في الساعة السادسة مساءًا امام مطار القاهرة الدولي يقفون يودعون افراد عائلتهم ثم يجرون الحقائب و يتجهون الى المطار
جعلها تجلس على مقعد و ذهب هو لينهي اجراءات السفر و يعطي الحقائب للرجل كي تصعد للطائرة ثم ذهب إليها و أمسك يدها بعد ما انهوا الإجراءات اللازمة لهم للصعود للطائرة و للسفر جلسوا على المقاعد ينتظرون معاد رحلتهم.
ملك بتذمر: كدا كتير بقى قولي بقى يا يحيى هنروح فين
يحيى وهو يضحك: مش هقولك غير واحنا فالطيارة او رايحين ليها
ملك: يووووه
يحيى: والله ما قايل برضو سيبك بس انتِ من رايحين فين تعالي نتصور
ملك: لا
يحيى: هنتصور برضو مش بسالك أنا
ملك: دا أي الزوج العاق دا يا ربي
يحيى: متتبطريش على النعمة الله خليكي قنوعة
ملك: و مالو هات كدا التلفون اجيب أنا الفلتر
يحيى بفزع: مش هيحصل لا كل مرة بتختاري فلاتر تخليني كأني عامل فُل ميك اب مش هيحصل على الجثتي
بعد دقائق كانت تُمسك بالهاتف تختار الفلتر المناسب بالنسبة لها وهو ينظر لها بغيظ
ملك: هيه اهو أمسك يلا صورنا
يحيى: رخمة
ملك بسماجة: الله يخليك يلا صور
يحيى وهو يخطف الهاتف من يدها: هاتي يختي هاتي
فضحكت ملك بتسلية ثم التقطوا بعد الصور
ملك: عايزة اكل
يحيى: تعالي يستي نشوف تاكلي أي على ما الطيارة توصل
و ذهبوا الى كافية و طلبوا طعام ثم جلسوا ليأكلوا
ملك ببرأة: مش هتقولي بقى
يحيى بضحك: لما قولتي كدا افتكرت فيلم الباشا تلميذ لما حمزة كان قاعد لقا واحدة بتقولوا مش هتطلبلي حاجة بقى ثم انفجر ضاحكًا اكثر
فنظرت له بغيظ ثم أخذت تأكل في صمت
يحيى بحب وهو يمسك يدها: عارف انك عايزة تعرفي بس أنا عايز اعملهالك مفجأة بحب اشوف مبسوطة دايما و متأكد انك لما تعرفي هتتبسطي و بعدين هو مش من حقي افاجئ مراتي ولا أي
فإبتسمت ملك: من حقك بس راعي ان الفضول قاتل المرأة يا قرة عيني
فضحك يحيى: شوية و هتعرفي هنروح فين يا قلب قرة عينك
فإبتسمت له و أكملت طعامها بعد قليل كانت منشغلة في الهاتف و هو التقطت اذناه اسم رحلتهم و رقمها ف قام بسرعة و أمسك بيدها
يحيى: يلا بسرعة الرحلة بتاعتنا
ملك بدهشة: هم نادوا عاليها
يحيى بضحك: ايوا كانت تايهه
ملك وهي تضربه بقبضة يدها على صدره: بطل الالش بتاعك دا بقى
فتأوه بخفة و ضحك ثم أمسك يدها و تحركوا بخطوات واسعة: حاضر بس يلا
ملك: لا قولي الاول
يحيى: فالطيارة
ملك: يعني لما نبقى فالطيارة و اتفاجئ يعني احضنك و اضحك ازاي يعني مش فاهمة
فضحك يحيى: عادي
ملك: يحيى بجد قول رايحين فين مش معقول كدا
فوقف يحيى عن الحركة و نظر لها: رايحين مدينة العشاق
ملك تستوعب: بتهزر
يحيى: تؤ تؤ مش بهزر رايحين روما مدينة العشاق اللي هنقضي فيها شهر العسل
وبدون تردد منها قفزت تحتضنه فما كان منه سوا ان يلتطقها بين زراعيه يرفعها لاعلى لتصل لطوله و يحتضنها
ملك بفرحة و حب: بحبك يحيى
فإبتسم بحب: بس أنا بعشقك
و كان الناس يلتقطون لهم العديد من الصور
انزل يحيى ملك و حمحم ثم نظر لها
يحيى بهمس: نطلع نجري بدل ما شوية و هينطوا عالينا
فقالت بهمس: بس بسرعة
يحيى وهو يمسك بيدها: حمامه يلا بينا
و لم يكونوا يمزحوا ففي اقل من ثانية كان يحيى و ملك يركضون الى حيث طائرتهم وهم يضحكون بشده ثم ذهبوا و جلسوا على مقاعدهم و بعد قليل انطلقت الطائرة متجهه الى أرض روما مدينة العشاق كما تُلقب
♡♡
يوسف: بصي يا عسل فرحنا بعد فرح اسر و اسيل مفيش نقاش
رضوى: يا ابني فرح أي اللي يبقى كمان شهر ونص هو أحنا خلصنا حاجة من الشقة و العفش و الدهانات و كل الحاجات دي
يوسف: عادي ننزل كل يوم نجيب اللي محتاجينه مفيش مشكلة و الشقة أحنا اخترناها
رضوى: يا حبيبي مينفعش كل حاجة تتسربع كدا
يوسف: مليش دعوة يا رضوى بقا
فضحكت رضوى على تصرفاته الصبيانية: طيب أنتَ قولت لماما زينة
يوسف: و وافقت
رضوى: متفقين عليا يعني
يوسف: بالظبط كدا
رضوى: طب خليك رومانسي شوية يا اخي مش كدا
يوسف: حوش الرومانسية اللي بتطلع منك
فضحكت رضوى علية
يوسف: موافقة ولا لا
رضوى: امري لله موافقة
يوسف: تعالي نروح علشان امي تزغرط يلا
و ضحكوا هم الاثنان و ذهبوا الى المنزل
♡♡
تجلس في غرفتها هي و صديقتها تدرس
ناريس: جوري أنا قررت اروح اشتغل
جوري: لي
ناريس: عايزة اتتعود على الشغل و علشان لما اخلص جامعه مبقاش قاعدة ادور على شغل و يبقا عندي شغل
جوري بإبتسامه سمجة: حلوة الفكرة هدور معاكي
ناريس بضحك: حاضر أنا هنزل ادور بكرة هتيجي معايا
جوري: أكيد يعني بس في مشكلة صغنونه او كبيرة
ناريس بتركيز: ايه المشكلة
جوري: يوسف مش هيوافق و هيقول اخواتي انااا ينزلوا يشتغلوا و يقول بقا هو انا مخلي حاجة نقصاكوا و كدا
ناريس بضحك: بس أنا مش اخته هو اخوكي انتِ بس
فالقت جوري الوسادة على ناريس
جوري بغيظ: انتِ هبلة يا ناريس طول عمره يوسف و ماما بيعتبروكي زي بالظبط و دلوقتي أحنا عيلة يوسف هيتجوز رضوى اختك و بقينا عيلة يعني انتِ اخته زي ما أنا اخته
فضحكت ناريس: طيب متتعصبيش الله أنا قولت أي أنا يعني للعصبية دي
جوري: ناريييس بطلي استفزازك دا بني ادمه باردة الله يكون فعونه اللي هياخدك بجد
ناريس: وهو انتِ فاكرة اني هاعمله زي ما بعاملكوا لا يا بيبي دا في حب مدكناه للحبايب بكرة تشوفي هيكون محظوظ
جوري بسخرية: أما نشوف
