كنت بتسمع أغانى وبطلت بعد فتره هتركب عربيه وهتلاقى وأنت راكب الأغانى الى بتحبها وكنت بتسمعها دايما ..
كنت بتقع ف ذنب معين وبطلت بعد فتره هتلاقى نفسك لوحدك وكل حاجه حواليك متظبطه علشان تعمل الذنب بتاع زمان ...
كنتِ بتلبسى لبس ضيق ومكياج وكده وبطلتِ ف مره كده هتلاقى كل أصحابك حواليكى بتتكلم عن المكياج الواو والفستان التحفه الى على صحبتك فلانه ..
كنت بتشرب مخدرات وبطلت ف مره هتلاقى أصحابك كلهم بيتكلمو عن الدماغ الحلوه وعايشين الوهم أنهم طايرين وفصلو نفسهم عن البشريه فهتحن لزمان
كنت بتكلم بنات وتبت لربنا ف مره هتلاقى بنت كان نفسك تكلمها وتلاقى الدنيا متهيئه جدا انك تبدأ كلام معاها .. والعكس للبنت ..
كنت مبتصليش وبعدين بقيت تصلى بعدها بفتره هتلاقى الف حاجه تشغلك عن الصلاة
كنت بتعمل ذنوب وتبت بعدها بفتره هتقع فى نفس الذنوب تانى
كل ده ف الايه دى "أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ" 🌸
انت مش هتسيب ذنب كده والموضوع انتهى لاء هتجيلك فتنه وهجيلك أختبار من ربنا وهيكون مطلوب منك متيأسش لما توقع وتجدد توبتك وتقوم تانى
ومتسيبش نفسك للشيطان ييأسك ويحزنك ويقولك يااه كل مره بتقول مش هعمل ذنوب تانى وتقع ده انت مفيش رجا منك
قال رسول الله :"ان الله لا يمل حتى تملو "💙
انت محتاج تظهر ايمانك وصدق قلبك انك توبت لربنا علشان ينجيك ويخلصك ...
سيدنا يوسف ربنا صرف عنه الفتنه علشان اخلاصه :
كذلك لنصرف عنه السوء والفحشاء إنه من عبادنا المخلصين
أخلص تتخلص.
#فلتقترب من الاخرة
