كانت تركض تحاول الوصول إلى باب المشفى فقد تأخرت اليوم كثيرا عن العمل ، كانت تمسك بيدها كوبٍ من مشروبها الساخن المفضل ، بينما كان يخرج هو من باب غرفة في المشفى ، حيث كان يزور والدته اللتي كانت مريضة ف قطع رحلته العمليه ليعود اليها على الفور ، كان يتحدث فالهاتف مع صديقه و في لحظة سريعة كانت اصطدمت به و اوقعت ذلك المشروب على بدلته ،وقف ثانيه يُدرك ما حدث لينظر لها غاضبًا ،
بينما هي قالت
ملك بسرعة: أنا أنا بجد اسفة مأخدتش بالي، كادت أن تذهب من مكانها الا انه أمسك يدها ارجعها مكانها
يحيى بغضب: انتِ بجد عامية مبتشوفيش بوظتي هدومي و ماشيه بمنتهى الهدوء
عقلها توقف عند نقطة إمساكه يدها لتهبط بيدها على وجنته، تنظر له بحده و تشير له بالسبابه: أنا مش عامية و اعتذرتلك غير انك تقدر تجيب غير البدلة، و غير انها ممكن تتغسل يا بني ادم يا عديم الذوق و التربية، و اياك تفكر تشدني كدة تاني مفهوم يا استاذ انت،ثم تركته و رحلت .
بينما كان يقف هو مكانه لم يتزحح قيد انمله ظل صامت و بعدما ذهبت من امامه قتمت عينيه بشده و أخذ يتنفس بهدوء حتى يفرغ طاقته السلبية وهو يقول: اهدى يا يحيى اهدى ، لازم تهدى خلاص واحدة شوفتها مرة ، و خلص الموقف و مش هتشوفها تاني اهدى.
بينما كانت هي ذهبت إلى مكتبها جلست تستنشق الهواء الى ان هدأت ، ثم نظرت لهاتفها عندما وجدته يدق برقم صديقتها لترد عليها بإبتسامة شقت وجهها عندما أبصرت اسمها
اسيل بمرح: أيه يا لوكاا وحشاني عاملة ايه
ملك بضحك على طريقة صديقتها: أنا كويسة يا سولا انتِ عاملة ايه
اسيل: بخير يا كبير
ملك: كنتِ عايزة حاجة
اسيل: لا كنت بكلمك اطمن كالعادة يعني يا لوكا ، يلا أنا هقفل علشان وصلت الشركة.
ملك: تمام يلا مع السلامة
اسيل: مع السلامة
____________________________
بينما كانت اسيل وصلت المصعد ، و صعدت الى الطابق التي تعمل به
لتراها احدى زملائها بالعمل حاقدة عليها من كم ذلك الحب الذي يُقطر عليها من الجميع حتى مديرهم القاتم يراها يبتسم
مروة:هي البت دي فيها أيه زيادة علشان الكل بيحبها كدا
ماجد: سلامة النظر يا رورو انتِ مش شايفة دي حاجة ١٣خالص يعني جمال و حلاوة و أخلاق و رُقي و شطارة عايزة ايه تاني
مرور بحقد: على فكرة عادية و جدًا و اي حد عنده الصفات دي
فضحك ماجد بقوة ثم قال: عادية و اي حد عنده نفس الصفات عادي ! دا انتِ لسعتي خالص و الغل عمى عنيكِ، بقولك ايه سبيني اشوف شغلي مش فاضي للعك دا ؛ ليتركها و يعود إلى مكتبه ليكمل عمله
مروة: ماشي يا اسيل اما خليتهم يكرهوكي كره العما ما ابقاش مروة، ثم ابتسمت بخبث.
بينما كانت ذهبت اسيل الى مكتبها ، وقامت ببعض العمل الى ان اتصلت سكرتيرة المدير انه يريدها فقامت و ذهبت للمدير وصلت إلى غرف مكتبه لتدق الباب ثم دلفت عندما استمعت إلى صوته
اسيل: ايوا يا مستر اسر حضرتك طلبتني
اسر بإبتسامه و جدية: ايوا يا اسيل كنت عايز اقولك أن بجد شغلك هايل ، بقالك معانا فترة مش كبيرة صحيح بس بجد شغلك كويس جدًا و كل الناس و العملة بيشكروا فيكي ، ف حبيت اقولك انك هتترقي ، و كمان شغلك كله بدل ما يبقى ف الشركة بس هتروحي الأماكن بتاعت الشغل و المواقع و تشوفي كل حاجة بنفسك ، عارف انه مرهق بس دا من ثقتي و عشمي فيكِ
اسيل بفرحة: وأنا ان شاء الله ابقى اد ثقة حضرتك
اسر: ان شاء الله تقدري تروحي النهاردة و من بكرة تبدأي شغلك الجديد
اسيل:تمام يا مستر اسر استأذن أنا، ثم خرجت اسيل من المكتب ، و ظل اسر ينظر لاثرها ، و تحولت نظراته من الجدية الى العشق .
اسر بتنهيدة: مش عارف أعمل أيه يا اسيل ، كل شوية احبك اكتر من اليوم اللي قبله و فنفس الوقت مش عارف اقربلك ، مش عارف يا اسيل أعمل أي خايف اقولك و ترفضي و خايف مقولكيش تضيعي مني .
بينما كانت" اسيل" تجلس على مقعدها شاردة: يعني أنا مش فاهمة أعمل أيه، علشان البني ادم اللي جوا دا يحس على دمه و يفهم اني بحبه!!، اووف بقى ياربي بحب واحد لوح تلج ، يلا خليني اقوم اروح
~~~~~~~~
بعد مرور ساعة كانت قد وصلت اسيل الى منزلها
اسيل بمرح: ناس ياللي هنا يا روميو انت و جوليت روحتوا فين.
و فجأة شعرت اسيل بأحد يضربها على رقبتها من الخلف (قفاها )
مراد: روميو انت و جوليت يا عديمة الرباية حد يقول لابوه و امه كدا.
اسيل و هي تتحس رقبتها: يا حج ايدك تقيلة ، و بعدين هو مش أنا قولت كدا يبقى اه فيه عادي.
مراد: امشي يا بت من قدامي
اسيل: طب و ليه قلة القيمة دي يا ابا الحج هو انا مش بنتك
مراد: لا مش بنتي أنا لاقيكي على باب جامع اصلا يلا يا بت من هنا.
اسيل: اعوذ بالله من دا اب في حد يكلم بنته حبيبته الوحيدة كدا
مراد بسماجه: اه أنا
أسيل بمراوغة:شوفت مش جايبة الردود من عندي اهو ؛لتجد والدتها تأتي مهرولة لتهرول تختبئ خلفها من أبيها ضاحكة بعدما استفزته
تاج بلهفة أم:أيه يا اسيل يا حبيبتي انتِ جيتي بدري ليه انتِ تعبانه ، فيكِ حاجة
اسيل بمرح وهي تقبل راس والدتها: ابدا يا ست الكل انا زي الفل المدير اداني النهاردة إجازة علشان من بكرة هبدأ شغلي الجديد مع الترقية
تاج بفرحة: انتِ اترقيتي بجد !
اسيل: ايوا شوفتي و بعدين ابعدي جوزك دا عني علشان رخم اوي ، ثم فرت هاربة من ابيها و هي تضحك
مراد وهو يجري خلفها: تعالي هنا يابت ، و لكن كانت صعدت اسيل الى غرفتها
مراد: يا بنت ال أيه البت دي مفيش تربية خالص
بينما كانت تاج تضحك بشدة فنظر لها مراد بعشق جارف
مراد بمراوغه تماثل مراوغة ابنته: الله بقى اللخبطة دي ليه
فنظرت له تاج ضاحكة :لخبطة ايه
مراد وهو يُشير تلك العُلبة اللتي تحتوي على الشكولاه: مين فيكوا الشكولاته
تاج ضاحكة على مراوغات زوجها العزيز:مفيش فايدة فيك يا مراد احنا كبرنا
ليذهب محاوطًا كتفيها بذراعه قائلًا "بكبر مع الكل بس معاكِ مينفعش اكبر"
؛لتبتسم له لحب ؛ليقول "تعالي نروح نشوف يلا الغدا "
تاج: هتساعدني
مراد: كالعادة
~~~~~~~~~~~~
سلطان: اميرة يا اميرة قومي يلا بقى بقينا الساعة ١٢ الظهر
اميرة بنعاس: سيبني يا سلطان شوية كمان
سلطان بمكر: بس كدا من عنيا! ، ثم في لحظة كانت اميرة تشعر انها في الهواء ، ف امسكت برقبته سريعًا
اميرة بغيظ: بقولك سيبني شوية تقوم شايلني عايزة انااام يا سلطان الله.
سلطان وهو يضحك: صحي النوم يا هانم الساعة بقت ١٢ و المفروض الساعة ٤ نكون عند مراد و تاج ثم اتجه بها الى المرحاض و انزلها على الأرض امام الحوض و فتح صنبور المياة و مسح على وجهها بالماء كي تستفيق
اميرة: خلاص فوقت سيبني اكمل أنا و اطلع انت
سلطان وهو يقبلها على وجنتها: ماشي يا لمضة
~~~~~~~~~~~~
بينما كانت ملك انتهت من عملها، و كانت تشعر بالضيق بسبب ما حدث في الصباح، فمن هذا الابلهه الذي يتعامل معها بهذه الطريقة ذهبت و صعدت إلى سيارتها و ذهبت إلى منزلها، و بعد نصف ساعة وصلت الى منزلها
ملك: يا أهل الدار انتوا فين وحشتوني
سلطان: وانتِ وحشتي اهل الدار يا لوكا ، ثم احتضنها قائلًا "عملتي ايه فالشغل يا حبيبتي اليوم كان حلو"
ملك وهي تبتسم: اول اليوم كان وحش لكن عدى و بقى حلو عادي
سلطان وهو يمسك بيد إبنته و يذهب الى الصالة و يجلسوا على الأريكة : ليه يا ستي اليوم كان وحش فالأول ليه
تنهدت ملك و قالت ما حدث لابيها: بس هو دا كل اللي حصل
سلطان بإبتسامه: كل اللي عملتي و قولتي صح يا لوكا بس هو معملش حاجة علشان تضربي بالقلم
ملك بتوتر: ايوا بس دا مسك ايدي
سلطان: تضربي بالقلم حسب الغرض ف انه مسك ايدك كان ممكن تسحبي ايدك، و تزعقي ليه تشتميه مدام كان الغرض انك بس تفضلي واقفة مش الغرض حاجة وحشة فهمتيني يا حبيبتي
ملك بإبتسامه: ايوا يا بابا يلا أنا هقوم اريح شوية، و بعد كدا ألبس علشان نروح لاسيل و خالتو تاج و انكل مراد دول وحشوني اويي، ثم صعدت إلى غرفتها بسرعة
اميرة: سلطان حبيبي ممكن تيجي تساعدني
ليقوم سريعًا : أنا جي ______________________
"أنتهى الفصل الاول"
دُمتم سالمين ✨
|چنى محرز|
