الناس اللي نفسها تحفظ القرآن ، طريقة حفظ القرآن 💛💛
1 / لازم تخلص النية لله ، اوعي تحفظ القرآن عشان الناس تقول عليك ده حافظ القرآن وهكذه لأن ده حرام وممكن تدخل النار بسبب كده ، اخلص النيه لله ، قول انا هحفظ القرآن عشان قلبي يبقي فيه طمأنينة وسكينة ، وربنا يهديني واتعلم وأتدبر فيه ويشفعلي يوم القيامة وارتقي في الجنة درجات ، هكتب بردو شوية نوايا في أول الكومنت 💛
2 / أحفظ مع شيخ او حد من صحابك عشان يشجعك ويسمعلك اللي حفظته ولازم تقرأ وتتعلم صح 💛
3 / إياك والاستعجال احفظ برحتك ولو كل يوم 4 او 5 آيات بس كده زي الفل ، اهم حاجة تتعلم اللي حفظته وتعرف تفسيره ومعاني كلماته 💛
4 / تجيب مصحف الحفظ المُيسر ، بيقسم الصفحة و بيميز المتشابهات بألوان مميزة وبيكون في تفسير لمعاني الكلمات بجانب تفسير لترابط الآيات بجانب لمحات تدبيرية للعمل بالآيات وكده نبقي جمعنا حق القرآن علينا في كتاب واحد ، الفهم والحفظ والتدبر والقراءة ، ولو مش هتقدر تجيب المصحف مش مشكلة ممكن تحفظ م اي مصحف بس تشوف التفسير بتاع كل آيه ، نصيحة الحفظ يكون من طبعة واحده وعدم التنقل بين الطبعات لأن الحفظ يكون بالعين أيضا 💛
5 / تبدأ في حفظ مثلا اول سطرين تسمع من اي شيخ حابب تسمعله ويُفضل الحصري او المنشاوي او عبد الباسط ، مش أقل من 10 مرات وبعدين تقرأ 10 مرات من المصحف ، وتركز علي الأحكام والنطق الصحيح ، وبعدين تسمع لـ نفسك ويُفضل لو حد جمبك يسمع لك صحبك او حد من العائله ، في برامج كتير ع جوجل بلاي ممكن تنزلها عشان تسمع منها زي المصحف الذهبي او آيات ، تختار السورة والقارئ وتحدد الايات اللي هتحفظها وتختار عايزها تكرر كام مرة 💛
6 / حفظت اول سطرين ، تكرر نفس الطريقة ع السطر الثالث والرابع ولما تحفظهم ، تربط ال4 سطور مع بعض انك تسمعهم من الشيخ اللي حابب تسمعله وبعدين تقرأ من المصحف وبعدين تخلي حد يسمع لك ، وتستمر ع الطريقة دي ع الصفحة كلها 💛
7 / لما تحفظ الصفحة دي ، متدخلش ف الصفحة اللي بعدها غير لما تحفظها كويس وتبدأ تراجع عليها طول اليوم وأفضل مراجعة انك في كل صلاة تصلي بـ الايات اللي حفظتها وصلي قيام الليل بيهم ، اهم حاجة بقي المراجعة يوميآ ، لازم تراجع ع القديم اللي حفظته ، قبل ما تحفظ الجديد 💛
8 / ابدا بـ جزء عم السور قصيره وسهله عشان يسهل الموضوع عليك ، وكل لما تلاقي نفسك حفظت عدد سور اكتر فـ ده بيشجعك اكتر ، ولو سورة وقفت عليك وحسيت انها صعبه سبها لبعدين ، ف ناس بطلت تحفظ عشان بيقابلها سورة صعبة ، مش لازم تحفظ بالترتيب ، ابدا احفظ بـ انت حابه ، نصيحة اخيره شوف شيخ او صديق أو حد م العائله يشجعك وتحفظوا سوا 💛
صفحة أسانسير إلي الجنة🦋🤍
