للحب جنون

بارت الاول

صعدت فوك السطح حتى اكنسه اكو زرف بالستاره بينه وبين جيرانه اخذني الفضول اباوع منه جان اشوف جيرانه كاعد ويشرب جكاير جان افلت ركض ليجوه لبست عباتي ورجعت انضف كلت خاف يوكف ع حيله ويشوفني المهم كنست ونضفت شويه رجعت اباوع من الزرف نفسه جان الكي هو هم يباوعلي وكال ها اطيج جكاره اني نزيت نزه من الهبطه كتله عابت الك المهم خليت ونزلت ضليت افكر ليش يباوعلي اني ناصبه عليه واباوعله حتى اضحك عليه على خواته هو المن يباوع
المهم يوم ورا يوم كلساع الكفه يباوعلي لو اباوعله اخر شي يوم منهن بهزت راسي عليه من الستاره وخليت طابوكات جواي وصعدت كتله ولك ابو الجكاير شتريد مني تباوعلي كال اريد اعلمج تشربين جكاير هاج جكاره وطلع جكاره وشغلها خلاها بوجعي
كال هاج هاج دخني اخذتها منه وضحكت خليتها بحلكي ونزلت عود اتفيك واريد اضحك عليه جان اسحب دخان واشحط وهو شبع ضحك عليه نزلت ليجوه اكح امي تلكني ها شبيج كتلها من تراب لسطح
كمت يوميه اصعد لسطح حتى اشوفه ماعرف ليش وهو يسوي حركات تضحك يجيبلي اكل حلويات يشاركني بيهن اكثر شي الكاه صاعد العصر كلش الصبح ابد ما اشوفه
مره منهن بهزت راسي عليهم واشمر حجار 🙂🔪💪 وجان يجي ابوه واجت وحده بصدره وانه ااااافلت شيله عبوووود مادري ليش بوقتها غلسو ثاني يوم صعدت هم بهزت راسي ولكيت الولد كتله امس اشامر حجار عليكم وطلع الحجي واجت وحده بيه كال وشسوالج كتله شردت 🤣😂😂💪 كال اكول ابوي نزل يرزل يكول ما الله يخلصنا من المطيرجيه عباله مطيرجي طاكه وكام يضحك كالي بعدين انتي المن تشامرين علينا حجار كتله شتهيت نمبر وان وكلت تشتريلي كال اطيني فلوس هسه اشتريلج كتله ها لا ماريد بعد جان يطلع من جيبه حب وينطيني كال هاج كرزي كرزي الجلف
وراحت ايام واجت ايام وانه لو اسولفلجن على شكلي شواربي وانه وكفشتي وقطره مكياج ما اخلي لان ماخذته بالضحك يعني اذا ضجت اصعد اضحك شويه واكل حلويات وانزل مره منهن هم بهزت راسي واشامر حجار واجتي امي معطتني من كفشتي وطباااااح ع الكاع امي لطمت ع وجها صاحت يحححح شسوين ولج راح تخزينه شعدج هنا المن تشامرين هسه تكليلي كتلها اكو حمامه هنا وجاي اطيرها كالت وانتي شعليج بالحمام انتي ولد انتي مطيرجي المهم امي بهزت راسها تتأكد اكو حمامه لو اجذب جان ابو الولد يجي ويشوف امي هو رجال شايب شويه جبير بالعمر كالها افا ام افلان ما مرجيه منج طلعتي انتي تشامرين حجار وانه عبالي مطيرجي ورزل امي ذيج الرزاله انه بوكتها بطني انشكت من الضحك وما عاول يجي ثاني يوم والتقي بالولد واسولفله شصار بين امي وابوه
ثاني يوم صعدت انضف وارتب بالسطح وافرش حتى انام فوك من عادتنا المهم ما بهزت راسي خفت تلكفني امي بعد ...