الحلقة الخامسة
جبروت عاشق وكبرياء انثي
بقلمي خلود عبد الناصر
🌺🌺🌺🌺🌺🌺🌺
آدم قاعد عالبحر وشارد الذهن
ليرن تليفونه برقم سوزي
آدم بيرد : إيه يا سوزي
سوزي :ورد اتصلت بيا ....جوز أمها بيضربها .....الحقني يا آدم أنا رايحة عندها
آدم بيتنهد:والمطلوب مني
سوزي بصوت عالي:مش مطلوب منك حاجة .....سلام يا آدم ...وقفلت
آدم:سوزي .... ألو....وبعدين مع ورد دي ......
##################
ورد كانت قاعدة في اوضتها وبتعيط سمعت صوت جرس الباب قامت خرجت لبرة
كرم كان قاعد في اوضته خرج وفتح
كرم :نعم ......مين انت
آدم ببرود: أنا اللي هربيك
كرم بنرفزة :تربي مين يالا
آدم بصله جامد وضربه بالبوكس واتكلم بنبرة تهديد:ورد لو فكرت بس تمد ايدك عليها تاني هقطعهالك .....فاااااهم
ورد كان بتراقب وهي مبسوطة ومبتسمة
آدم بيقف وبيلف وشه لمح ورد:جهزي شنطتك .....يللا
ليلي خرجت :في إيه وانت مين ؟
آدم بهدوء مايسبق العاصفة:انتي والدتها ...... أنا طالب ايد بنتك .....؟
ليلي:وهو اللي يطلب ايد حد بالطريقة دي ....
آدم بيتنهد:من غير رغي كتير .....هتجوز بنتك .....والمبلغ اللي بيوصلك من سوزى كل شهر هيبقي عندك في ميعاده
ورد سرعان ما تلاشت الابتسامة من علي شفتيها
ليلي ابتسمت :طب مش تقول كدة ......ماشي يا أستاذ
آدم بيوجه كلامه لورد:جهزي شنطتك
ورد ولأول مرة تشعر بانكسار وتتكلم بصوت هادئ:حاضر
آدم بصلها وساكت بس هو عارف كويس إني مش دي ورد
###################
بعد. يومين
آدم:هاه يا حسام ......جهزت الترتيبات كلها
حسام:كله تمام وطبعت الدعاوي ....وأول واحدة شروق بعتلها دعوة
آدم بيتنهد: حلو جدا ....
نزلت ورد :حسام .....عامل إيه يا صديقي
حسام أبتسم:تمام يا صديقي
آدم بهدوء:بكرة الصبح هيكون عندك الفستان
ورد :شكرا ....
آدم:ميعاد السنتر الساعة 10 الصبح ....كله مدفوع
ورد:والله أنا شايفة مالوش لزوم ....... أنا حلوة من غير ميكب اساسا
آدم وهو يخرج من باب الفيلا أبتسم ولف وشه ليها:عارف أنك حلوة ....بس ده فرح وفي معازيم وناس مهمة ....سلام ....وسابها وخرج
ورد مش مصدقة اللي قاله وابتسمت بعفوية
حسام لاحظها:ورد أنا خالع اوك ...
ورد شاردة الذهن تماما ....
حسام سابها وخرج وهو مبتسم
#####################
تاني يوم بعد الفرح
ورد وآدم طلعو لاوضتهم
ورد بعد تفكير:بقولك أنا هاروح انام في اوضتي
آدم بيبصلها جامد:نعم......مستحيل
ورد بصتله جامد:ماهو برده مستحيل أنام أنا وأنت في سرير واحد
آدم بخبث: عادي إيه المشكلة ؟
ور د بتشهق:ده انت اتجننت بقي .....
آدم بيتنهد:خلاص افرشي ونامي عالارض ......نومة الأرض مريحة ....منها وإليها نعود يا ماما
ورد بغيظ:عود انت .....بتبشر عليا ....
آدم كاتم الضحكة بالعافية:بقول نعود ....يعني كلنا
ورد قربت منه :انت اللي تنام عالارض ....
آدم بهدوء:لا .....انتي
ورد سابته وراحت قعدت عالسرير .....تؤ تؤ
آدم قرب منها وقعد قصادها:خلاص انتي في جنب وأنا في جنب .....
ورد رفعت حاجبها:تؤ تؤ
آدم قرب منها اكتر: مش بمزاجك
ورد لاحظت أنه قرب منها جامد وابتدت تتوتر:بعد اذنك ابعد .....عايزة نفس
آدم فهم وقرب منها اكتر واكتر
ورد بصتله باستغراب:هو في إيه .....اوعي كدة وزقته وقامت وقفت .....وبلعت ريقها بصعوبة:خلاص هفرش في الأرض ...وسابته وراحت عند الدولاب تطلع هدوم
ورد صرخت ..... آدم قام جرى عليها
آدم بخضة:في إيه ؟
ورد بصدمة: إيه ده ؟
آدم ضحك جامد:هو إيه ؟
ورد بغيظ:انت هتستعبط .....فين الهدوم ؟
آدم أبتسم:ماهي قدامك
ورد بغيظ اكتر:مين اللي جاب دول ؟
آدم بهدوء:سوزي ....انزلي اسأليها.....
ورد فتحت دولاب آدم وطلعت بيجامة من عنده
آدم ضحك جامد:لا سرقة مش عايز
ورد لاحظت أنه أول مرة يضحك كدة ....فابتسمت بتلقائية
ورد :واعمل ايه .....وهدومي في اوضتي الصبح أبقي اجيبهم
آدم :إذا كان كدة ماشي .....
ورد :طب ممكن تطلع برة .....
آدم :وفيها إيه .....ده أنا حتي جوزك
ورد بغيظ:عالورق يا ضنايا .... اطلع برة .....وشاورت بايديها علي برة
آدم سابها وخرج ....وهو خارج : بمزاجي علي فكرة
ورد:أخلص يا عسل .....
آدم أبتسم:ماشي يا سكر ....خرج وقفل الباب وراه
ورد اتنهدت وابتسمت
#################
سوزي. باستغراب:بتعمل إيه عندك ؟
آدم:ورد بتلبس .....الطبيعي إني أبقي هنا
سوزى:دي دلوقتي مراتك
آدم:عالورق يا سوزى ....ده اتفاق وليه وقته وينتهي ....ماشي
سوزي بتتنهد: براحتك يا آدم .....انت اللي بإيدك كل حاجة أنه يفضل عالورق ولا يبقي جواز بجد ...بس يظهر شروق لسة مسيطرة علي قلبك
آدم بنرفزة:مفيش حد يقدر يسيطر عليا ....فاهمة ولا لا ....وسابها ودخل عالاوضة
سوزي ابتسمت بانتصار
###############
ورد كانت لبست البنطلون بس
ورد برقت جامد ....... أما آدم وقف مكانه بصدمة
لبعض من الوقت واقفين كدة
آدم يبلع ريقه بصعوبة: آسف .......مقصدش
ورد مكسوفة جدا ومش بتتكلم وابتدت الدموع تتكون في عينيها
آدم لمح جاكت البدلة فقرب منها وغطاها بيه
أما ورد دموعها نزلت بتلقائية .... آدم حضن وشدها بايديه ومسحلها دموعها
آدم بهدوء: أنا مش هينفع أخرج برة .....سوزي واقفة أنا هقف في الشباك ...وكملي لبسك
ورد هزت دماغها بماشي ....
آدم سابها وراح وقف في الشباك ياخد نفسه
بينه وبين نفسه:أكيد سوزى قاصدة .....ماشي .... أما أشوف اخرتها يا سوزى
ورد من وراه:خلاص
آدم لف ليها وابتسم: أنا بقي هنام بالهدوم
ورد ابتسمت:طب أقف في الشباك أنا كمان
آدم ضحك:لا يا اختي ..... ممكن تبصي ....😉
ورد ضحكت :خلاص أحسن نام بهدومك
ورد كانت فرشت وقعدت عالارض
آدم مسكها من دراعاتها قومها :نامي عالسرير .وانا هنام عالارض
ورد ضحكت:منها وإليها نعود
آدم أبتسم بعفوية:نعود .....خلاص نامي ..... أنا غلطان
ورد ضحكت :خلاص أنا آسفة
آدم بجدية:نامي عالسرير
ورد :لا هنام هنا ......يالا تصبح على خير
آدم بيتنهد :وانتي من أهله ....وسابها وراح عالسرير
################
حسام:سوزى ..... آدم مش بالسهل هيقرب من ورد
سوزى:بس لازم ينسي شروق وأنا واثقة أن ورد ممكن توصله أنه يحبها
حسام: مش لما هي تحبه الأول ....؟
سوزى:هتحبه .... آدم يتحب...
حسام:مش عارف الثقة الزيادة دي جايباها منين ؟!
سوزى ابتسمت بغرور: أنا سوزى يا حسام ....
حسام أبتسم :مقدرش أتكلم ....
##################
بعد اسبوع
آدم نايم على السرير ....... أما ورد نايمة عالارض ....سوزي خبطت
ورد قلقت :ميين !
سوزى:افتحي يا ورد بسرعة ....
قامت ورد فتحت :في إيه يا عمتو ...!
سوزى:صحي آدم ......شروق تحت وفي مصيبة
آدم كان قلق علي صوتهم فقام من مكانه بسرعة ووقف ورا ورد
آدم برق:في إيه يا سوزى !
سوزى:كارثة ....
آدم بقلق:في إيه ....مش هنزل علي عمايا
سوزى: أما تنزل تعرف .......وسابتهم ونزلت
آدم قعد عالسرير والخوف والقلق متملك منه
ورد قربت منه وقعدت جنبه: إنت خايف تواجهها!....خايف تضعف تاني ...؟
آدم بصلهاا :انتي إزاي فهمتيني كدة ؟
ورد بصوت مخنوق:لازم تواجه .....واللي بيحب حد مش بينساه بسهولة
آدم بيتنهد:10سنين ..... أكيد كفاية علشان أنساها
ورد ابتسمت : أكيد كفاية .....قوم أنزل شوف في إيه الأول ....متسبقش الأحداث
آدم بصلهاا :حاضر .....وسابها وقام
ورد غمضت عينها وفتحتها
###############
آدم نزل بتكبر:خير يا شروق
شروق:كل خير يا آدم ....مش تقرب يا حبيبي من بابا تسلم عليه
ليظهر طفل في عمر ال 10أعوام
شروق:قرب يا زين من بابا
آدم بيبصلها جامد:بابا مين ....انتي هتستهبلي
شروق : إيه مش هتعترف بيه.....؟
آدم بصوت عالي: إزاي .......بقالنا عشر سنين سايبين بعض
شروق:من بعد ما سبنا بعض اكتشفت إني حامل ....
آدم بحدة: ده ابنك انتي .....مش أبني .....
شروق:والله تحليل DnA هو اللي هيحدد
آدم:اللي عندك اعمليه ..... وأنا مش هاعترف بطفل مش أبني
سوزى:ممكن أتدخل
آدم :اتفضلي
سوزى:فعلا التحليل هيثبت إذا كان ابنك ولا لا .....ولو طلع ابنك مش هينفع تسيبه يا آدم
طبعا ورد كانت واقفة من فوق
آدم بيتنهد:لا يا سوزى .....وبيبص لفوق لمح ورد
آدم بلع ريقه ورجع وجه كلامه لشروق:عالعموم من هنا لما يتعمل التحليل ابنك معاكي يا حلوة
شروق:لا ...ابنك هيبقي هنا
آدم بزعيق': أنا قلت كلمة واحدة ......لحد ما التحليل يطلع ابنك معاكي ....ويللا من غير مطرود ...وسابهم وطلع لفوق
ورد كانت دخلت اوضتها وكانت لسة هتقفل الباب آدم زق الباب ودخل وراها
ورد:نعم ....
آدم: أظن أننا متجوزين ولينا اوضة خاصة بينا
ورد:لا الموضوع دلوقتي بقي مختلف ....طلع ليك إبن
آدم بنرفزة: أنا معنديش عيال ....دي بني آدمة كدابة .....وبيتنفس جامد:بصي يا ورد انتي في حاجات مش فاهماها ولا عرفاها .....
ورد: وأنا ذنبي إيه ..هه قولي أدخل في اللغبطة دي ليه.....دي كانت تمثيلية وكدة اتحكمت نهايتها.....
آدم بيتنهد:قصدك ايه .....
ورد:نتطلق
آدم بتفكير قصد يضايق ورد:طلاق مش دلوقتي ....الفلوس خلاص بقت باسمك في البنك ....عايزة تطلقي الفلوس ترجع ....وسابها وخرج
ورد اترمت عالسرير وانهارت من العياط
##################
آدم دخل اوضته ووقف ياخد نفسه
سوزى خبطت ودخلت لأن الباب كان مفتوح
آدم:ورد مش عايزة تكمل ....
سوزى:مش لعب عيال بقي.....المهم هتعمل ايه مع شروق والولد ؟
آدم بيتنهد:الولد مش أبني يا سوزى ....... الاحساس كفاية .... وأنا مش حاسس أنه أبني ....لازم اعمل تحليل فعلا ...واتأكد .....
سوزى:ورد أنا هتكلم معاها. ......هي فين ؟
آدم:في اوضتها ...
سوزى:لا ده كدة جنان رسمي ....وسابته وخرجت علشان تروح لورد
&&&&&&&&&&&&&&&&&&
استوب كفاية كدة
وأكمل الحلقة الجاية
يا ترى فعلا زين هيطلع إبن آدم ؟
وهل ورد هتكمل مع آدم ولا هتتطلق
