للحب جنون

بارع 6

اني صفنت بوجهه وعيوني شايهه ع الدجاج 😂😂 بوقتها تمنيت انه بمكاني واركض وراهن كلهن واعيش الدور من اشوف الدجاج كله يشرد مني ويصيح باااااق لان قبل جان عدنا دجاجه عربيه وديج جنت اركض وراهن وهنه عبالك يردن يطيرن ومكيفه مونسه روحي ومره الدجاجه كفت على البيضات وانه صرت سباعيه رحت اخوفها ولنها طافره بوجهي وناكرتني وانه شردت وصرخت وخايفه من الدجاجه العربيه😂 وامي تكلي غسل حتى غسل دجاجه تكتلج كتلها يمه هسه مستعده اتعارك وي رجال وابسطه ادوفه دوف بالكاع ولا تركض وراي دجاجه 😂😂

المهم نرجع لسويلفتنا صفنت انه بيه مادري ليش بديت اركز بمعانيه وانتبهت عده شامه بخده 😂😂😍

ف هو كال ها الخبله
ها ابو الدجاج
شنو ابو الدجاج جنتي تصيحيلي ابو الجكاير

لا منا وجاي اصيحلك ابو الدجاج اصلا انه كمت اتخيلك عد اهلك تكاكي وتبيض لان يكولون ما عاشر القوم ٤٠ يوم صار مثلهم
شويه وكال يالله خل انام تعبان انه كتله دير بالك على دجاجتي ومن تجي امانه تجيبلي وحده منهن هو ضحك 😂🤣

راحت ايام واجتي ايام وتعودت يوميه اراسله بدون سبب وبدون مبرر الكف الفون مال مامه واختل اراسل بيه
يوم منهن كال اصعدي فوك السطح هسه جان بوقتها ضهر مو وكت صعده كتله شكو حاره لا تصير ارعن كال اكلج اصعدي كتله شبيك تخبلت المهم صعدت وجان الكي دجاجات ثنين يخبلن حمر مدنفشات وانه صحت يماااااي وركض وراهن ركض وهنه سمان كوه يركضن خطيه بس صوتهن خشن يذكرني بصوت رجال جان يبيع ثلج هو سمين دبي وصوته مدري منين يطلع
المهم ركضت ركضت بعدين انتبهت لروحي يححح منين ذني خفت كلش خاف اكو شي ولن ابو الدجاج ماد راسه من السياج 🥹🥹🥹🥹 كالي ثاري صدك مو صاحيه بيج خيط خبال انه ركضت يمه كتله يحيى شجابك ولك كال مشتاقتلي مبين كتله اي اي انتبهت لروحي كتله مشتاقه للحلويات لا ياخذك الواهس كال اني جبتلج دجاج ويبيض بعد ماكو حلويات🤣😂
ما تصورن شكد قويه علاقتنا وكام يسولفلي عن شغله وانه اسولفله على اخواني شسوي بيهن من مقالب وكتله لزكت راس اخوي بشمع وزين كرعه وهو مات من الضحك كال وبعدين كتله خلو راسي بطين نكثوني نكث 😂😂🤣🥹🔪💔
سمعنا صوت صريخ ابيتهم كتله هاي شنو كال مادري خل انزل اشوف 💔 ركض نزل انه ضلي بالي يمهم شكو وبنفس الوقت كاتلني الفضول اريد اعرف شكو
نزلت اراسله ماكو رحت لامي كتلها يمه صاعده فوك السطح وسمعت عياط وصريخ عد جيرانه كالت سترك يارب كتلها خطيه روحي شوفيهم ذاك اليوم اجتج المريه واعتذرت منج وراها اجت جابتلنا ثواب امي كالت اي صدك خل اروح
نص ساعه ورجعت كتلها ها يمه كالت خطيه ابوهم مجلوط وعبالهم ميت واخذو ركضو بيه بالمستشفى وبعد ماندري شصار وياهم هناك كتلها خطيه الله يسهل عليهم بس لا يموت صاحبج يمه وبعد عليمن تشمرين طابوك 🥹🤣 كالت سكتي سكتي كبرتي كافي عيب يا مكرود راح ياخذج ويبتلي بيج كتلها الشويب من يصير زينه يجي يخطبني وتضلين بحسرته
المهم يوم يومين الثالث جابو خبر ابو يحيى توفه💔💔

حيل نكسرت كلوبنه عليه رجال فقير ومعروف ومن اهل الله ما مأذي بشر
سووه الفاتحه واكو فاتحة نسوان امي رادت تروح كتلها اروح وياج مارضت بس قنعنها ورحت وهناك لكيت ال لطامات يردحن وكابلتهن واحا احا احا عبالك ابو الميت سويت فلك واحس امي فرحت ماعرف ليش
من طلعت وسلمنا عليهم وقت المغرب وجان اشوف يحيى يشيل بالعشه يطلعه من البيت للجادر يحي ما جنهن 3 ايام
عبالك صارله سنه متروس حزن ولحيته شطولها والوجه شاااااحب حيل وحزين بشكل وعيونه حمر
اريد احاجي بس اخاف هو باوعلي ودمعن عيونه ومشه قبل ما نوصل الباب رجع علينه جلب بأمي اله نتعشه امي ما قبلت وتعذرت منه جان يكلها مو من الاصول تطلعون وقت العشه راح اودي عشاكم وراكم وصدك شويه واجت ذيج الصينيه
متروسه لللللحم ترس ومطبوخ زين وانه احب اكل المناسبات تربعت ودوووس انه والاخوان 🥹 وجان اجفص جفصه شكبرها من كد فرحتي بالاكل
كلت كون كل فتره تموت يحجي وامي كالت اتبسزز هاي جزاتها فوك ما ترسو بطنج وكامت ترزل وقرينا الفاتحه من كملنا اكل
العصر صعدت للسطح اخذ اكل لدجاج ها نسيت اكلكم سولفت لامي عليهن وكتلها لكيتهن هنا كالت ذبيهن كتلها لا عود من يجي راعيهن نطيهن اله
المهم كاعده وبيدي عود وارسم بالكاع وكل شويه اروح اباوع من الزرف بلكي يحيى يجي وافكر بحاله وما اجه
وثاني يوم انتضرته وماكو
وثالثت يوم هم ماكو لحد اسبوع وجان يجي صعد وكعد بسطح امي مراقبته من الزرف جان اشوفه يسولف وي روحه ويبجي بحركه ما تحملت كمت صحتله اجه ركض مسح دموعه واجه كال بالعباس محتاجج ونزلت دموعه هنا كلش ضجت عليه وكسر خاطري خله عيونه بعيوني وخل ايده فوك ايدي لان اني ايدي ع السياج مجلبه بيه
كال اساور 💔 ....