للحب جنون

بارت ٤

ضليت ابجي اشتاقيتله رغم اني حاسبته هيج شلون ما عرف اوصف بس مجرد حاسبته فد صديق بس مو مثل الي بالكم لا صداقه ع الفطره مثل الطفوله
ثاني يوم هم رحت لسطح وماكو ما اجه وأتذكر هو راح مكان بعيد واضوج حيل واطلع جكليت من جيبي اباوعله وارجعه لجيبي وانه منا كفشتي وعطوبي وتراكي العريض وبجامتي تسحل وراي على كد ما التراك قديم والقماش منطي روحه برغم عدي ملابس وكلشي بس انه احب هيج مالي خلك اهتم بنفسي 😂 اسبح وابدل ألبس شي قديم واطك الحجاب كلاوات ع راسي ومرات اشده كبايه بحيث اخواني من يمرون من يمي يكولون كش وبره عاب هل وجه ما تكليلي منو ياخذج جنج خبله وانه من. كد ما يتنمرون عليه 💔💔 ما اهتم اصلا افتخر
المهم نرجع للسطوح وابو الجكاير يوم ويومين وتلاثه واسبوع ١٠ ايام يوم ١١ صعدت وهم باوعت ماكو احد وما احس اله واحد صاح بوجهي بخخخخ وكمزني حيل بحيث الطابوكات الصاعده عليهن من الخرعه تحركت حيل وطحت طبااااااح هو طفر على سطحنا وشالني اسم الله اسم الله يصيح
كتله ياخذك الله لو ميته هسه كال بس انتي تموتين من وكعه كتله اي رقيقه وكيوت واموت من الابره جان يضحك ويهز ايده كال وينج رقيقه جنج شرطي شوفي حالج شوفي عطوبج 😡😂😳💔
كتله ولك ولليييي لا تجي امي حتى هاي هيه تلكفك يمي ما تكول هو فاهي لا كبل تسويك رجال وتسويني مره ويركبوني برأسك ارجع وتكافه الشر هو خطيه كال سترك ربي انتي ويركبونج براسي غير عقل ما يضل عدي
رجع صعد وانه وكفت انكث بروحي كال ماكو داعي تنكثين بروحج هو الوصخ كاتلج كتله انجب واحجي شعدك جاي مو كلت ٤٠ يوم
كال وانتي شعدج صاعده وتباوعين مو كلتي ما يهمني غيابك؟
كتله اي ما صاعدتلك صاعده منتضره ابوك يجي وافشخه اخلي دمه بطوله كال ليش شمسويلج كتله لان خلف هيج شكولات😂😂😂💔 طبعا حركة الوكعه بيه
كتله احجي يالله المن رجعت
كال عمله خل اسولفلج بالاول هاج طلع من جيبه كم حلاوه نستله وكذا كتله هسه بديت تعجبني سولف داده سولف فتحتهن اكل بيهن
كال وصلت هناك واشتاقيتلج ورجعت نغزني كلبي رفعت راسي وصفنت كتله صدك يحيى؟
كال كيفتي ما صدكتي لا جذب شمالني اشتاق لوحده مثلج بس الدجاج صار بيه فايروس وكله مات وانطونه اجازه٢٠ يوم علما يعقمون الموقع كله ونرجع وانه ثبتوي لان خوش اشتغل
كتله اي مبين عليك ابو الدجاج 😂😂😂😂 كال شبيج وياي كتله اي المن نززتني ما تخاف عليه ما تكول بنيخ تخترع يوكف كلبها
كال هو انتي تخرعين الكدامج انتي جني وكضيناها نكره وما نحس اله الشويب اجه كاله يحيى كاله ها بويه كاله شعدك هنا انه صايره بسده كال انزلي شويه شويه لا يشوفج وتسويلي مشكله
انه عادنت كتله ما اله تطيني الف كال وعلي اطيج نزلي راسج لا يشوفج الحجي كمت اعلي بصوتي اسمعه يكل لابوه حجي اجيت يم السياج شفت حمامه عبرت على الجيران وهو بده يرزل بيه انته شنو وينك وين الحمام انزل يابه عيب من الناس لا تسويلنه مشكله
انه بسلتها ونزلت ع كيف وهو كالي ع كيف رايح باجر نشتاوف
نزلت اكرط بالنستال وحيل فرحانه ماعرف ليش انه هل المسلوت ارتاحيتله أحس اذا ماشوفه نقص بيومي