أولا أنا اتاخرت لظروف
ثانيا الكومنتات لو عايزين الرواية تكمل كل واحدة تعلق بعشر كومنتات سهلة أهي
#################
الحلقة ال11
جبروت عاشق وكبرياء انثي
##################
###################
حسام بتهكم:ليه ما أنتي كنتي واثقة أنه هيحبها!
سوزى: وأنا واثقة أنه آدم بيحب ورد
حسام بتهكم:وعلشان كدة هيطلقها......قولي كلام يتعقل يا سوزى
سوزى:حسام آدم هيطلق ورد علشان هو خايف عليها
حسام 😏:نعم !!
سوزى: آدم حب ورد بس أنت عارفه كويس .......الخوف من المستقبل هو اللي متحكم في أعصابه ....يعني هو خايف يصارح ورد ......شبح شروق والماضي بيطارده
حسام بيتنهد:فعلا هو خايف ....طب والحل
سوزي بتبتسم: الحل عنده هو .... والتفكير:هما اتأخرو ليه أنا هاطلع اشوفهم
حسام أبتسم: أنا خلاص فصلت .....هاروح والصبح اجي اطمن علي آدم
سوزى ابتسمت:تمام يا حسام .......وسابته وطلعت لفوق .... وحسام خرج
###################
آدم:ورد أنا بحبك !!
ورد بصتله جامد وبرقت :عيد اللي قولته يا آدم
آدم اتنهد: أظن سمعتي كويس
ورد وقفت :لا منا لازم أسمع الكلمة كويس واتأكد أنك قلتها ..... أصل بصراحة مش مصدقة وداني
آدم بيعوج بقه:ليه قلت نكتة
ورد ضحكت: أحسن من النكتة
آدم وقف بجدية:طب اسحبي الكلمة يا ورد ....وسابها وراح ناحية الباب يفتحه
ورد جريت وراه ووقفت في وشه واتكلمت بجدية: آسفة مقصدش ......بس بجد أنا مش مصدقة اللي سمعته
آدم بثبات: أنا الكلمة عندي بتتقال مرة واحدة
ورد بكسرة وخنقة : أنا بردو بقول شكلي سمعت غلط
الباب خبط
سوزى: آدم
آدم فتح الباب
سوزى باستغراب:في إيه يا ورد .....
ورد بثبات: خلصت يا عمتو .......ونضفت الجرح ....بعد اذنك يا آدم
آدم رجع لورا وورد انسحبت ونزلت
سوزى بهدوء: أي اللي حصل يا آدم ؟!
آدم بثبات:بنت اخوكي بتسمع غلط ....بعد اذنك تعبان جدا عايز أرتاح
سوزى بتتنهد:ماشي يا آدم .......تصبح على خير
####################
ورد شاردة الذهن تليفونها رن وكانت مريم
ورد : لسة فاكرة
مريم عالناحية التانية بتضحك: أنا قلت زمان آدم اعترفلك بحبه بعد ما قولتله أنك بتحبيه
ورد الجملة نزلت عليها كالصاعقة:مريم أنتي بتقولي إيه .....قلتي لآدم إني بحبه
مريم باستغراب:وفيها إيه ....مالك صوتك متغير
ورد بعياط: أهو كرامتي بقت في الأرض بسببك ....سلام يا مريم وتنسي انك كنتي تعرفيني ....وقفلت وطلعت لفوق
ورد فتحت الباب ودخلت
آدم بصلها وساكت
ورد كانت كالبركان: بص يا آدم مريم بتكدب عليك ..... أيوا أنا مش بحبك ولا حاجة و....
آدم وقف وقرب منها ورد بصتله وحاولت تستجمع شجاعتها
ورد:ايوا دي واحدة كدابة متصدقش اللي قالتهولك
آدم أبتسم :مريم دي صاحبتك يعني سرك كله معاها .....
ورد بصريخ:بس كدابة
آدم قرب منها اكتر ورفع وشها بأطراف صوابعه: أنتي منفعلة ليه
ورد دمعت وساكتة
آدم أبتسم:ولما انتي مش بتحبيني طلعتي مخصوص علشان تقولي كدة
آدم حاوط وشها بايديها:ورد أنا الجبروت اللي انتي شايفاه علي وشي ده من الوجع اللي جوايا
ورد :وعلشان كدة بتيجي عليا صح
آدم سكت وبعد عنها وقعد علي الكرسي
ورد قربت منه :رد عليا ....... آدم لو أنت مش حابب تكمل و
آدم قاطعها وقرب منها اكتر: أنا عايز اكمل ونفسي ابدء حياة جديدة وصح ومش عارف
ورد حاوطت وشه بايديها وبمزاح:يعني الكلمة اللي سمعتها كانت صح ......
آدم أبتسم: أيوا يا ورد
ورد برخامة:طب أنا بقي مش بحبك 😝
آدم بغيظ:قومي يا بت أنتي من هنا
ورد ضحكت:خلاص قلبك أبيض....... أنا مش بعرف ازوق كلامي ولا أقول كلام حب وكدة
آدم بحب : أعلمك أنا ....
ورد ابتسمت : وأنا موافقة أتعلم معاك كل حاجة
#####################
تاني يوم الصبح
ورد فتحت عيونها وابتسمت وكانت هتقوم
بس آدم كان محاوطها بدراعه
ورد بهدوء: آدم
آدم أبتسم:عيونه
ورد ابتسمت:عايزة أنزل احضر الفطار
آدم قعد وهو مبتسم:هطلب من سعدية تحضره ....
ورد:طب أنا أقولها
آدم سند دماغه في حضنها:لا خليكي جنبي
ورد ابتسمت
الباب خبط .... آدم : أدخل
وكانت سوزى اللي بصتلهم باستغراب: آدم .....
آدم بهدوء:سوزى قولي لسعدية تحضر الفطار
سوزى ابتسمت :حاضر ...وسابتهم وخرجت
ورد باحراج: ينفع كدة .... عمتو تقول إيه دلوقتي
آدم ضحك جامد:هتقول واحد ومراته
ورد ؛: أنا بقي مخاصماك
آدم :لا إحنا ملحقناش ....استهدي بالله كدة
ورد ابتسمت :لا أنا زعلانة ......
آدم قرب منها وباسها من خدها: وأنا مقدرش ازعلك يا وردتي
ورد ضحكت:وردتك
آدم بحب:وردتي ..... علشان انتي ملكي أنا وبس
##################
بعد يومين
آدم صلح ما بين مريم وورد
آدم قرر يعمل احتفال بعيد ميلاد ورد وعملها زي مفاجأة
ورد ابتسمت والدموع لمعت في عينيها:بس كدة كتير عليا يا آدم
آدم بحب:مفيش حاجة تكتر عليكي يا وردتي
مريم بتضحك:الله يسهلو........
آدم بهدوء:حسام بينده عليكي علي فكرة
مريم بتضم بقها:دي توزيعة بقي
آدم :الله ينور عليكي .......وهو بيزقها:اخلعي
مريم بتضحك:ماشي يا آدم
حسام بيوقفها:عملتي مصيبة إيه
مريم ببراءة:والله أبدا ماعملتش حاجة .....وبصوت واطي : آدم بيفلسعني
حسام ضحك :والله عنده حق
####################
شروق:فهمت هتعمل اي بكرة
وائل بثبات: أكيد .....بس أنا نستغرب عرفتي طريقي إزاي ....ده ورد ذات نفسها متعرفش عني حاجة بقالها سنين
شروق بثقة:وهو أنا ورد. ......فوق وأعرف إنت بتتكلم مع مين .....
وائل؛:بس أنا عايز الفلوس عالحساب الصبح .....
شروق:ما تقلقش أول ما تروح الشركة لآدم وأعرف أنك نفذت ....الفلوس هتكون عالحساب
&&&&&&&&&&&&&&&&&&&
الهبد مسموح يا جدعان 🤚😂
يعني توقعاتكم بقي
&&&&&&&&&&&&&&&&&&
توقعاتكم
ورأيكم في الحلقة
خلود عبد الناصر
