جبروت عاشق وكبرياء انثي
بقلمي خلود عبد الناصر
الحلقة الثالثة
###################
تاني يوم عالظهر
سوزى قاعدة بتشرب فنجان القهوة الخاص بها
ورد نزلت بهدوء للاسفل قربت منها
ورد بتوتر :عمتو ....ماما كلمتني امبارح علشان المصروف
سوزى بتتنهد:ربنا يسهل ....بصي يا ورد في حل عندي لكل ده
ورد بفرحة: إيه هو يا عمتو .... أكيد إني أشتغل زي ما كنت بقولك !
سوزي بتبصلها بجنب عينيها:لا طبعا .....تتجوزي
ورد بصدمة:نعم يا عمتو .....يعني أنا سايبة بيت ماما وقاعدة عندك علشان رافضة الجوازات اللي من طرف جوز ماما
سوزى:بصي ... جواز مختلف ....
ورد بتعوج بقها :فهميني!
سوزى:جواز بيزنس ....انتي محتاجة فلوس ....صح ؟
ورد :طب ما اشتغل يا عمتو
سوزى:سبق وقلت شغل لا ......
ورد:طب ومين أن شاء الله عريس الهنا
سوزى: آدم!
ورد بصدمة واتسعت عينيها:يا نعم ...... آدم مين ....!
سوزي:هو في 100 آدم ..... إبن جوزي يا ورد !
ورد :لا يا عمتو .... أنا مش عايزة اتجوز ولو هو آخر راجل في الكون ...ده بالذات لا !
سوزى بترفع حاجبها:اشمعنا ..... أنا قلت جواز بيزنس يعني قصاد ما هتتجوزيه هيبقي ليكي حساب في البنك ....وبعدين الجواز ده فترة .....يعني كام شهر وكل واحد يروح لحاله ....هاه قولتي إيه ؟
ورد بتتنهد:وهو هيوافق يعني !؟
سوزى:وافقي أنتي بس .... وآدم عليا أنا .....
ورد :ممكن يومين أفكر فيهم يا عمتو ....
سوزى: اوك .....يومين بالكتير ....
ورد تهز دماغها بماشي
#################
آدم بعصبية:انت فاهم بتقول إيه ....قال جواز ....لا ومن دون البنات كلها ملقتش إلا دي !
حسام بهدوء : أيوا .....دي أنسب واحدة يا آدم ......
آدم بعصبية:دي آخر واحدة ....ده لو يعني فكرت اتجوز
حسام:هيبقي جواز بيزنس .....لازم يوم افتتاح الشركة تكون معاك واحدة علي أساس مراتك ..... لأن شروق هتكون موجودة ......
آدم بتريقة:لا ومن دون البنات تكون زفت ورد ....يستحيل ....فكر في حد تاني
حسام:مفيش حد تاني يا آدم ....
حسام بيتنهد:فكر في الموضوع كويس يا آدم ....سلام ....وسابه ومشي
آدم بيتنهد وبينظر للأمام
#################
علي حوالي الساعة 12 بعد منتصف الليل
ورد بتخبط علي باب اوضة آدم
آدم بهدوء:ادخل
ورد بتدخل بهدوء :ممكن أتكلم معاك ...
آدم بيبصلها :دلوقتي ....الساعة كام
ورد بتنفخ:عارفة الوقت متأخر ....بس ده أنسب وقت عمتو نايمة .....ومش هعرف أكلمك قدامها
آدم بيقف 😳: أنتي خايفة تتكلمي قدامها ليه ؟
ورد بتأفف:يارب الصبر من عندك ..... أخلص ياض انت .....عايزة أتكلم معاك ....وفي نفس الوقت عمتو متعرفش ...!
آدم بيرفع حاجبه:بعد ياض .....ده أنتي بجحة جدا
ورد وبتجز علي سنانها: آسفة يا أستاذ آدم....
آدم بتعالي: أيوا كدة اتعدلي .... مبدئيا الكلام مش هينفع هنا ....ممكن نتقابل في مكان برة ...... أنا بردو كنت عايز أتكلم معاكي ....ممكن بكرة إيه رأيك ؟
ورد :اوك ....no problems.....عالساعة كام ؟
آدم : أكيد الصبح أنا رايح الشركة .....نروح سوا ونتكلم في الطريق ....تمام
ورد :تمام ......وسابته وجت تخرج
آدم بهدوء:يعني من الذوق خلصتي كلام ....يا تقولي بعد اذنك .... أو تصبح على خير
ورد ابتسمت ورجعت بصتله:تصبح على خير ....
آدم أبتسم: وأنتي من أهله ......
#################
سوزي تتكلم عالفون بصوت هادئ:زي ما بقولك يا حس......
عالناحية التانية حسام:تمام كدة ...... أما نشوف أما يتقابلو إيه الرد
سوزي : أكيد كل خير أن شاء الله ...سلام وبتقفل
سوزي بينها وبين نفسها:لازم تتغير يا آدم وتنسي شروق .....!
####################
تاني يوم الصبح
ورد بتركب العربية جنب آدم
والعربية تنطلق
طبعا كل ده تحت مراقبة سوزي .....اللي ابتسمت
سوزي:حلو كدة
★★★★★★★★★★★★★
في الطريق
آدم :هاه اتكلمي
ورد بتوتر: أظن أنك قلت عايز تقول حاجة
آدم :ممممم.......طب قولي انتي الأول
ورد باحراج : عمتو كلمتك في حاجة
آدم بخبث:زي إيه ؟
ورد متوترة :يعني .....
آدم بصلها ولاحظ توترها:من الآخر يا ورد ....حسام اللي كلمني ...
ورد:كلمك علي إيه ؟
آدم:عالجواز..!
ورد بتوتر: إنت إيه رأيك؟
آدم: المفروض إنه فترة .....بس عايز أعرف الفلوس هتبقي كام ؟
ورد ووشها في الأرض :معرفش .....عمتو هي اللي هتقول
آدم بيتنهد:يعني فكرة سوزي من الأول أنا بردو قلت كدة ....طبعا مفطرتيش.....
ورد ساكتة
آدم: أنا جعان جدا ......هعمل حسابك ..... الكافتيريا فيها كل حاجة ....انزلي يللا
لتنزل ورد بهدوء وبينها وبين نفسها:كمان فطار .....كريم أوي يا اخويا
آدم:ورد ....يللا
ليدخل للشركة وورد تتبعه
#################
بليل
سوزي وآدم قاعدين وبيتكلمو عالشركة
لتنزل ورد من الاعلي
ورد بينها وبين نفسها:اوبا ....كدة عمتو هتستغل وجودنا
سوزى:ورد ....تعالي اقعدي
لتجلس ورد بهدوء تام
سوزي:فكرت في اللي قالك عليه حسام يا آدم
آدم بيتنهد:ايوا يا سوزى....
سوزى:وانتي يا ورد . .... اليومين خلصت
ورد:فكرت يا عمتو
سوزي تنظر لآدم ثم لورد :والرد
آدم:موافق يا سوزي .....بس بشرط
ورد بتأفف:آهو هيشرط من أولها .....
سوزى : إيه هو يا آدم!
آدم:خطوبة بس مفيش جواز .....!
ورد بارتياح:والنبي فكرة حلوة
سوزى بحدة:اخرسي انتي ....لا يا آدم ....جوااااااز!
آدم بيقف:سوزى كلها كام شهر وهننفصل يبقي خطوبة أحسن....عالاقل هي لو بعد كدة عايزة تتجوز ....متبقاش اتحسبت عليها جوازة...
سوزي بحدة:كلامي واضح ....جواز يا آدم ......
ورد :عمتو هو عنده حق ......خطوبة أحسن ....
سوزي: أفكر زي ما انتو فكرتو وقلتو خطوبة ....بعد اذنكم ..وسابتهم وطلعت لفوق
ورد:وبعدين .....خايفة عمتو متوافقش
آدم :هتوافق ..... أنا عارف سوزى كويس .. بعد اذنك
ورد بتقلده: وأنا كمان بعد اذنك 😂
##################
وبعد يومين
سوزي ':ورد .....انجزي.....
ورد تخرج من اوضتها وهي لابسة فستان طويل وبنص كم وشعرها منسدل علي ظهرها
ورد: أهو يا عمتو .....يللا بينا
سوزي ابتسمت:يللا ...وبينزلو ورا بعض
★★★★★★
عند باب الفيلا الخارجي
حسام ؛:كل ده تأخير.... آدم هينفخنا
ورد :عادي يا عم ....
سوزي: أنا خايفة منك يا بت أنتي
ورد بتضحك:ده أنا هبهرك
################
بعد ساعة
في الشركة يقف آدم ويتحدث مع أحد العملاء
ويأتي صوت من خلفه:مبروك
آدم يبلع ريقه بصعوبة ويقف مصدوم
شروق بابتسامة خبث:قلت أبارك
آدم ليحاول يكون ثابت:تباركي على إيه .... الإفتتاح ...ولا الخطوبة !
شروق بصدمة:نعم ....خطوبة
ليرى آدم سوزى وحسام وورد
آدم :بعد أذنك ....وبيسيبها وبيقرب من ورد ويمسك يدها يقبلها
ورد بصتله باستغراب وانفاسها بقت متسارعة
آدم بصوت واطي: كملي معايا للآخر .....وهفهمك بعدين
ورد بتوتر وصوت هادئ:ماشي
سوزى:هي جت ...
آدم بضيق:ده أكيد .....ليتمسك بايد ورد ...ويسحبها ويمشي للأمام باتجاه شروق
آدم مبتسم بتزييف:ورد ......خطيبتي
شروق بتتتفس بغضب: آه مبروك....وسابتهم ومشيت
&&&&&&&&&&&&&&&
استوب كفاية كدة
