للحب جنون

بارت 7

خله ايده على ايدي وباوعلي ونضراته مركز بعيوني حيل وعيونه مدمعه كالي اساور ...
انه سكتت ماعرف شنو صار وياي ساكته ومركزه حيل حيل بكلامه وبعيونه رجع كال اساور ..ها يحيى كول
كال ابوي ترابه اخضر بعده وانه حيل متعلق بيه كتله الله يرحمه ان شاء الله بالجنه يم رب حنون عطوف كال اساور ... مخنوووك حيل ومحتاجج وبكلبي حجي بس الله يدري بيه
كتله احجي كال ما تعوفيني؟
كتله احجي فدوه لا تشلع كلبي احجيلي شبيك شعندك شنو ال بكلبك فضفض خل اسمعك
هستوه كال اساور انه الدنيا متعبتني وجان يجفت اخوي الاكبر منه ويشوفنا بهل حال 💔💔
ابد مو من عوايد اخوتي يصعدون للسطح بس ماعرف شجابه اليوم يحيى ضل مصودم ومن الصدمه جمدنه جاي اخوي يصيح حيل ولج .... انه اعلمج اليوم ياخو يخلصج مني 💔
سحلني من شعري وحيل وكعت بالكاع ويحيى يكلي مروتك ابو الشباب مروتك خويه عوفها ما غلطانه انها الغلط بيه شتريد حاضر
جان اخوي يكله حاسبك بعدين انته الزلم تتلاكه بشارع وجه الوجه وي زلم وانه اخذني سحل من السطح لغرفة امي وربك ابو ما موجود
بحيث هذا الدرج كله انه يسحل بيه لا بقى بيه عضم صاحي ولا مكان ما بيه جرح وزلوغ حيل تأذيت 💔
امي كالتله شكو شبيك حيدر شصاير كالها هاي بتج نزلت راسنه اليوم اذبحها واطم عارنا كوه امي هدتخ ما هده لمن امي دنكت باست رجل حيدر اخوي💔💔💔💔
جان تكله احجيلي كالها لكيتها وي ابن ابو فارس وي يحيى وامي لطمت على وجها زلغته كالت يححح وهم لزمتني موتتني موت جان تكل لأخوي عوفها يمي دواها عندي لا تسولف لاخوتك ولا لبوك لمن اطلع حيفي وانه اسولفلهم وانه اكمش بيهم برجليهم فدوه لا كلشي ولا ابوي
عدنا ابويه مجرد قاتل الى ابعد الحدود بحيث اذا شاف غلط يمحي الغلط وصاحب الغلط اذكر مره كمش ابن اخوه يدخن لكينا معلكه من رجليه ومسوي جسمه ازرك انه اجه ابالي هل موقف
يعني ابن اخوه هيج مسويله لان مدخن كيف انه اذا سمع بيه علاقه وي ولد؟؟؟
والنبي جسمي صار ازرك من كتل اخوي وامي
هنا بدت محاربه اخوي وامي والسطح قفلو حتى نومه بسطح ماكو بعد وامي كامت تكعدني من غبشة الله للشغل واذا كتلها شويه انام تسحلني من شعري وتبقى تغلط وكلام جارح واخوي كل ما يشوفني يطكني لو يتفل عليه واذا شاف عندي نقص ها طول يكوم عليه يموتني موت بحيث اصعب ايام مريت بيهن ذني... مرت على هاي الحاله تقريبا ١٠ ايام وجان يجي اخوي حيدر حلكه بيه دم تلكو اخوتي شكو شبيك كالهم تعاركت وي يحيى رادو يهدون كالهم لا اخذت حكي وفوك حكي انه هنا مادري انقهر على اخوي مادري افكر بيحيى شصار وياه شمسوي بيه حيدر لان حيدر هم طكه ونص
لهناك انسدت السالفه وسمعت من اخواني حيدر كامش يحيى مجنزه تجنز صديق اخوي كامش يحيى وحيدر متولي يحيى بوكسات وباسطه يكولون سمعت منهن عساس يحيى مخلص نفسه طاك حيدر بوكس وشارد
ثاني يوم اجاني اخوي بسطني كال بختج بردت كلبي بهل نذل لو ضال ذابحج ومخليج درس لامة محمد راحت ايام واجت ايام واني انكس معامله اتلقاها من اهلي اول مره اشوفهم هيج محاربيني بحيث صدك حسيت بنفسي عندي غلط لا تلفون الزم لا طلعه لا طبه وبس اكرب واشتغل 💔

ذاك اليوم اهلي كلهم راحو للزياره بقيت بس اني واخوي الازغر مني بس هو فاهم وجبير
الضهر نايم هو اخوب واني كمت ادور لكيت المفتاح ضامينه اخذته ركضت فتحت الباب مال بيتونه وضليت اشامر حجار ماكو قفلت الباب ورجعت القفل للعصر اخوي طلع وي اصدقائه وكال قفلي الباب وراي واي واحد يجي لا تفتحين الباب
صدك قفلت الباب وجانت هاي فرصتي ركضت صعدت فتحت باب البيتونه وجان الكي يحيى كاعد يدخن صحتله هو اشرلي براسه لا كتله ابوس رجلك تعال اجه هو شافني العيون سود والضيم يا حالي وجهي بيه اثار ضرب كال شصارلج كتله ماكو شي شلونك انته كال احبج
هنا كلبي وعقلي وكلشي بيه جمد اول مره اسمع هيج كلمه طالعه من صدك من شخص بمشاعر حقيقة مديت ايدي لزمت وجه يحيى وكمت ابجي حيل كتله والله ضلموني واذوني اهلي هواي وصلت بيه افكر انتحر سوء معامله وضرب وغلط واهانه كال لا اترجاج عوفي هل تفكير انه احبنج انزلي وديري بالج على روحج وحاولي نتواصل يوميه اكعد هنا
كتله اي جا علمودي ؟ بس لان تدخن بسكته
كال عن منو؟ ابوي وراح هسه كلها تدري ادخن بس انتضرج يوميه واشتاقيتلج هواي وبالي يمج
سمعت الباب انفتح مال بيتونه وجان اشمر روحي واركض للبيتونه ...