هو انتِ فاكرة انك اما تنامي ومتقوميش تصلي الفجر في معاده
انتِ كدا نمتي وقت أطول ونمتي كتير وهتصحي حلوة ونشيطة وفايقة و10 ع 10 يعني
ابداً والله 😁
تبقي غلبانة ومش فاهمة حاجة لو كنتِ فاكرة كدا بجد 😒😒
خدي هنا اما افهمك .. تعالي بس متخافيش 🤓
في الحديث :
عن أبي هريرة رضي الله عنه أن رسول الله صلى الله عليه وسلم قال :
" يعقد الشيطان على قافية رأس أحدكم إذا هو نام ثلاثَ عُقَدٍ، يضرب كل عقدة مكانها :
عليك ليل طويل فارقُدْ ...فإن استيقظ فذكر الله انحلت عقدة ..فإن توضأ انحلت عقدة .. فإن صلى انحلت عُقَدُه كلها .. فأصبح نشيطًا طيب النفس ... وإلا أصبح خبيث النفس كسلان "... متفق عليه
هفهمك بصي ^^
سواء سهرتي طول الليل وصليتي الفجر ف وقته ونمتي وصحيتي الصبح بدري يومها
او لو نمتي ف معادك بالليل زي م متعودة وصحيتي ع معاد اذان الفحر وصليتي فرضك
انت الكسبانة نفسيتك وأجرك وبركة يومك ^^
الشاهد يعني .. ان الـ 5 ساعات الـ هتناميهم وانتـ مؤدية صلاة الفجر في وقتها
أفضل وبها من البركة والنشاط وحفظ الله ما ليس في 12 ساعة نوم
وانتِ مضيعة لصلاة الفجر في وقتها 🤚
جبت الكلام دا من دماغي .. لا والله انا فهمت دا كما يقول الرسول عليه الصلاة والسلام❤️
" فإن صلى انحلت عُقَدُه كلها فأصبح نشيطًا طيب النفس ... وإلا أصبح خبيث النفس كسلان "
- فاصبح نشيطا طيب النفس = صدرك منشرح مش قايمة م النوم مقفولة ومخنوقة كدا
عندك نشاط وحيوية وربنا مبارك في يومك من اوله وهتقدري تعملي فيه الـ ممكن تعمليه في 10 ايام والله 🌸🌸
وربنا هيعينك تصلي بافي الفروض في اول وقتهم لانك موفقة وتغلبتي على شيطانك
- وإلا أصبح خبيث النفس كسلان = قايمة مخنوقة وملكيش نفس لأي حاجة ومش قادرة تعملي حاجة وجسمك بيوجعك ومكسلة ويومك مفهوش بركة
عرفتي معني بركة ربنا 😍
عرفتي يعني ايه الصلاة على وقتها لكل الفروض خاصة الفجر
#صلاة_الفجر
#الصلاة_الصلاة_وما_ملكت_ايمانكم
