركك والله

يا عجز هذا يبعدك ويمنعني

(بقلمي)  زينب الحربي

…………………………………

ساندرا:- بعد مراح منتظر ضميت الرسالة وابتسمت يعمري يذكرني حتئ وهو مريض كملت المحاضرات والكلية كل طعم ما بيها كملتهن كولهن وطلعت للبيت سلمت علئ ماما وبابا والكل ورحت بدلت وغسلت وصليت ودعيت الدريد بالشفاء نزلت تغديت وكملت غدة اخذت الرسالة ورحت لالس كتلة مو كتلي ما اضم عليك شي واخليكم بين عيوني هاي الرسالة دزها دريد بايد صديقة فاذا تسمحلي اقراها هزلي راسلي اني فتحت الرسالة وريت مفاتحتها وي كل كلمة عيوني تصب ومن وصل لحد ساندرا اذا تريد تتركيني من هسة اتركيني شبعت طن بجي حظني الس

الس:- ضميتها بحضني صدك جذب دكولي يا الله خل نفتهم شبيج عليمن هالبجي ياروحي شو باوعيلي شكو عليمن غير افتهم

_حضنتة وضميت راسي بحضنة واني ابجي اه اه يمة كلبي الس كلبي حموت شوف شكاتبلي شوف شكد يحبني لابو الحب لابو اليريد الحب شكد ياذي دريد صار عاجز تماما وحتئ صار عقيم الس ديخيرني بينة وبين شعور الامومة اللي عندي برائيك الهالدرجة شاك بحبي اخذ الورقة من ايدي وبلش يقرا والله وقسما بذات الله شفت عيونة دمعن علئ الحجي

الس:- بست راسها وضميتها كلتلها يا شك ولج هذا ولج ممفكر بنفسة مفكر بيج مفكر خاف تتاذين لان متصيرين ام دباعي باعي شكد يحبج وشكد يحجي ومتاكد كلبة ينزف هسة ساندرا اليوم لازم تختارين اعتبريني مو اخوج واحد من الشارع ديسئلج يا اما تعيشين وياه وتعيشين كل الحب والاحترام والمعزة او تختارين انو تكونين ام ومنو يكول التتزوجينة يخلف وتعيشين عمرج كولة تربين جهالج بدون حب اختاري ساندرا واني وياج

ساندرا:- دريد اي اني اختار دريد الس والله مداتخيل حياتي بدونة مو بايدي افهمني الس ماريد اطفال ولا اريد حياة اريد دريد وبس خوش يلا روح كولة اني اختارك الك اشلون يخيرني هيج المفروض يكون متاكد من اختياري ميخيرني هيج

الس:- تمام تمام تروحين هسة تغسلين وجهج وتستاذنين من ابوية واخذج ونروحلة للمستشفئ اريد اصير اول عراقي يسويها وياخذ اختة لحبيبها روحي بعد اخوج

ساندرا:- ضحكت وهزيتلة راسي رحت البابا حجيتلة السالفة كلها وبجيت شكد يمة كال روحي بابا مدام الس وياج ومدام انتي رايحة متاكد متسوون غلط هزيتلة راسي رحت غسلت وبدلت وطلعنا اني والس نشوف دريد

……………………………………

دريد:- بعد الحجي والبجي بحضن منتظر ارتاحيت نوعا ما اصريت علئ امي واخواني يرجعون للبيت منتظر يمي هذا عضيدي واساسا باجر طالع اجة منتظر كعد يمي كتلة اسئلك سؤال راح تختارني لو تختار عاطفتها مال الامومة

منتظر:- اول شي انجب واكل خرة لا انعل امك علئ هاي الخلفة الزفرة الخلفتها واني ابتليت بيها ثاني شي المفروض متفكر بهذا الشي لان مشفتها بس تبجي وتناشغ عليك وتدعي وابوها وياها يا اخي هالعائلة تخطت معنئ الطمانينة لو اروح انام يمهم اسبوع يمكن ارتاح ويلا انجب تعبان صار يومين منايم من وراك

دريد:- دكوم كوم ولي صوجي اشكيلك ضحك وكام تمدد بالكاع حتئ بدون فراش رفعت روحي اشوية وانطيتة وحدة من المخاد ورفعت الجرجف انطيتهيا كتلة اتغطة مو بردان اني صدك شو هذا تغطة ونام تف عليك ميصدك واحد ينطي ضليت كاعد بمكاني اريد منتظر يكعد اشوية ودخلت ساندرا واخوها ضليت متفاجئ بالصار دخلت وواضح تبجي تقدم اخوها

الس:- شوف خوية اول الشي الحمدلله علئ السلامة ويارب تنذكر ومتنعاد هاي ساندرا جبتها ومتاكد مراح تنزل راسي شتريد تكول عني كول المهم راحة اختي عندي واني داشوفها مو مرتاحة هاي راح اخليها يمك دقايق راح اطلع اشوية

دريد:- ربي يسلمك هلا بيك زين ما سويت بس اشوية من رخصتك اخذت المخدة يمي شمرت منتظر هيووو كوم ولك

منتظر:- فزيت فزة عبالي بي شي لا يا ابن النعالة علئ هالسالفة يمة كلبي ادري انتي هيج ضايج مني وتفززني هالفزة كطعت خلفتي بعد اشلون اتزوج جلب حقير تف عليك

دريد:- يحجي ومنطلق التفت وشاف ساندرا واخوها طفر علئ حيلة

منتظر:- العفو جدا اعتذر عبالي محد هنا اعتذر منكم خزرت دريد اليريد ياكلني اكول ليش كعدني حبيبة الكلب هنا تف عليك يلا اني اطلع اترككم الوحدكم

دريد:- تمام يلا برا طلعت منتظر والس اخو ساندرا هي واكفة يم الباب وتبجي ساندرا حبيبتي ليش البجي يروحي مو هياتني يمج مصار بية شي بعد عليش تبجين وتاذيني شو تعالي لتبجين

ساندرا:- نسيت الحرام ونسيت العيب ركظت ركظة وحدة الحظنة خليت راسي علئ صدرة وضليت اناشغ بصوت عالي

دريد:- يا بعد دريد يروحلج فدوة دريد لتضوجين وتاذيني خوش يلا لتبجين ماشي هاي اني مبية شي مو تشوفيني كدامج داحجي يعني مبية شي

ساندرا:- بدموع باي حق انت باي حق تخيرني هيج خيار مو عيب دريد شنو تتوقع اميز نفسي وافضلها عليك بعمري مراح اختار احد عليك اني احبك تعرف شنو احبك كولش اهواي اكثر من اي شي

دريد:- ضميتها لصدري اكثر حاوطتها بايدي السليمة يروحلج فدوة دريد اني هم احبج وكلش اهواي اكثر من متتصورين جنت متاكد مراح تفضلين نفسج عليه بس اريد اسمعها منج بعد روحي

ساندرا:- اذا متاكد ليش تاذيني هيج مو تدري احبك تدري والله متت الف موتة علما وصلت لهنا مجاي اتخيل حياتي اصلا بدونك ساندرا بدونك متسوة شي

دريد:- ولا اني اسوة شي بدون ساندرا اموت عليها لساندرا يلا امسحي دموعج واحجيلي شنو جان موقفج وليش طلعتي تمشين سريع هيج

ساندرا:- ما ادري ما اتذكر شي كل الاتذكرة شفت السيارة ضربتك واني ركضتلك ومحسيت بشي لحد مضربني اخوية عبالك جنت فاقدة الوعي

دريد:- اني اخير شي سمعتة صوتج وبعد محسيت بشي ابد لحد مكعدت واني هنا بالمستشفئ

ساندرا:- الحمدلله عدت علئ خير يلا اني لازم اروح كمت من يمة سلمت عليه وطلعت اني والس وصلنا البيت جان حجت امي شي خلاني بصدمة

هدار……………
…………………………
طبعا بنات جدا اعتذر منكم اليوم داراجع القصة وشفت انو بارت 19 محذوف اعدت نشرة وطلع نصة مفقود فكتبتة بصورة سريعة الكم رغم افتقاد لهواي احداث فجدا اعتذر منكم