الحلقة العاشرة
جبروت عاشق وكبرياء انثي
الحلقة العاشرة
🌺🌺🌺🌺🌺🌺🌺
آدم بيقرب من ورد بلهفة
أدم وهو يمسك أيدها:فك الكلبش ده
العسكرى:دي أوامر يا باشا
ورد بصاله وساكتة
آدم لمح شروق
آدم لورد:ثانية وراجعلك
آدم قرب من شروق :قسما بربي لو ما اتنازلتي عن المحضر
شروق بتحدي:هتعمل ايه ؟!دومي الزعل وحش علشانك
طبعا ورد كانت ملاحظاهم وساكتة
آدم بهدوء:لا ......ممكن اعمل كتير ......وسابها ومشي
سالم بهدوء:اتنازلي يا شروق .....وفي طرق كتير تانية نبعد ورد عنه
شروق ابتسمت بشر :ماشي يا حبيبي ....وسألته وراحت علي مكتب رئيس المباحث
آدم بهدوء:متقلقيش يا ورد
ورد بثبات:عادي مش قلقانة من حاجة ..... أنا مخطفتش زين
سوزى :هتتنازل صح !!
آدم بهدوء: أكيد يا سوزى وحسابي هيبقي تقيل
سوزى اتنهدت:ربنا يسهل بس
شروق خرجت
والأمين خرج :مدام ورد ....
آدم : يللا .....وورد دخلت مع العسكرى ووراها آدم
################
في الطريق
آدم :ورد تعملي حسابك أما نرجع كل واحد يروح لحاله
سوزى: آدم ....فيه إتفاق .....والمفروض لسة فيه 8شهور
آدم بهدوء:عادي يا سوزى ..... أنا متنازل عن ال باقي
ورد بصوت مخنوق: أنا عملت حاجة ضايقتك
آدم بثبات وهو مركز في الطريق: أكيد لا ......بس أنا ورطتك معايا كتير ...يعني إيه ذنبك كنتي هتتحبسي في قضية وأنا السبب
ورد بصوت مخنوق:اللي إنت شايفه ...ودورت وشها بعيد عنه
سوزى لسة هتتكلم
ظهرت عربية بتحاول ترمي علي آدم
بس آدم كان حريص
أما ورد كانت خائفة ومسكت في آدم جامد
آدم اخدها في حضنه واتكلم بصوت هادئ:متخافيش .....
ورد مسكت فيه اكتر بخوف
سوزى بصريخ: آااااادم
في اللحظة دي عربية نقل كانت في وش آدم حاول يتفاداها ولاكن العربية انحرفت ودخلت في طريق أشجار
آدم لسوزى:افتحي الباب يا سوزى ....ونطي
سوزى سمعت كلام آدم
آدم بزعيق:ورد نطي من عندك ....
ورد بعياط :لا ومسكت فيه اكتر
آدم بصلها :علشان خاطرى .....
ورد بدموع :لا يا آدم
آدم بزعيق:غبية هتموتي .....وفتح باب العربية من عندها وحدف ورد
وبعد كدة العربية اتخبطت في الشجرة وانفجرت
##################
شروق بابتسامة عريضة:بجد العربية ولعت قدام عنيهم
سالم بغرور:بكرة بالكتير نحضر عزاهم
شروق بفرحة:علشان يبقي يتحداني ....باي يا دومي
سالم: أي رأيك في تخطيطي أنا بقي
شروق بفرحة:تسلم أفكارك ...وبتحضنه
##################
ورد بعياط: آدم ...
سوزى قربت منها
ورد بعياط:هو نزلني غصب
سوزى:كنتي هتموتي
في اللحظة دي آدم من وراهم :عمر الشقي بقي
ورد لفت ليه ومن غير ما تشعر اترمت في حضنه وهي بتعيط
آدم بهدوء: علي فكرة أنا كويس
ورد انتبهت فبعدت عنه واتنحنحت: آسفة
آدم :اتصلت بحسام قدامه نص ساعة ويكون هنا
سوزى :بس اللي حصل ده
آدم :لا اللي حصل ده ليه حساب كبير
يا ترى آدم ممكن يعمل إيه مع شروق ؟؟؟
###################
في الفيلا
آدم بتعب: حسام مش عايز حد يعرف اللي حصل
حسام:متقلقش
ورد بخضة: إيه ده..... وقربت من آدم
ورد بصتله جامد:دم .....دماغك
آدم بيحط ايده علي رأسه ولقي دم
ورد:لازم تروح مستشفي
سوزى:ايوا يا آدم ....لازم دكتور
آدم بهدوء:لا أنا عندي غيار فوق
وبيوجه كلامه لحسام:حسام خلاص
حسام :تمام يا آدم ....شوف بس الدم ده
آدم سابهم وطلع لفوق
ورد طلعت وراه
بعد ما اختفوا من قدامهم
سوزى: آدم هيطلق ورد
حسام بصدمة:لييييه؟!
سوزى:آدم بيقول أنه ورطها معاه
حسام:ليه ما أنتي كنتي واثقة أنه هيحبها!
سوزى: وأنا واثقة أنه آدم بيحب ورد
حسام بتهكم:وعلشان كدة هيطلقها......قولي كلام يتعقل يا سوزى
سوزى:حسام آدم هيطلق ورد علشان هو خايف عليها
حسام 😏:نعم !!
###################
عند ورد وآدم
آدم بزعيق:بعد اذنك .... أنا هاعرف أنظف الجرح
ورد بعند:لا أنا هاشوف اكتر منك .....هتشوف دماغك إزاي من ورا
آدم بيتنهد :وبعدين معاكي يعني
ورد أخدت منه الشاش والمراهم
ورد:وريني بقي
آدم استسلم لها
ورد بقصد ضغطت بالقطن جامد عالجرح
آدم اتوجع
ورد ابتسمت: آسفة
آدم:بصي لو ايدك تقلت تاني هقطعهالك
ورد:يا عم أقعد بقي .....وضحكت
آدم بغيظ: خلصي بس وأنا أعرف إزاي احاسبك
ورد بغيظ:لا يا دومي الزعل وحش علشانك
آدم لفلها:وحيات أمك ......ورد اتظبطي
ورد بغيظ:كنت قلت كدة لشروق يا دوووومي
آدم ضحك جامد:ده أنتي كنتي مركزة بقي
ورد بتوتر: وأنا أركز ليه ....... وبجدية:لف خلاص قربت اخلص
آدم لف وشه لقدامه
ورد خلصت وكانت هتقوم تخرج
آدم قام وقف في وشها
ورد بصتله جامد: إيه يا آدم
آدم بهدوء: إيدك تقلت وبتتريقي عليا
ورد بتمثيل الدهشة:اناااااااا!!لا يا آدم معندكش حق
آدم وهو يقترب منها:يا شيخة قولي كلام غير ده
ورد طلعت عالسرير بخوف:خلاص بقي قلبك أبيض
آدم عقد أيديه عند صدره :ممممممم ......ماشي وسابها وراح قفل الباب بالمفتاح
ورد نزلت من فوق السرير بخوف: آدم متهزرش......هات المفتاح
آدم بهدوء وابتسم :تؤ تؤ .......
ورد الدموع اتكونت في عينيها :والله آسفة ..... وفجأة دموعها نزلت غصب عنها
آدم بصلها باستغراب:طب بتعيطي ليه ......وقرب منها بهدوء
ورد بعياط :علشان أنا عارفاك
آدم قرب منها اكتر وهي رجعت لورا
آدم شدها ناحيته:علي فكرة أنا مش بخوف .....ومسح دموعها ب بأطراف صوابعه
ورد بصتله باستغراب : آدم
آدم بشعور لا إرادي قرب من شفايفها وباسها
ورد برقت وبعد كدة غمضت عيونها وتاهت معاه
بعد شوية آدم بعد عنها واتكلم بصوت هادي:ورد ......
ورد بصتله وساكتة
آدم بهدوء: أنا مش عارف اقولك ايه .......
ورد الدموع ابتدت تتكون من تاني في عينيها :عارفة لحظة ضعف ....وسابته وراحت قعدت علي طرف السرير
آدم راح قعد جنبها بهدوء وابتسم: أنا قلت كدة
ورد بصتله باستغراب: آمال إيه ؟!
آدم:ورد أنا بحبك !!
ورد بصتله جامد وبرقت :عيد اللي قولته يا آدم
&&&&&&&&&&&&&&&&&&
توقعاتكم
ورأيكم في الحلقة
خلود عبد الناصر
