صادف بوقته يوم الاربعاء شبعنا بجي ورجعنا وامي احسها صارت ام ليحيى مادري ليش هلكد مكسور كلبها وكلساع وكالت متعيني عليج بتشي ما لفاج الحظ الزين دوم مكسور كلبج وماعرف شقصدها بهل حجي المهم الجمعه رحنا ليحيى
وجهه شاحب تعبان هلكان كلشي بيه من دخلنا عليه نز خطيه احس كلبه يفرفح من يشوفني كاعدين يمه انه وماما وامه وكامش ايدي ورا شويه عصر ايدي حيل وكام رفع نفسه شلون الصار عبالك كاعد انتجى على ضهره وبده يسولف بصوت ناصي لحد ما عله صوته شويه كال اريد حليب كتله هسه اجيبلك كال لا انتي ابقي يمي ركضت أمه تجيبله حليب وامي طلعت وراها جان يكول هذا ابوي جاي اشوفه جاي يصيحني ويغمض شويه ويفتح ويذكر ناس موتى يكول ابوي يصيحني خالتي جاي تضحكلي وانه كمت اصيح يحيى يحيى لا فدوه يحيى وهو يسولف ساعه وياي ساعه يتخيله ورا شويه كال هذا وحش واكف ورا ابويه وخري عن ابوي وانه عرفته جاي يشوف ملك الموت بعيونه 💔💔
اجتي امه وامي
جان امي تكله خال يحيى تمدد مو زين عليك كاعد هيج امه كالت لامي
خيه هاي صحوة موت يريد يموت وحضنت امي وكامت تبجي يحيى يكلي شبيهن ذني يبجن كتله فرحتنات لان طلع صوتك وكعدت تأخرنا يمهم ابويه خابر على ماما جان امي تكله احنه نبات اليوم صديقتي مريضه حيل واخذت اساور وياي تباريها
ثاني يوم السبت ب١٠ الصبح تحديدا يحيى كامش ايدي عصرها حيل وشويه ورخت ايده كلش
يحيى كطع النفس كام ما يتنفس كمت اصرخ ماما الحكي ماما يحيى تخربط التمو الدكتاره انخبصوا حيل اخذو حيدر بنفسهم سحبو بيديهم اخذو لغرفه بيها جهاز تحفيز القلب وكامو ينتلون بيه واكثر موقف آذاني من ينتلو خطيه يطلع دم يطفر ليفوك
من يطفر دم ليفوك تنسحن روحي واحنه نباوع لحد ما استقر نبض يحيى رجع للدنيا ثاني يوم اجه الدكتور مالته واحنه رجعنا لهلنا
جان امي تخابر على امه كالتلها خيه ابشرج يحيى الاحد يطلع خيه ما مصدكه حياوي يطلع جان امي تكلها الاحد غباشه عدكم اجي اطش واهليه بالمستشفى ناذره لبو فاظل ما قصر العباس انه حياتي من صفر لل ١٠٠ تغيرت ارتاحيت وفرحت
رحت وي امي الاحد طلعنا حيدر بعربانه انه امشي يمه وايدي على متنه بس هو حالته حاله ضعفان وكو يحجي وصاير عنده نقص كالسيوم حاد بسبب النزف وغيرها والجراحه وكذا ما اريد اذكر كل التفاصيل قهرتكم هواي
راحت ايام واجتي ايام وبين يوم ويوم او كل يومين نسير نطمن عنهم مرات اخواني يسألون امي وين رايحات تكلهم اختكم مريضه مرض مال نسوان ويحتاج تتمشه وهمه ولد شمعرفهم امي حيل ساندتني...
حياوي البطل حياوي السبع بده يتحسن ويرجع لاحسن وتخلص من هذا المرض وعمليته نفشت وفلو خياطه والفرحة الجبيره يوم الدكينا الباب وحياوي فتحلي الباب وجان يكل لامي خاله عدي طلبه يمج وامي كالتله ابشر كالها اريد اطلب ايد بشوش منج امي كالتله صير زين وارجع بحيلك وتشلع عيوني وتاخذ بشه واهلها هو كالها وحيدر؟ كالتله ما عليك يمي بس صير زين وانه خجلت حيل ام عطوب ام كصايب ام الوصخ ضليت اخجل😂
يحيى تحسن حيل ورجع لشغل حتى يكون نفسه ويتزوجني حياوي كلف وسبع وكلمته وحده
مره من المرات امي اخذت تراجي مال صديقاتها تبيعهم باعتهم ب٦٠٠ الف
من رجعت واكعات الفلوس منها وهيه الها بالفلوس بس ٢٥
امي ضلت حايره وابد ما سولفت بس ليحيى وجان يحيى ينطيها ويسد حاجتها وبعدين يالله دريت بموقفه هواي هواي مواقف حلوه وياه
ذاك اليوم اندك الباب علينه العصر واذا بيها ام يحيى وخالته وخواته ثنين تلكيناهم وضيفانهم وجان يطلبون ايدي لبو الدجاج 😂🙊🥹
وبشيشه ام عطوب راح تصير عروس ويني وين العرس 😂
فرحه جبيره ومن امي كالت لابويه حيدر جان معارض وبعدين قنعناه وامي تقنع حتى بليس ومن يوم القنعت حيدر اخوي وهو جان قافل عرفت انو الحكومه كلها بيد الام
لان ابويه جان بليل ينطي قوانين بنهار نلكه امي تضحك والقوانين مكسوره
أنت تقرأ
للحب جنون
Humorصعدت فوك السطح حتى اكنسه اكو زرف بالستاره بينه وبين جيرانه اخذني الفضول اباوع منه جان اشوف جيرانه كاعد ويشرب جكاير جان افلت ركض ليجوه لبست عباتي ورجعت انضف كلت خاف يوكف ع حيله ويشوفني المهم كنست ونضفت شويه رجعت اباوع من الزرف نفسه جان الكي هو هم يبا...
