الفصل السابع والعشرون
كانت تنام علي صدره العاري بعد جولة من عشق أطاحت بخفقاتهم وأسكنتهم في نهايتها جنان الحب، مرر يده في خصلات شعرها الناعمة يقول بحب:
_انا لغاية دلوقت مش مصدق انك هنا في حضني وانك جيتي لحد عندي مبرآني وواثقة فيا من غير ماأبرأ نفسي قدامك.
اعتدلت قليلاً تستند علي كوعها تنظر إليه قائلة بابتسامة:
_احتجت بس شوية وقت وتفكير بعيد عن شيطان كان عايز يفرقنا، نصيحة من أمي عملت بيها ووقتها اتأكدت انك لايمكن تخون وأكيد فيه تفسير للي شوفته.
تنهد قائلاً:
_مامتك دي ست مفيش منها اتنين.. ياريت أمي كانت زيها.
مررت يدها علي وجهه قائلاً:
_عشان خاطري متزعلش وتبوظ اللحظات الحلوة اللي احنا عايشينها دلوقت.
أمسك يدها يطبع قبلة علي باطن كفها فطالعته بحب، سحبها فاعتلته يقول بفضول:
_قوليلي عرفتي مكاني ازاي؟
هزت كتفيها قائلة ببساطة:
_كلمت عمي مراد وسألته.
أعاد خصلة إلي ماوراء أذنها قائلاً بحب:
_مراتي شطورة.
_مراتك بتحبك.
اقترب بثغره من ثغرها فوضعت أناملها علي شفتيه قائلة:
_طيب مش هتقولي ايه حكاية الصور اللي شفتها دي؟
_لازم أقول يعني.. لسة شاكة فيا ياميسون؟
قالت بيقين:
_مفيش أي ذرة شك جوة قلبي من ناحيتك، فضول مني مش أكتر ولو مش حابب تتكلم، بلاش.
ابتسم قائلاً:
_نفين تبقي اختي في الرضاعة أصل ماما مكنتش بترضعني، كانت رافضة الرضاعة عشان متبوظش جسمها، ووالدة نفين الله يرحمها كانت جارتنا وكانت دايماً بتاخدني وترضعني وقتها، كانت الأم اللي اتحرمت منها.. مقابلتي لنفين كانت من حوالي أسبوع.. كانت لسة راجعة من السفر وقابلتها صدفة قدام شركتنا، البوسة والحضن أخويين ولو دققتي فيهم هتشوفي ده.. نسيت بس أقولك واحكيلك وقتها رغم اني طلبت منها تجيلنا عشان أعرفك بيها.
شعرت بالحزن من أجله متسائلة كيف لأم أن ترفض رضاعة طفلها من أجل أي شيء؟ أفاقت علي لمسته لوجنتها و صوته الهامس بحنان قائلاً:
_احنا مش قلنا بلاش حزن يبوظ علينا لحظاتنا الحلوة، أنا مش عايزك تزعلي عشاني.. أنا ربنا عوضني بيكي ياميسون.. يلا وريني الابتسامة الحلوة اللي وقعتني في حبك.
ابتسمت تتطلع اليه بحب فاقترب منها يلتقط شفاهها في قبلة اجتاحت مشاعرهم بطوفان حب أغرقهم في قراره العاشق.
___________________
كان مالك يقود سيارته عائداً من العمل تجاوره أخته غادة حين عقد حاجبيه وهو يرى جذع نخلة يسد الطريق، أمر أخته قائلاً :
_إنزلي تحت.. حالا.
_أيوة بس....
قاطعها بحزم قائلا:
_اسمعي الكلام ياغادة، مش عايزك تظهري لغاية ماأقولك .. مفهوم؟
أنت تقرأ
انشق قلب القمر
Randomبين ذراعيها وطنهم تحمل علي كاهلها همومهم وكلما ضاقت بهم الدنيا كان صدرها ملاذهم،إنها قمر بقلب أبيض ينير عتمة دروبهم.. تُري إن جاء يوماً وانشق قلب القمر كيف سيكون حالهم؟
