للحب جنون

بارت الثاني

ما اطول عليج السالفه يا بعد بيتي المهم اليوم ما بهزت راسي (ما مديت راسي من الحايط )😁
زين شلون انه اريد اسولفله ماعرف اضم سالفه بكلبي ربع ساعه لازم افضح كلشي
المهم جان اباوع من الزرف الجوه والكي كاعد يحش جكاير ويفر بالسبحه جان اخلي حلكي بزرف مال حايط وصحتله ابو جكاير ابو جكاير رفع راسه ليفوك ما لكاني جان يجي يباوع من الزرف طكيتلي ضحكه جان يكول وسم حتى سم شمالجن تخبلتن لو عدجن عدواه ويانه كتله هي هي شبيك تصيح ماشتغل عدك كال ادري شبيجن تسودنتن كتله شكو كال ذاك اليوم انتي تكاطفين طابوك على ابوي وامس امج تكاطف طابوك لا شاكات راس الشايب وين بينا
كتله اوكف ولك انه الكاطفت حتى اصيحك ومن ما اجيت اجت امي لكفتني وكتلها اكو حمامه اشمر عليها طابوك واجه ابوك شاف امي تباوع الكم ورزلها وامي من امس مطنكره عليه تكلي هسه تطلعين مسويه علاقه وي الشايب وهو فطس ضحك
كتله صحيح ابو الجكاير انته شسمك ؟ كال شسوين بأسمي كتله احسن من ما اصيحلك ابو جكاير كال اسمي يحيى انتي شسمج كتله بشيشه كال شنو 😐😐 كتله ها اسمي اساور كال شني بشيشه كتله اهلي يسموني بشيشه كال ليش كتله لان دوم احب انضف واغسل ودوم غاطه بالماي
كتله يالله ابو الجكاير طلع شعدك كال مو كتلج اسمي يحيى كافي تصيحين ابو الجكاير ترا اهلي ما يدرون ادخن واجي اصعد هنا حتى ادخن لا يسمعج ابوي كتله حلووووو هل طول كله والشوارب وتدخن بسكته انه بنيه وعدي استعداد اخذ حشيش كدام اهلي ضحك هو كال من الاخير شتردين كتله طلع شعدك شجايب اليوم
صار يومين ما ماكله حلا جان يطلع من جيبه ككو والعشق نبر وان وكال انتضري راح شويه واجه جاب ببسي كتله وين رحت كال ضامه جوه حتى يبقى بارد نشرب سوه 😁😐

طبعاً اني مرحه كلش وماخذه الدنيا كلش ضحك وما هامني لا مشاعر ولا بطيخ ولاكلي وفطير عدي المقابيلي دوم مني وبيه واحبه حب عفوي

ذاك اليوم وكعت مريضه و٤ ايام بالفراش صخونه وراسي وكلشي بيه
ومالي خلك روحي جان يوم ٤ يندك الباب ولن امه جايتنا😳😳😳 وانه هنا نايمه بالفراش وعوزي ما ابلل الفراش من الخوف
والخلاني اخاف بالزايد احنا علاقتنا سطحيه بيهم كلش يعني مو مال نسوان تسير ع نسوان وزلم تسير ع زلم

المهم حيل خفت منها كلت الاصت ماكو غيرها وده امه علينه لو يسأل لو يسويله جفصه لان هو جان دوم يشاقيني يكلي اذا ما لكيتج بفلان وكت انزل ادك الباب عليكم واكلهم صيحولي اساور لو ام اعطوب

المهم كعدت المريه وشويه كالتلي خاله من رخصتج تكدرين تكومين اريد احجي وي ماما كلمتين انه هنا صدك شفطت وكلت لووووز الشغله مو زينه راح تكت الاولي والتالي لأمي وتفضحني