الحلقة ال 16
جبروت عاشق وكبرياء انثي
بقلم خلود عبد الناصر
💔💔💔💔💔💔💔
في جنينة الفيلا
آدم بحب: إيه رأيك يا ورد نخطف يومين للغردقة
ورد مبتسمة:وشغلك. ......
آدم بهدوء:حسام ومريم موجودين
ورد بتضحك:لسة يابني متجوزين .....دول بقالهم شهر بس ....استني شوية ونظبط يوم
آدم مبتسم: يا حبيبي اللي أنتي عايزاه
بتيجي عليهم سوزى:صباح الخير ......
ورد :صباح النور ياعمتو
آدم:صباح الفل يا سوزى...... أنا رايح الشركة .....وبييوس ورد من خدها :هكلمك
تدخل من باب الفيلا مسرعة
: آدم .....وتترمي في حضنه
آدم باستغراب:كيان ......وبيبعدها عنه
ورد وقفت بغيظ:مين دي ؟!
كيان بتبص لها بقرف:انتي اللي مين ؟!
آدم :ورد مراتي يا كيان ......
كيان بتمثيل الدهشة: أيه .... وإمتي!!؟
آدم أبتسم:بقالنا سنة .......كيان بنت خالي يا ورد
ورد بجدية: أهلا وسهلا.....
آدم: إيه سبب رجوعك فجأة!!
كيان:لا ده حوار كبير جدا ....ممكن أقعد أرتاح من المشوار وافطر عالاقل
آدم : أكيد.....وبيوجه كلامه لورد:حبيبي شوفي سعدية تحضر فطار لكيان
ورد ابتسمت بحب:عنيا ...... وبتوجه كلامها لكيان:تعالي معايا
كيان بقصد:لا أنا هاقعد مع آدم أصله وحشني جدا
ورد بتجز علي أسنانها: آدم رايح الشركة....يعني مش فاضي ولا إيه يا حبيبي
آدم مبتسم: اعتبريني في الشركة ......ومشي
ورد:يللا ولا إيه
كيان بقرف: أنا عارفة الطريق وحافظة الفيلا .....وسابتها ودخلت الفيلا
سوزى بهدوء:خدي بالك
ورد بتبص لسوزى: اشمعنا!!
سوزى: كيان دي مش سهلة .....خصوصا إني من زمان كانت عينها من آدم ....بس آدم بيعتبرها أخته الصغيرة
ورد بتوهان: آه...... ماشي يا عمتو
#######################
شروق:لا يا وائل...... إنت بقيت كارت محروق
وائل:وكيان دي اللي مش محروق
شروق بخبث':كيان طول عمرها بتحب آدم .....يعني ما هتصدق فرصة زي دي
وائل بتهكم:طب يا ختي.... أنا كدة ماليش لازمة ....مالقيش رقمك يرن علي تليفوني. ..وبصوت عالي :فااااهمة ....وسابها وخرج
################ ايوا كدة دور وائل انتهي طبعا في ناس زمانها فكرت أن وائل هيكون سبب أن آدم وورد يفترقو ..... أحب أقولكم لا .....بتموتو في النكد 😂😂😂
##################
آدم دخل من باب الفيلا ووقف
كيان كانت لابسة شورت قصير وتيشرت كت
آدم بينه وبين نفسه:ورد هتولع في أمك يا كيان
كيان بدلع: آدم إنت رجعت
آدم تجاهلها وطلع لفوق
كيان بغضب:ماشي يا آدم
ورد واقفة قصاد المرايا بتلم شعرها
آدم بحب:علي فكرة مفرود أحلي
ورد ابتسمت بحب وقربت منه واترمت في حضنه
آدم بصوت هادي: وحشتيني
ورد رفعت وشها وبصتله: وأنت كمان
آدم رفع ورد من وسطها وباسها من خدها
ورد بحب:تاخد شاور عقبال ما احضرلك الغدا
آدم مبتسم:لا عايزك في حضني .......افتكرى إني قولتلك نخطف يومين رفضتي
كيان من عالباب: آدم
آدم نزل ورد وبص لكيان:نعم ......في حاجة مهمة يا كيان
ورد بغيظ من منظرها:بعد اذنك مينفعش تدخلي كدة ..... المفروض أستاذني الأول
كيان بتتمايع: أولا الباب كان مفتوح .....ثانيا آدم إبن خالي يعني براحتي
ورد بغيظ:بت أنتي أنا مبحبش الاستعباط ......راحتك دي في بيتك
آدم بهدوء:بعد اذنك يا كيان .....انزلي وأنا جاي وراكي
كيان بتقرب من آدم بدلع:ماشي يا دومي ....وسابتهم ونزلت
ورد بغيظ: إيه ده فهمني؟!
آدم بيتنهد:حبيبي أنا
ورد بتقاطعه:بلا حبيبي بلا زفت .....وبزعيق: إيه ده اللي حصل ؟!!
آدم بنفاذ صبر:ورد صوتك ميعلاش......
ورد بثبات:حاضر يا آدم .....وسابته وراحت اوضتها
آدم بينفخ بضيق:وبعدين بقي
#####################
آدم في المكتب بيراجع ملفات عاللاب
كيان خبطت ودخلت
آدم بصلها:في حاجة يا كيان
كيان ابتسمت بخبث:مفيش يا آدم زهقانه ......قلت اجي أقعد معاك
آدم بيتنهد:طب أنا مش فاضي
كيان قربت منه لدرجة وشها كان قريب من وشه:وحشتني
آدم لسة هيتكلم اتفاجئ بورد
ورد مصدومة وساكتة
آدم وقف:ورد .....
ورد مردتش عليه وطلعت جرى علي اوضتها وقفلت علي نفسها بالمفتاح
آدم طلع جرى وراها وبيخبط جامد؛:ورد افتحي .......لازم افهمك
ورد بتعيط بحرقة ومش بترد عليه
سوزى:في إيه يا آدم ؟!
آدم بتوتر:مفيش يا سوزى
ورد سمعتهم من ورا الباب ....فتحت وخرجت
ورد الدموع مغرقة وشها:عمتو البت دي تمشي النهاردة
آدم بصلها جامد:هي مين دي اللي تمشي يا ورد
ورد بثبات:بنت خالك يا آدم .....هو في غيرها
آدم بثبات:مش هتمشي يا ورد ......هي جاية ضيفة عندي وكدة يبقي عيب أوي
ورد :ومش عيب اللي كنتو بتعملوه في المكتب
آدم بثبات:انتي اللي فاهمة غلط
ورد بثبات:طيب أنا فاهمة غلط. .....بردو مش هتقعد هنا ....ولو هي هتقعد أنا اللي هامشي
كيان واقفة بتتفرج وفرحانة بس لازم تولعها زيادة
كيان بتمثيل البراءة:خلاص يا آدم أنا هامشي ....
آدم بصله ورجع بص لورد:ورد اللي هتمشي ....وسابهم ودخل اوضته
وكيان نزلت لتحت
سوزى:عجبك كدة ......أنا فهمتك اول ما جت
ورد بكسرة: آدم مبقاش يحبني
سوزى:لا يا ورد .....بس من العيب أنك تطرديها
ورد:لا استني لما الاقيه داخل بيها وبيعلن جوازهم .....عمتو مشوفتيش اللي حصل في المكتب .....هو كدة آدم نهاها
سوزي:طب اهدي كدة في اوضتك وأنا هتكلم مع آدم
#####################
آدم بيكلم نفسه:مفكرة هتمشي كلامها عليا ......ده أنا ادوس علي قلبي
سوزى من وراه:وبعدين يا آدم
آدم بيلف:ولا قبلين يا سوزى....... أنتي شفتي بنت اخوكي وأسلوبها....هي عارفة كويس إني الصوت العالي والنرفزة مش هيأثرو معايا
سوزى: إنت عارف ورد يا آدم .....في إيه لكل ده
آدم بتوتر:هه.......لا مفيش كيان كانت قاعدة معايا في المكتب ....بس ليه ورد دخلت لقيتها في المكتب
سوزى بعدم تصديق:طيب يا آدم ...... والحل
آدم بثبات: كيان مش هتمشي .......
سوزى بذكاء: أكيد .....
آدم:ورد تروح تقعد عند أمها يومين تريح أعصابها
سوى بدهشة: إيه اللي إنت بتقوله يا آدم ....لا ورد مش هتسيب هنا
آدم:براحتها .....بس تفضل في اوضتها
طبعا ورد كانت سامعة الكلام كله
ورد بينها وبين نفسها:لا يا آدم أنا هامشي ومش هتعرف توصلي تاني ......وراحت لاوضتها
سوزى: إزاي يا آدم....
آدم:لما أبقي أهدي.....تبقي ترجع
سوزى :ماشي يا آدم اللي تشوفه .....وسابته وخرجت
آدم بهدوء:لازم تتربي يا ورد علشان صوتك لما تفكرى تعليه تاني تعرفي إيه العواقب
#################
تاني يوم
آدم فتح عيونه ببطء ومسك تليفونه يشوف الساعة وقام بسرعة:يا نهار ......
وقرب من الدولاب يطلع اللبس ....بس لقي هدوم ورد مش موجودة
آدم باصص الدولاب وساكت
##################
ورد عالفون :مريم ارجوكي محدش يعرف اني بكلمك
مريم:بس ده مش حل يا ورد
ورد بتتنهد:معلش يا مريم أنا هرتاح كدة
مريم: أنتي فين دلوقتي ...؟!
ورد بتغير الكلام:حسام فين .....
مريم :في الشركة النهاردة لسة نازل.... وأنا بكرة هتنزل
ورد: ألو .....مريم
مريم:ورد .....
ورد باستعباط:الشبكة ... ألو ...وقفلت
ورد بتتنهد .....ليدخل عليها مبتسما
ورد:معلش تعبتك معايا
عمر مبتسم:لا مفيش تعب أنتي بنت عمي بردو .... أنا بس خايف من سوزى
ورد:لا متخافش .....متعرفش أنا فين أساسا
استوب
عمر ابن عم ورد ولمدة يبقي ابن أخو سوزى
وعنده 18سنة
نرجع تاني
ورد:المهم إنت متقعش بلسانك
عمر مبتسم: انتي عارفة مبروحش لعمتو في كل فين وفين
####################
آخر النهار
آدم دخل من باب الفيلا علي أساس أن ورد قاعدة مستنياه
آدم استغرب أنها مش موجودة
كيان بدلع: آدم أنا مستنياك علشان نتغدي
آدم بهدوء:لا ماليش نفس ....وطلع لفوق
آدم متردد بس في الآخر هبط علي باب اوضة ورد ولاكن مفيش رد
آدم فتح الباب ودخل ولاكن مفيش حد في الاوضة
آدم مسك تليفونه بيرن علي ورد
ورد كانت بتفتكر أيامهم مع بعض وتليفونها رن بإسم حبيبي
هنا الصورة بتتقسم نصين
آدم بيرن ولم يأتيه الرد_______ورد ماسكة التليفون وبتعيط
&&&&&&&&&&&&&&&&&&&&&&&
احتمال الحلقة الجاية تكون الأخيرة
خلود عبد الناصر
