Unicode
အပြာရောင်ကျောက်စရစ်နဲ့ခင်းထားတဲ့လမ်းမထက်မှာ လူတွေပြည့်သိပ်လို့နေပြီး လမ်းမထောင့်ကဆိုင်တစ်ဆိုင်က မီးရောင်စုံနဲ့ထွန်းလင်းနေပုံမှာ တောက်ပကာ လှပလွန်းတယ်။
ဆိုင်ရှေ့မှာ ယောကျာ်း၊မိန်းမတစ်ချို့က လက်လွတ်စပယ်ပွေ့ဖက်နမ်းရှိုက်နေပြီး မရေရာတဲ့ပွဲတော်ကြီးတစ်ခု ဆင်နွှဲနေဟန်ပေါက်တယ်။
ကျန်းမုပြောတဲ့ နေရာကောင်းက ဘားတဲ့လေ။
ဘားရှေ့မှာ ရပ်နေတဲ့ရှောင်ချန်ရဲ့စပ်စုချင်စိတ်က စိတ်ပျက်မှုအဖြစ်သို့ ပြောင်းလဲသွားတယ်။
"ဘားလား?" ရှောင်ချန်က မေးလိုက်တယ်။
ကျန်းမုက ခေါင်းညိမ့်ရင်း ရှောင်ချန်ကိုပြုံးပြလိုက်တယ်။
"အဲ့လိုကြီးမကြည့်ပါနဲ့..ကျားဂူထဲကိုဝင်ခိုင်းနေတာလဲမဟုတ်ဘူး။ပျော်စေချင်လို့ခေါ်လာတာကို.." ကျန်းမုကပြောရင်း ရှောင်ချန်ကိုဆွဲလိုက်တယ်။
"ပြောရမယ်ဆို ကျွန်တော်တို့က ဘားတစ်ခုမှာဆုံခဲ့ကြတာပဲမလား..အဲ့နေ့က ကျွန်တော် အရက်တစ်ခွက်လောက်သာမသောက်ဖြစ်ခဲ့ရင် ခင်ဗျားကိုစကားလာပြောဖို့ သတ္တိရှိခဲ့မှာတောင်မဟုတ်ဘူး"
နှစ်ယောက်သား ဘားထဲကိုဝင်လာတဲ့အခါ မီးရောင်စုံနဲ့နားကန်းလောက်မဲ့သီချင်းသံတွေက ချက်ချင်းကြိုဆိုလို့နေတယ်။
ဘားထဲမှာလူတွေအများကြီးပဲ..အထူးသဖြင့် နိုင်ငံခြားသားတွေ..ဒါပေမဲ့လည်း ကျန်တဲ့ဘားတွေလိုပါပဲ ဘာမှသိပ်မကွဲပြားဘူး။
သူတို့နှစ်ယောက်လုံးက ရုပ်ရည်ချောမောကြတော့ အထဲကိုဝင်လိုက်တာနဲ့ လူအများစုရဲ့အာရုံကို ဖမ်းစားသွားတယ်။ဒါပေမဲ့ အဝေးကသာရပ်ကြည့်နေကြပြီး တစ်ယောက်မှတော့ စကားလာမပြောရဲကြဘူး။
ရှောင်ချန်က ကျန်းမုနောက်ကနေ ကပ်လျှောက်ရင်း တစ်ခုခုတွေးမိပြီး မေးလိုက်တယ်။
"မင်း ဘားကို ခဏခဏလာတတ်လား?"
အထဲမှာအသံတွေဆူညံနေတော့ ကျန်းမုက ရှောင်ချန်ရဲ့မေးခွန်းကိုတစွန်းတစပဲကြားလိုက်ပေမဲ့ ခေါင်းသာညိမ့်ပြလိုက်တယ်။
YOU ARE READING
ဆန်ကုန်မြေလေးရည်းစားဟောင်းရဲ့အဖေနဲ့ကွာရှင်းပြီးမှ ငါလေးမှာကိုယ်ဝန်ရှိ။[ဘာသာပြန်]
RomanceOriginal title-跟渣攻他爸离婚后揣崽了 Author-Yiye bodhi English title- After divorce from his father, he took care of the baby/After divorce from the Scumbag's father,he had a puppy. This story doesn't belong to me.I give credit to both the original author and...
![ဆန်ကုန်မြေလေးရည်းစားဟောင်းရဲ့အဖေနဲ့ကွာရှင်းပြီးမှ ငါလေးမှာကိုယ်ဝန်ရှိ။[ဘာသာပြန်]](https://img.wattpad.com/cover/290248225-64-k805000.jpg)