الحلقة ال 17
جبروت عاشق وكبرياء انثي
بقلم خلود عبد الناصر
🌺🌺🌺🌺🌺🌺🌺
الأول آسفة عالخطأ اللي حصل معايا في الحلقات
$#################
في الشركة آدم بيراجع ملفات
الباب بيخبط
آدم:ادخل
السكرتيرة:مستر آدم في واحد برة عايزك وبيقول إسمه عمر
آدم بهدوء: قوليله يتفضل
السكرتيرة بتخرج وبيدخل عمر بعد ما خبط
آدم بيبصله: أهلا وسهلا....مين حضرتك
عمر بيقرب من المكتب وبيمد أيده لآدم:عمر ابن عم ورد
آدم وقف وسلم عليه: آه اتفضل أرتاح
عمر بيقعد: أنا من غير لف ودوران......ورد
آدم بقلق:مالها .....هي كويسة ولا
عمر أبتسم لأن لاحظ القلق والتوتر علي آدم:لا ورد كويسة ..... أنا جايلك بخصوص أنها قاعدة عندنا
آدم وقف:فين ....طب ممكن نروح لها
عمر مبتسم:اهدي بس ......أنا كنت عايز أتأكد أنك لسة بتحبها وعايز ترجعها ولا لا ؟!
آدم بيتنهد؛:هتفرق ؛؛
عمر: أكيد ......
آدم بهدوء:ايوا لسة بحبها ؛؛
عمر مبتسم:تمام ..... وأنا هقولك تعمل إيه علشان ترجع
######################
آدم بثبات:هاتجوز كيان يا سوزى
سوزى بصدمة: إيه اللي بتقوله ده يا آدم
كيان واقفة من فوق مبتسمة بانتصار وفرحة
آدم :بنت اخوكي اختارت يبقي تستحمل بقي ...ولو مش عاجبها أطلقها
سوزى بتهز دماغها بلا:مش ممكن يا آدم إيه اللي بتقوله ده
آدم بنرفزة :كنتي مفكرة أن هنحب بعض ..... أولا هي كانت مجبرة أنها توافق علشان الفلوس وهي دي النتيجة يا سوزى ......أنا كنت عارف عمرها ما هتحبني..... وخنقة:أنا مش هغصبها تكمل معايا ....وسابها وخرج برا الفيلا
سوزى بهدوء:لازم ورد ترجع
######################
تدخل بنت عم ورد جري:باركولي يا جماعة
ورد مبتسمة : إيه يا مجنونة في إيه
اسما:باركولي نجحت خلاص في الجامعة بتقدير امتياز
ورد بحب: ألف مبروك يا قلبي
عمر مبتسم بحب:مبروك يا سوسو
أمهم واسمها شيرين:مبروك يا اسما عقبال الجواز
اسما:بعد الشر .....لسة بدرى ياماما
عمر:ليه هو في تكملة تاني بعد الجامعة ياختي
اسما:هشتغل يا حبيبي
شيرين:شغل إيه يا بنتي ....هو احنا محتاجين شغلك
ورد :معلش يا مرات عمي بس الشغل هو اللي بيثبت كيان الواحدة ....يعني تتجوز واحد مش بيحبها
عمر:أكيد لا بس بردو
اسما:أنا قررت وقدمت علي وظيفة في شركة كبيرة ادعولي اتقبل
ورد بحب:يارب يا موزتي تتقبلي
جرس الباب رن
عمر فتح:عمتو .....
سوزى:ازيك يا عمر
شيرين:تعالي اتفضلي يا سوزى
سوزى دخلت ووقفت قصاد ورد اللي اول ما سمعت اسم سوزى وقفت بسرعة
سوزى:كنت واثقة انك هتكوني هنا طالما مش عند أمك
شيرين:تشربي إيه ..... أكيد قهوة
سوزى:مش عايزة حاجة يا شيرين
شيرين:يللا يا أسما.....اعملي قهوة تركي لعمتك
أسما بهدوء:حاضر ودخلت عالمطبخ
عمر:استني يا بت يا أسما ودخل
شيرين:خدو راحتكم ....وسابتهم ودخلت ورا عيالها
ورد بهدوء:وانتي عرفتي أن أنا مش عند أمي إزاي ياعمتو
سوزى بثبات: آدم .....
ورد بتوتر:ماله
سوزى بنرفزة:آدم بقاله اسبوع مش بينام ولا بياكل وبيدور عليكي ......
ورد :مش آدم اللي قال إني الافضل امشي عند أمي....وكل ده علشان كيان
سوزى بتتنهد:طب بصي بقي لو مرجعتيش النهاردة..احتمال تخسري آدم للنهاية يا ورد ...وسابتها ونزلت
ورد بتقعد بتعب وبتعيط
شيرين كانت مراقباها ...عمر كان هيخرج لها
شيرين:سيبها لوحدها يا ابني
عمر بهدوء :ماشي ياماما ....
#######################
تاني يوم
عمر :ورد
ورد بتخرج لعمر من المطبخ
ورد:في إيه يا عمر
عمر بيعطي لورد دعوة فرح
ورد بتاخدها وهي بتضحك: إيه قررت تتجوز 😂
ورد بتفتح الدعوة ووقفت مبرقة ومصدومة
عمر بثبات:لا آدم اللي هيتجوز .......!!
شيرين بتقف: إيه اللي بتقوله ده يا عمر ....؟؟
ورد بدموع:الفرح النهاردة بليل ......
عمر بيتنهد وبيبص علي ورد بجنب عينه: للأسف يا ورد
ورد بتمسح دموعها:دي هتبقي جنازتهم..... مش جوازتهم
عمر أبتسم ولاكن سرعان ما اختفت الابتسامة:هتعملي إيه يا ورد ....؟!
ورد بغل :كل خير ....وسابتهم ودخلت اوضة
أسما بصوت هادي:الله يخربيتك .....شكلها هتبقي سواد
عمر؛:متقلقيش آدم عامل حساب كل حاجة
أسما:ربنا يستر .....
#################
في الفيلا
توصل ورد وتنزل من التاكسي وتدخل للفيلا
الفيلا مزينة بالورود من عند باب الفيلا الخارجي لحد جوة
ورد بغيظ:ليه كل ده ......ووقفت مكانها ودمعت
ورد بينها وبين نفسها:يبقي مكانش بيحبني .....
لاكن بتفوق علي صوت كيان
كيان:نعم
ورد مردتش عليها ودخلت
سوزى :ورد
ورد؛: آدم فين يا عمتو .......؟!
سوزى:تقريبا فوق
ورد طلعت لفوق جرى
آدم مبتسم وبيلف
ورد بحدة:بص ....
آدم بهدوء : إيه نسيتي أسمي..... أفكرك إسمي آدم
ورد بغيظ:عايز تتجوز البرص اللي تحت
آدم بيكتم الضحكة بالعافية:وانتي إيه اللي مضايقك
ورد بتجز علي أسنانها:أنا مش مضايقة ولا حاجة .....بس براحتك استقبل بقي اللي هيحصلها النهاردة ...
آدم ببرود:عايز أشوف
ورد قربت منه وخبطته في كتفه :بطل برود
آدم بثبات مسك أيدها:ايدك هتوحشك ....ماشي
ورد شدت أيدها منه جامد:هنشوف مين اللي هيوحشك في الآخر .....شكلها هتكون كيان
آدم انفجر في الضحك: إيه هتقتليها مثلا
ورد بغيظ:مش بعيد ......وسابته ونزلت
آدم عالفون :يللا
ورد كانت هتخرج من باب الفيلا بس وقفت لما شافت صورتها هي وآدم متعلقة علي باب الفيلا
واشتغلت أغنية
عامل إيه في حياتك يا حبيبي طمني عليك أنا ذكرياتك حب عمرك اللي مش ناسيك
عامل إيه في حياتك يا حبيبي طمني عليك أنا ذكرياتك حب عمرك اللي مش ناسيك
وأما بتضايق دلوقتي بتكلم مين .......مين حبك في الدنيا دي قدي وارتاحت لمين ...ده أنا وأنت كنا بنفهم بعض بنظرة عين
عامل إيه في حياتك يا حبيبي طمني عليك أنا ذكرياتك حب عمرك اللي مش ناسيك
آدم وقف قدام ورد وساكت...........ورد بصتله بعتاب ولوم
انا بسأل دايما يا حبيبي أخبارك إيه آه..... وبقول للي يروح أو ييجي يسلملي عليك أنا نفسي أعرف لو لسة فاكرني ... فاكرني بأيه
عامل إيه في حياتك يا حبيبي طمني عليك أنا ذكرياتك حب عمرك اللي مش ناسيك
سوزى مبتسمة وساكتة
آدم: آسف يا ورد...بالرغم من أني مش غلطان ....وحشتيني
ورد :بدليل ما أنت هتتجوز أهو
آدم بيضحك: وأنا أقدر بردو
كل أما بحن لأيامك أو شوقي يزيد..... بافتكرك وأسرح في كلامك والاقيني وحيد ....وبلوم عالدنيا اللي خدتنا وودتنا بعيد
عامل إيه في حياتك يا حبيبي طمني عليك أنا ذكرياتك حب عمرك اللي مش ناسيك...................آه يا حبيبي طمني عليك أنا ذكرياتك حب عمرك اللي مش ناسيك....عامل إيه في حياتك...... أنا ذكرياتك .......عامل إيه في حياتك...... أنا ذكرياتك حب عمرك اللي مش ناسيك
&&&&&&&&&&&&&&&&&&&&&&&
الحلقة الجاية أن شاء الله الأخيرة
يللا شجعوني بقي
رجعتهم لبعض علشان خاطر شيماء😂😂😂لاكن لو عليا مكانوش رجعو لبعض أصلا
التفاعل علشان اقفلها بقي وابدء الجديدة
توتة
خلود عبد الناصر 😊😊😊😊
