للحب جنون

بارت 9

المهم ضل بالي عليه يوم ويومين وماكو خبر عن يحيى ابد وكلبي احسه يتكطع عليه لدرجة جنت مستعده اكل لاهلي ودوني ليحيى وين ما تصير حتى لو يذبحوني
المهم يوم منهن دنيا مغرب واني مخنوكه ساجده على المصلايه وابجي بحركه ودخلت امي عليه واني كملت مناشغ واني ساجده على التربه امي جانت طالعه تتسوك ورجعت المغرب
المهم شافتني بهل حاله كعدت يمي حضنتني كالت ماما صاير وياج شي كتله لا
كال احجيلي امج انه امان بس لا تبجين عزيزة كلبي انتي حضنتها وكمت ابجي حيل حيل امي انكسر كلبها عليه وتصيح شبيج شبيج ماما
انه اناشغ كوه احجي كالت اهدي اهدي غسلت وجهي امي بمي من الكلاص وشربتني مي هديت شويه كالت هسه احجيلي كتلها ماما صعبه عليه وعليج كالت شتردين يجرالج كتلها وعد؟ كالت وعد
كتلها ماما يحيى يمكن مات مادري مادري كالت منو كتلها جيرانه كالت وشدخلج بيه كتلها ماما والله احبه وحضنتها وابجي سكتت امي شويه وكالت يمه مبين كلبج نضيف احجيلي شنو ميت
كتلها هو مريض و وكع وماكو اخبار عنه كالت شنو وكع كتلها مادري روحيلهم
كالت بليل اروح حق الجار ع الجار والصار قبل ماضي والكلوب تتصافه واحنه اهل
راحت بليل ورجعت امي وجها مكلوب كلاب وعيونها زرك كتلها ها ماما
كالت نامي من وكت باجر الصبح نروح نسلم عليهم بالمستشفى كتلها صدك ماما صددددك ابجي خوف وفرح وكلهن وبوست امي كالت بس ها ماريد احد يدري تدرين لو درو اخوتج يذبحونه كتلها ابد والله كتلها بس احجيلي فدوه شبيه يحيى كالت ترحين وتشوفينه شبيه

اجه الصبح وطبعا ابد ما نمت لان جنت اتخيل امي تلكاني نايمه وما تكعدني ورحنالهم وسألنه ودلونه بيا ردهه موجود يحيى
دخلنه على يحيى لكينه أهله يمه
يحيى مو يحيى
ابد مو يحيى الجنت اشوفه
ضعافن صاير عودان واكو صوندات بجسمه وحده من بطنه طالعه وثانيه ماعرف منين وحده بيها ماده سوده وحده بيها ماعرف ماعرف منضر حيل مرعب
تدنيت على يحيى كتلهم يحجي يسمع كالو اي طلعو همه وامي بحجة يسولفون وطلعو اهل يحيى يدرون بيحيى يحبني وهسه اسولفلك سالفه بس خل اكمل مال يحيى
المهم كمشت ايده واهمس بذانه حياوي ...ابو الجكاير اباوع لحلكه يبتسم الضاهر هو يتحلم حركته شويه وكتله يحيى كعد ويمتعيني من كعد كال اساااااور وعصر ايدي حيل ويريد يكوم يحضني اسمع الممرضه كالت خاله لا تخلي يتحرك لا يلجم جرحه كتله أبقى ابقى تصير زين وترجع على حيلك واجيبلك ابو بريص اخوفك بيه ضحك هو كال امانة الله امانة الله اذا صارلي شي اريدج تنسيني وتشوفين حياتج كتله اااااشششششششش كلشي ما يصيرلك ابد والله تكوم وتصير زين
بعدنا نسولف امي اجت هيه وامه كالت يالله ماما نروح سلمي على خالتج سملنا ورحنا والطريق كله ابجي واتخيل شكل يحيى
يحيى عباره عن هيكل عضمي ومتروس صوندات وكل ما يتحرك شويه يصيح اخ اخ اخ
امي كالتلي بشه كتلها ها ماما
كالت يحيى اهلة يدرون بيه يريدج كتلها شنو يريدني ماكو هيج حجي
كالت لا يمه يريدج كتلها شلون
كالت امه سولفتلي وتدري بكل الاحداث وعلساس يردون يتقدمون من تخلص دورة سنة ابوهم بس الله ما كدرهم وتخربط يحيى عدهم و وضعه خطر كلش نسبه جبيره يموت هل مرض ١٪ يعيشون بيه امه تسولف
انه كتلها ااااش اااششش ماما اششش يحيى ما يموت يحيى قوي يحيى سبع ماريده ولا اريد منه شي بس اريد يكوم على حيله ويحقق احلامه وامنياته الجان يسولفهن الي بدت امي تسأل بيه من شوكت تعرفي وتسولفون وشنو علاقتكم وانه احجيلها جان تكلي عفيه بتي سباعيه ماريدج ترحين بغير دروب خلي كلبج نقي نضيف ابوج يحبني ٩ سنوات وما مره غلط وياي لمن جاهد وكافح يالله اخذني وعشنه العمر كله حب
كتلها ماما والله مو مثل ما تفكرين انه تعرفيني وتربيتج كالت عفيه بتي ويحيى لا تعوفي وانه اساندج اذا ما تغلطين وتدخلين بغير سوالف وشرط ما تسولفين ابد لا لصديقه ولا اخو ولا اي بشر
كتلها تدرين بيه ماما ماعدي صديقات بس انتي ماما حسيتها كلش قريبه مني
يحيى ضل بالمستشفى ٤٠ يوم عدل ويوم عن يوم يضعف وتسوء حالته وانه وماما بين يوم ويوم لو كل يومين نروحلهم واشوف يحيى يموت كدامي والله بس احاول ماصدك الواقع
بحيث اخر ايام يحيى كام ما يكدر يحجي بس يأشر وعيونه تصب دمع 💔
يوم ٣٧ اله بالمستشفى واحنه يمه واجوي مجموعة دكاتره وانخبصوا على يحيى جان اسمعهم يكولون لام يحيى
الولد عنده تسمم بالدم قاتل وهذا النوع من التسم حتى لو نبدله دم يتسمم من جديد
امه تكل لدكتور خاله شنو يعني ؟
كالها خاله هو وربه اذا بقى للسبت عايش الاحد نكتبله خروجيه وتضلين تراجعين كل اسبوع
بس احتمال جبير والاعمار بيد الله احتمال جبير ما يطول حتى للجمعه ودعوا ابقوا يمه لا تحسسو راح يموت دللو شوفو شيريد سووله وامي تسمع وتبجي وانه جسمي كله كله كام يرجف اجتي رجفه حيل بيه لحد ما وكعت ودخت وكعدت بالكاع