الحلقة السادسة
جبروت عاشق وكبرياء انثي
بقلمي خلود عبد الناصر
🌺🌺🌺🌺🌺🌺🌺
آدم دخل اوضته ووقف ياخد نفسه
سوزى خبطت ودخلت لأن الباب كان مفتوح
آدم بيتنهد:ورد مش عايزة تكمل ....
سوزى بترفع حاجبها:نعم ....مش لعب عيال بقي.....وبتتنهد:المهم هتعمل ايه مع شروق والولد ؟
آدم بيتنهد:الولد مش أبني يا سوزى ....... الاحساس كفاية .... وأنا مش حاسس أنه أبني ....لازم اعمل تحليل فعلا ...واتأكد .....
سوزى:ورد أنا هتكلم معاها. ......هي فين ؟
آدم بتهكم:في اوضتها ...عاملة نفسها زعلانة .....
سوزى:لا ده كدة جنان رسمي ....وسابته وخرجت علشان تروح لورد
################
عند ورد
سوزي خبطت ودخلت :في إيه يا ست ورد .....هو لعب عيال كل يوم والتاني مش عايزة تكملي.....
ورد بتتنهد:عمتو .....دلوقتي في ولد واحتمال كبير يطلع إبنه .....وده ممكن يكون سبب أنه يرجع لشروق ....يبقي كدة وجودي مالوش لزوم
سوزى بنرفزة: إبنه مش إبنه .....في اتفاق ولازم يتم للآخر ....والمدة بقي أنا قررتها ...
ورد بتهكم: أد إيه أن شاء الله؟
سوزى:سنة !
ورد بصدمة:نعم !!سنة إزاي يا عمتو .....ده أنا مش قادرة استحمل طباعه أسبوعين......
سوزي:ده بقي الاتفاق .....ولازم تكملي
ورد بتأفف:مش عارفة كان مالي أنا بالشغلانة دي
سوزي:خلاصة الكلام .....يللا علي اوضتك
ورد:ماهي دي بردو اوضتي
سوزي:اوضتك انتي وآدم
ورد بتزمجر:ماشي يا عمتو ....وبتسيبها وبتخرج
################
آدم واقف في الشباك بس وشه لباب الاوضة منتظر رجوع ورد
الباب كان مفتوح
ورد دخلت وقعدت عالسرير
آدم بتهكم: رجعتي في كلامك ليه ؟؟
ورد بعدم فهم :كلام إيه اللي رجعت فيه ؟!
آدم قرب منها : أنتي مش كنتي مصممة عالطلاق ....ولا أول ما سوزى قالتلك ترجعي ....رجعتي
ورد وقفت بحدة: أنا رجعت بمزاجي !
آدم بيضحك بسخرية:بمزاج سوزى ..... ما هي اللي بتحركك زي اليويو
ورد بهدوء ما يسبق العاصفة:بص يا آدم .......كل الحكاية إني مبحبش أزعل عمتو .....لاكن لو عليا من الأساس ماكنتش واقفت علي جوازي منك
آدم ببرود:يعني مش علشان الفلوس ....وجوز أمك اللي كان بيضربك
ورد والدموع ابتدت تتكون في عينيها:طب أنا عندي الظروف اللي أجبرتني أوافق ......وانت إيه ظروفك علشان توافق.....أقولك أنا ....وفي اللحظة الدموع نزلت من عينيها :علشان تغيظ شروق ......فهي تقرر ترجعك ليها والطرق كتير وأولها الولد ..... وفي الآخر هترجعو لبعض وعلي حساب مين ....علي حساب ورد اللي مجبرة تكمل المسلسل علشان الفلوس
آدم باصصلها وساكت:خلصتي !!
ورد بتاخد نفسها وبتمسح دموعها :خلصت
آدم : أولا أنا لما قررت أوافق كان علشانك أنتي ...... واظن عارفة كويس اللي حصل .....ولا نسيتي .....وبنرفزة:يعني مش علشان شروق ترجعلي....... وبيتنهد:شروق دي أنا ماسحها من قاموسي بقالي 10 سنين ..........
ورد بصوت مخنوق:ما هي رجعت لا وكمان معاها ولد بتقول أنه ابنك .....نفترض أنه فعلا ابنك هتعمل ايه..... أكيد هيعيش معاك وفي الحالة دي لازم ترجعو لبعض
آدم:في كتير منفصلين وبينهم أولاد ومش عايشين مع بعض .... أكيد دماغك اكبر من كدة وفاهمة
ورد بتتنهد:فاهمة .. ...طب إنت عرفت المدة لجوازنا قد إيه؟!
آدم:لا طبعا ......
ورد:سوزى قررت انها تكون سنة ....
آدم بيبرق:نعم ......سنة إزاي يعني .....سوزى بتفكر غلط .....بس عالعموم ماشي ....سنة ماشي
ورد بصتله وسكتت
##################
بعد اسبوع آخر النهار
آدم راجع من الشركة وداخل من باب الفيلا وفجأة وقف
آدم بنرفزة:انتي بتعملي هنا إيه ؟
شروق بابتسامة:نتيجة التحليل .....زين يبقي إبنك
آدم ببرود: وأنا مالي ....سبق وقلتلك ده ابنك انتي ...
سوزى تنزل من الاعلي: آدم سبق بردو وقلتلك لو طلع إبنك مش هنسيبه....
ورد واقفة من فوق
آدم:وبعدين ......بتفكير :خلاص تعمل تنازل عنه
شروق :لا ....هاقعد معاه
آدم بص لورد ورجع بص لشروق: أنا قلت اللي عندي
سوزي:مفيش مشكلة عالاقل الولد يبقي تحت عين أمه
آدم بنرفزة:كدة كتير يا سوزى .......وافقتك في حاجات كتير....بس لحد كدة لا
سوزى بهدوء: آدم.... أنا عارفة بعمل إيه
آدم ببرود:وهتقعد فين ؟!
سوزي:في اوضتك ....!
آدم بصوت عالي:ده من رابع المستحيلات .....شوفيلها مكان تاني ......
سوزى:مش مشكلة هنحلها .....
آدم اتنهد : أنا راجع مصدع........سعدية ...يا سعدية
سعدية:ايوا يا أستاذ آدم
آدم:عايز فنجان قهوة علي اوضتي ....وسابهم وطلع لورد اللي كانت واقفة ودموعها محبوسة في عينيها
آدم مبتسم :هتفضلي واقفة كدة كتير
ورد بصوت مخنوق:لا ...وسبقته عالاوضة
آدم بص علي شروق اللي كانت واقفة هتولع وبعد كدة دخل لورد
##################
آدم بهدوء؛:ممكن تعتبريها مش موجودة
ورد بتبصله وساكتة
آدم:مسمعتيش الكلام اللي قولته
ورد بهدوء:سمعت .......بس ده اللي قولته من اسبوعين ....
آدم قرب منها:لا يا ورد ......مستحيل ارجعلها..... أنا مش عارف اقولك ايه ......في حاجات مش هينفع تعرفيها
ورد :لا عايزة اعرفها .....اتفضل قول
آدم قعد بتعب علي الكرسي:شروق خانتني .......عارفة يعني إيه خيانة .......اكتر حاجة تكسر .....وتهد......لا ولما واجهتها .....قالتلي أنها مبتحبنيش.......تعرفي أنها كانت السبب في وقوع الشركة وبعدها بابا مات ......مهما حكيت ولا قولت .....مش هعرف اوصف الانسانة دي ...واحدة مجردة من المشاعر والاحساس
ورد قربت منه وقعدت علي الأرض وبمزاح:وادي قعدة ....كمل يا ابني
آدم أبتسم بعفوية: أكمل أقول إيه ؟!
ورد :انسي ......شوف حاجة أحسن نتكلم فيها
آدم قام وقف وبعد كدة قعد جنبها عالارض : اتكلمي أنتي ....
ورد بصتله باستغراب:طب كدة هدومك هتكرمش....
آدم ضحك:تكرمش......عادي هبعتها تتكوي ....ورد لو مش حابة تكملي التمثيلية ....عادي.....اطلقك ومش عايز الفلوس
ورد بصتله بخوف: إنت بتقول كدة ليه ....مين قال بس إني مش عايزة اكمل.....
آدم بيتنهد : أنا عارف أنك وافقتي عليا غصب عنك ....و
ورد حطت أيدها بتلقائية علي شفايفه:لا يا آدم .... أنا واقفت بمزاجي .....مش غصب ولا حاجة
أدم شد أيدها من علي شفايفه وقرب منها اكتر:يعني مش هتندمي بعد كدة
ورد: أندم....لا....بس بتسألني ليه ؟!
آدم:يعني حواراتي و مشاكلي كتير ....وانتي ملكيش ذنب
ورد بتبتسم:عادي منا بردو مشاكلي كتير .... أمي وجوزها ...ما أنت بردو اتدبست في جوازة
آدم باستغراب:اتدبست ....عليكي كلام غريب
هنا الباب خبط وكانت سعدية
ورد وقفت وراحت أخدت منها القهوة وعطتها لآدم
آدم مبتسم:ميرسي ....
ورد:هانزل أشوف عمتو ...
آدم:شروق تحت ...
ورد: وأنا مالي بيها ....وسابته وخرجت
آدم أبتسم
##################
سوزى:خلاص .... أهي ورد نزلت
ورد :خير يا عمتو
سوزى: شروق هتقعد في اوضتك هي وزين ....لحد ما اظبط الدنيا دي
ورد بهدوء:اوك يا عمتو ....في الأول والآخر بيتك وانتي حرة فيه
سوزى مبتسمة:حبيبي ده بيتك انتي كمان ....
ورد:ميرسي يا عمتو ....بعد اذنك ...المفروض اجهز الغدا لآدم
شروق وقفت بتعمد:لا هحضره أنا متتعبيش نفسك
ورد :لا مفيش تعب ده جوزي
شروق بغيظ:براحتك ....وقعدت
ورد سابتهم ودخلت عالمطبخ
&&&&&&&&&&&&&&&&&&
استوب كفاية كدة
وأكمل الحلقة الجاية
