للحب جنون

بارت٥

طبعا اني البيت كله يتخبل مني لان خبله واشاقي واخذ شقاوه عليهم عبالك ولد لان اني بنيه عشت وي ٥ ولد وبعدين يالله صارت بنيه عدنا عنونه ربيت وي ولد وعرمه واطباعي كلها مال ولد بحيث والله العظيم اطلع اشتري نص جهال المنطقه يعرفوني لان اشاقيهم ومرات اذا شفت بنات زغار اعيل بيهن
المهم ثاني يوم امي كربتني انه والولد سوينه حملة تنضيف جبيره بالبيت رحت الغروب كلش تعبانه كتله انزل اليوم لا تنتضر جان يضحك كالي هو اجيت انزل كملت جكاير شيخلص ال ٢٠ يوم وارجع لشغل ادخن براحتي المهم نزلت واحد من اخواني طلع يشتري وصيت وياه جبس ابو الهدايا احبه دوم يشترونه الي لان بيه هدايا حلوه احتفظ بيهن بخانتي طبعا الوحيده اني خانتي وي غرفة ماما لان عود بنيه وكذا
المهم طلعلي هديه بالجبس ابو بريص زغيروني مطاط😂😂😂😂😂😂🔪🔪🔪 وهلا بالخميس
واحد من اخواني يشمأز من ابو بريص بحيث ساعه كامله اركض وراه وهو يفتر من غرفه لغرفه ويصرخ وميته ضحك لحد ما اخذتلي صيحه من اخوي الجبير زمخ عليه
ضميته بجيبي ولو تشوفون جيبي شبيه مخليه بيه انواع واشكال حتى بشر يمكن تلكون بيه
المهم للعصر صعدت سلبت ابو الجكاير اخذت حلويات منه وتذكرت اخوي من اركض ورا بأبو بريص ردت اسولف ليحيى وبطلت كتله اكلك ذاك الباسكل المن
اكو بسطح ٢ باسكلات مكسرات التفت هو كال وينه منهن وجان اطلع ابو بريص واخلي على علباته 😂😂😂😂 بكل دقه وتكتيك 😂😂😂 على كولته ... هسه اكلكم شكالي
المهم هو حس بيه جان يمد ايده على ركبته ويكمشه ويلكاه ابو بريص زغيروني مجعمص ومطاطي جان يكمزله كمزه وشمره حيل كال خرب شنو هاي وانه فطست ضحك وهو كام يمسح بايده بملابسه وماكو كتله ها خواف كال اندري منين اجه كتله انه خليته عليك شبيك لعابه مو صدكي جان يزمخ بوجهي حيل اول مره لسمع صوته عالي كال ومرررض شنو من بشر انتي وخله ونزل انه انهضمت صدك ورا شويه رجع كال شيسمونها هاي شنو هل لعبان نفس شنو هل طيحان حظ كتله شبيك غير نشاقه كال هو هذا شقه روحي راحت كتله ليش كال والله اخاف من ابو بريص اكثر من ما اخاف من اهلي والموت 😂😂😂😂😂 منها كال شنو هاي خفت الايد عدج بعدني ما ملتفت خليتي عليه كتله اعجبك بهل سوالف كال خبله انتي بشر انتي شيخلصني بعد كافيني شرج لا تصعدين اصعد حتى ادخن كم جكاره وانزل فوك ما اصرف حلويات عليج هيج تجازيني وسواها زعله شكبرها من ابو بريص😂😂😂😂😂😂😂😂😂😂
ضلينه نسولف وسولفتله من ركضت ورا اخوي ضحك كال الخبله والله ارتاحيتلج كمت اصعد علمودج مو مثل قبل علمود ادخن كتله وانه هم ودنكت كال خجلتي كرت عين ابوج كتله لا والله مفكره اجيبلك ابو بريص صدكي وانه اعلمك حلفني بالف امام والف سيد اعوف هل سوالف وكتله ان شاء الله

المهم راحت ايام واجتي ايام وكال اني بعد يومين اصعد للشغل كتله لا بطل كال ها كتله ها لا اشاقه
بس طلعت مني لا اراديه ماعرف ماردته يروح كال عدج تلفون؟
كتله لو عدي ما كابلت وجهك كال راح اجيبلج تلفون بشرط تضمي هنا بسطح وبس العصر تصعدين اخابرج كتله لا ولك اذا لكفوني اهلي يكسروني تكسر كال ماعليج باجر اجيبلج
انه جنت اخذ تلفونات اهلي اكلب بيهن فيس وغيرها كتله لا عوفه عندك فيس؟ كال اي
كتله انطيني حسابك اراسلك من تلفون ماما كال ماشي اتفقنا
ثاني يوم ما اجه ثالث يوم ما اجه رابع يوم ما اجه
بحثت حسابه وراسلته اول رساله وديتها اله صورة ابو بريص رد عليه ورا كم ساعه كال شترجه منج غير جنج واحد مسجون تراكج والضيم يا حالج كتله وينك كال خابروني وصعدت للشغل كتله والحلويات كال سجليهن عليه من انزل بعد ٤٠ يوم اجيبلج دزلي صورته وهو بداخل قاعة الدجاج ماعرف شصارلي صارت نغزه بكلبي ودي اكله مشتاقلك بس حسيت انه مو مال هل سوالف انه مال خبال مال مقالب
كتله فدوه صورلي فيديو اشوف الدجاج لان ورا دجاج هواي كلش عدد ما تصورونه جان يدزلي فيديو ١٠ ثواني والدجاج كله يصيح باق باق باق كله يقاقي 😂😂😂😂 متت ضحك اول مره اشوف هل عدد من الدجاج ويقاقي