اللي بيلبسوا بناطيل بالله عليكم اقرأوا البوست ده كويس 💌
#من_دروس_الشيخ_حازم_شومان 📖
بتصلى وبتصومى وحافظة القران كله وبتقيمى الليل ..بس متبرجه ؟ احذرى ..!
انتِ فاهمه وفاكره نفسك ماشيه فى طريق الجنه وانتِ والله لن تقربيها ولا حتى تشمى ريحها إلا ان تتوبى ..!!
إلى كل أُخت بتصلى وبتصوم وبتقرأ قرآن وفاكره إن لبسها محترم ..
بقولها يا أُختى مفيش حاجه اسمها لبس محترم ولبس مش محترم ..
عمرنا ما سمعنا ان امرأة ابو جهل لبست (بدى) ولا امرأة ابو جهل لبست (استرتش)..ولا كانوا يرضوا اصلا..!!
مفيش حاجه اسمها بنطلون واسع وبنطلون ضيق ..
مفيش حاجه اسمها بنطلون وفوقه تونيك.
فيه حاجه اسمها الزى الشرعى الاسلامى كما وصفه الله ورسوله..
انا هكلمك انهارده ..ولو شديت عليكى متزعليش ..لانى خايف عليكى ..
ده الرسول نفسه عليه الصلاه والسلام خايف عليكى وقالك :
(يا معشر النساء تصدقن وأكثرن الاستغفار فإني رأيتكن أكثر أهل النار)
عايز اعرف منك ايه اللى السبب فى لبسك ده ؟؟
مستنيه ايه علشان تلبسى اللبس الشرعى ؟؟؟؟
مستنيه موت الفجاه يجى ياخدك؟؟
انتِ عارفه
لو نزلتى الشارع و100 واحد بصلك ..ب 100 سيئه بس مفيش مشكله..
لو نزلتى الجامعه والف واحد بس من الألوف دى بصلك كل واحد بص ميه بصه بس 100000 سيئه
ده غير لو شاب من الشباب المحترم اللى عينهم هيئه أرصاد جابك من فوقك لتحتك ربع ساعه يعنى كمان ألف بصه..
وقبل ما تنزلي ساعه قدام المرايا كمان بتتمكيجي ف ميزانك..
نزلتى..واحده فى إعدادي شافتك قالت انا هطلع زيك فى ميزانك..
شاب ملتزم شافك انتكس فى ميزانك..
شاب شافك شهوته ثارت راح عمل معصية سر فى ميزانك..
واحده ملتزمه لما شافتك فتنت بنظر الناس ليكى خلعت الجاب فى ميزانك..
كل ده يجيله كام سيئه ..؟
مليون سيئه على الاقل فى اليوم..!!!
يعني بقيتي بتلعبي فى مليارات دلوقتى..!!!
والعداد شغال إلا ان تتوبى..
طيب تعالي نشوف حكم رسول الله فيكى ايه ..
من اهل النار ولا تقرب الجنه ولا تجد ريحها..1
ملعونه مطروده من رحمة الله..2
زانيه ولا يقبل منها صلاه..3
من صاحبات الكبائر التى تعادل القتل-4
5-جند من جنود الشيطان
عمرك شفتى ذنب الرسول بيعظم خطورته قد كده..؟؟؟؟؟؟
الكلام ده جبته منين ..؟؟؟
من كلام الرسول عليه الصلاة والسلام..
قال الرسول صلى الله عليه وسلم :
" صنفان من أهل النار لم أرهما ، قوم معهم سياط كأذناب البقر يضربون بها الناس ، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن لا يدخلن الجنة و لا يجدن ريحها ، وإن ريحها يوجد في مسيرة كذا وكذا "💔!!
والرسول حطك مع الظلمه اللى بيضربوا الناس بالكرابيج ليه ..علشان انتم اللى اتنين بتحطموا فى الامة...بتترتكبوا جريمة..
أعدائنا عرفوا إن الأُمة مش هتتدمر بالقنابل ..بل بكأس وغانية..
ترضى انك تبقى قنبله تنفجر فى الدين..ترضى إنك تبقى سكينه ينطعن بيها كبد الدين..
اديكى رضيتى..!!!
(لعن الله النامصه والمتنمصه)
(لعن الله الرَّجُلَة من النساء)
اللعنه يعنى الطرد من رحمة الله ..ترضى كده؟؟
(أيما امرأة استعطرت فمرّت بقوم ليجدوا ريحها فهي زانية)
يعنى حط التبرج مع بقيه الكبائر ..
مستنيه ايه بقي ؟؟
مستنيه عقوبه ربنا فى الدنيا ؟؟؟
ولا مستنيه سوء الخاتمه؟؟
ولا مستنيه عقوبه ربنا فى القبر..؟؟
ولا مستنيه عقوبه ربنا فى النار؟؟
كده كده هتتحجبى غصب عنك حجاب شرعى كاااامل وانتِ داخله قبرك..
خمس أو ست لفات كفن ملفوفه فيهم ..
وممكن تتحجبيه فى الدنيا لولا قدر الله أصبتى بحرق ولا حاجه هتبقى عايزه اى حاجه تدارى بيها الحرق ده ..
البسيه حُباً قبل ما تلبسيه غصباً..
اللى كان بيبص عليكى فى الدنيا لو بص عليكى فى القبر هيترعب من منظرك..
تعالي بقي نشوف يوم القيامه هيبقى موقفك ايه..؟؟
الرسول بيقول العنوهن فإنهن ملعونات.. يعنى هتطردى من رحمة الله..ازاى؟
يعنى فى عز الحر هتطردى من ظل عرش الرحمن ..هتطردى من انك تشربى من ايد النبى ..
وهتقابلى ربنا ازاى ..؟؟؟
قال رسول الله :
(يحشر المرء على ما كان عليه من ثياب)
يعنى ثياب التبرج دى هتبعثى بيها ..اه ..طب ليه؟؟
علشان تميزى..وتتعرفى بالمعصيه اللى كنتى بتعمليها فى الدنيا
(( يُعرف المجرمون بسيماهم فيؤخذ بالنواصى والأقدام ))
البنات اللي لحد دلوقتي لسه بتجادل وتكابر ..انا كده كويسه ..انا أحسن من غيري ..انا بلبس تونكات اطول من غيري ؟
يا أُختي كابرى فى أى حاجه إلا مصيرك !
بإيدك تحددى مصيرك..ماتتردديش فى القرار ؟!!!
الحجاب يا جماعه عداد حسنات مفتووووح..
والتبرج عداد سيئات مفتوح فاحذرى💔!!
أيُعقل تبيعى الجنه علشان حته قمااش؟؟!
افتكرى دائما :
" من يتق الله يجعل له الله مخرجا ويرزقه من حيث لا يحتسب " و " من ترك شيئاً لله عوضه الله خيراً منه "♥️
يلا يا حوريه خُدى الخطوه وغيرى لبسك للأوسع دى الجنه غاليه ولا يدخلها إلا الغاليات .. ولا تقبلى لنفسك إلا أن تكونى غاليه ")🌸🌸🌸🌸🌸🌸🌸
