للحب جنون

بارت 8

ركضت وصلت البيتونه ومن خوفي وكعت على وجهي وتعورت والجروح البيه لجمني ما لكيت احد الباب من وحده تحرك من الهوى وعدت سلامات بس الخوف قره عندي مليون حيل خفت نزلت وقفلت الباب ورجعت المفتاح كما كان 
راحت ايام واجتي ايام واهلي بدون يقبلون تشدد وياي سمحولي الزم مبايل بس ما اطلع وما اصعد للسطح وهمه ما كامشيني قبل اراسل وهيج وانه حذره حيل ضلينه بس عتواصل وامي من قهرها عليه لا اطلع ولا امشي شترتلي تلفون خاص بيه وكالت لا تطلعي كدام اخوتج صدك اني بس بليل بفراشي افتح نت ونسولف ضل تواصلنا على المبايل بس صدفات كلش كلش نلتقي وبده حبنا يقوى وبشيشه طاحت بمصيدة الحب وتغيرت كمت احب من صدك لحد ما يوم من الايام اجني يحيى بخبر كال خلينه نترك بعض وين تاليتنا
كتله حالنه حال كل ثنين يحبون بعض
كال انتي عبالج بهل سهوله بس صعبه حيل كتله ليش ما تكدر تاخذني ؟
كال بالعكس امنيتي اخذج لان صدك انسانه معدله وراقيه
كتله والسبب ؟
كال ذيج المره ردت احجيلج البكلبي ولزموج نعنعو ضلوعج خاف هسه هم احجيلج وتلكفين كتله احجي يحيى شكو كال من نتشاوف احجيلج كتله لمته نشاوف كال شوكت ما يصيرلج مجال اطيني خبر نلتقي بالمدينه المائيه مالتنا 😂يقصد على السطح المهم اجه اليوم والتقينا كتله شبيك مخبل انته شنو ترك بعض انه الما يهزني جبل وقويه وما اهتم لفراك اي بشر بس يا بشر افهم انه تعلقت بيج اقلها خلينه مثل قبل اصدقاء كال والله من وحدج اتركيني كتله شكو شبيك
شصاير وياك متزوج قبل؟ عدك بنات؟ ووو
كال كلهن لا
كمش ايدي وكال اساور اني مريض وايامي معدوده كتله تعوف سوالفك لو تعودت تجذب مثلي كال والله صدك مريض كتله شبيك
كال بيه مرض سرطاني وايامي معدوده وماريد اعلقج بيه اكثر هو يسولف ويحجيلي على المرض مالته وعلى الاذيه ويكلي اتمنى مثل البشر يوم واحد بحياتي انام مرتاح وما افز من الوجع هو يسولف وانه ابجي كتله ما الك علاج ؟
كال ماكو نهايته موت مرضي وشويه شويه اتهالك لحد ما اوكع اتخربط واموت سحبت ايدي حيل منه ونزلت هو يتصل وماكو ويراسل ومارد طفيت مبايلي ٣ ايام قفلته وراها فتحته لكيت الاف الرسائل من كد ما هواي ما قريتهم كلهم بوكتها
بس وحده منهن مكتوب بيها محتاجج وبس يمج ارتاح راسلته رد عليه ورا شويه كال وضعي الصحي تعبان ابقي يمي ادري عرفتج اتركيني بس اصارحج بس اريد ابقى يمج خاف اموت اقلها شويه اشبع منج انه هنا نهديت عليه بالحجي انته حيوان انته انته وكمت اغلط واقسم وشلون ماعرف اقسم بشيشه ورابيه وي كومة ولد
كتله شفت ٣ ايام ما تحملت وعوزك تذل نفسك شتكول عليه وعلى مشاعري من تكلي خل نترك بعض انته ما تموت ما يصيرلك شي ورجعنا نتواصل ونلتقي
ذاك اليوم ملتقين بالسطح ونسولف وجان ينزل يكعد على وكمش بطنه كام يتقيئ وتكرمون بالقيئ مالته دم وحيل يتاذه يصيح اساور راح اموت احس سجاجين تجرح بيه انه صحت يحيى انزل فدوه انزل هو كوه نزل وانه تذكرت كلامه من كالي انه مريض وايامي معدوده بس اتخربط اموت
ماعرف وين اروح وين انطي وجهي منين اجيب اخباره اووف اتعس ايام عشتها وين جنت بنيه بريئه طفوليه وين شبعت كتل من اهلي وتعذيب بسبب هذا الحب وتالي اتعذب بنفس الحب شفته يموت كدامي منضره ابد ما يروح من ذاكرتي ومن كالي اساور راح اموت وكامش جسمه ويعصر حيل بروحه. من الوجع......