"في صباح اليوم التالي"
اسر بضيق: اسيل هو النهاردة ايه
اسيل بإبتسامة: النهاردة التلات يحبيبي
اسر: يوم كام فالشهر يعني
اسيل: النهاردة يوم ١٣ فالشهر
اسر: اليوم دا مش بيفكرك بحاجة يعني
اسيل تتصنع التفكير: لا خالص مش فاكرة هو في أيه ؟!
اسر بضيق: مفيش سلام علشان متأخرش على الشغل، ثم قَبلها على جبينها و خرج من الغرفة
اسر بحزن وهو في طريقه الى خارج المنزل " شكل بُعدك عني نساكِ حتى عيد ميلادي يا اسيل"
ثم صعد الى سيارته و اتجه الى عمله .
في الساعة التاسعة كانت جميع العائلة مُجتمعه في المنزل.
يوسف بتذمر: منك لله يا اسر الكلب أنا كان مالي أنا كنت عايز انام.
رضوى بضحك: انجز يا يوسف خلينا نخلص.
يوسف: انجز أعمل أيه يعني اطيير، وبعدين هو مقموص منهم أنا مالي.
اسيل: ليه هو حضرتك مش من العيلة.
يوسف: كان يوم اسود يوم ما اتولدت و بقيت من العيلة دي والله، و بعدين ما تشغلوا أي نيلة تفرفش الجو.
يحيى: ياللي حبيبك قاسي و سابك ويا عذابك.
كان ينتظر ان يكمل أحد معه الأغنية، و لكن وجد الجميع ينظر له بشر، و فجأة وجد ابيه يضربه على رقبته.
منصور بغيظ: حبيبك قاسي أيه و ساابك أيه أنتَ هتشلنييي دا أنتَ لو حد فكر يستعين بيك لاخذ طاقة ايجابية هينتحر.
ليضحك الجميع على منصور، و ضحك يحيى أيضًا، و عمل الجميع في جو مُبهِج، و كانوا يشاكسون بعضهم البعض.
كان قاسم و جاسر يعملون سويًا و يتحدثون اقترب منهم ذاك الصغير الذي لم يتخطى السنة و النصف.
قُصي: امو قاثم (عمو قاسم)
ليهبط قاسم لمستواه وهو يضحك على نطقه لاسمه "نعم يا قُصي بيه"
قُصي: أنا هتجوث لزان
لينظر قاسم له بعدم استيعاب، ثم يحمله من ياقة ملابسه و يقول " تتجوز مين يلا، و أيه اللي عرفك الكلمة دي اساسا دا أنتَ لسة عندك سنة ونص يلا، دا أنتَ لسة متفطمتش يلا" بينما كان جاسر يضحك بقوة على قاسم، و تصرفات ابنه الذي يشبه بشدة.
قُصي: من التلفسيون
قاسم بتشنج: من ايه يخويا! تلفسيون يطلع أيه التلفسيون دا !
جاسر وهو يضحك: قصده التلفزيون
قاسم: التلفزيون بقى تلفسيون دا أنتَ مخترع التلفزيون لو سمعك هيعملك بطاطس مهروسة.
قُصي: يعني مش هتجوثها
قاسم: لا
قُصي بلامبلاه:هخطفها
قاسم: غور يلا وانتَ شبه ابوك عيل توكسيك
جاسر بضحك: الله أنا كنت توكسيك زمان لكن دلوقتي خلاص، و بعدين الواد بيتكلم فجواز فين التوكسيك فالموضوع الله.
قاسم:تعرف تسكت علشان ابنك حرق دمي جواز أيه دا متفطمش يلا.
جاسر بضحك: طب خلينا نخلص، و نشوف الحوار بعدين
قاسم: على رأيك
_______________
"في الساعة الثالثة عصرًا"
وصل اسر الى المنزل و فتح الباب وجد المكان هادئ و مظلم؛ فذهب و فَتح إضاءة المنزل وجد الجميع حوله و المنزل مُزين بطريقة جميلة و هناك قالب كيك يوجد على الطاولة، و الجميع يغنون له اغاني أعياد الميلاد.
و لكن فجأة وجدوا اغاني عيد ميلاد تغيرت الى اغنية أخرى "لحماقي" اغنية "ياللي زعلان مني"
ليقترب يحيى من اسر، وهو مبتسم و يقول كلمات الأغنية مع الأغنية
يحيى بإبتسامة و يرقص بشكل مضحك:ياللي زعلان مني و مخاصمني و مش عايز تاني تكلمني واخد على خطرك اوي مني، يا اسر أنا اسففف وربناا اسف بقى حقك عليا بقى دا أنتَ زعلك وحش اوي.
ليضحك اسر بقوة، و يضم يحيى له بقوة فـ لطلاما كان يحيى اخيه ليس صديقه و ابن عمه فقط.
اقترب منه الجميع يعتذرون على ما حدث
ليبستم هو بحب لهم فيكفيه ان حزنه و غضبه منهم يهمهم و أن امره يهمهم.
ثم يتقدموا الى قالب الكيك، و يأخذ كل احد منهم قطعه بعد أن قطع اسر القالب.
و في نهاية اليوم تجمعوا جميعهم و يترأسهم يحيى لأخذ صورة تذكارية،
يحيى بمرح: يلا يجماعة كل حج ياخد مراته جمبه، يلا يا حجه جمب جوزك كل كابلز جمب بعض لو سمحتوا، بالنسبة للشباب كل واحد يقف جمب مراته و يشيل ابنه او بنته، يلا علشان ناخد صورة ايوه كدا بالظبط، لوكا تعالي كدا شوية علشان أجي جمبك يا حبيبتي.
ثم أعطى الكاميرا لاحد العاملين فالمنزل، و ذهب و وقف بجانب ملك و حمل وَتين بأحد يديه، و باليد الأخرى ضم ملك له، ثم اقترب من اذنها و قال بهمس
"كان مُجرد شِجار،لم أكن اعلم انه موعد اكتفائي بكِ"
أما ملك فكانت تحمل سيليا و تبتسم له بحب شديد و سعادة.
ليتلقط المصور الصورة عند هذه النقطة فكانت الصورة مليئة بالمشاعر و الدفء.
لننتقل الى اسر بعد انتهاء تلك الحفلة جالس و بجانبه زوجته و ابنته ينظر لهم مبتسمًا و يكتب شيئًا ما على الصورة العائلة التي عرضها على مواقع التواصل الاجتماعي قائلًا
"أخِذت تلك الصورة بعد العديد من المشاكل و الحروب، لم أكن اتخيل في اعظم احلامي ان يحدث ذلك و نجتمع ثانيًا بعد كل ما حدث، ولكن دائمًا يُفاجُئني الله بكل ما يَسُر القلب ليُخبرني انه دائمًا معي أينما كُنت."
♡♡
تمت بحمد الله
2022/5/21
2022/9/13
دُمتم سالمين🫀
|چنى محرز|
