اسكريبتات

محبوب مجنون

صلو على محمد 🌺
"محبوب مجنون"
_يبنتي ابعدي عن الشر وغنيله
=غنيتله جيه يترقصلي اسيبه يهز
_تقومي تعملي كده  ده الراجل وشه مشلفط ع الاخر
=احسن عشان ميعاكسنيش في الراحه والجايه وانا خلقي ضيق اصلا
_بكره يجيلك اللي يربيكي عشان تعرفي الحق ارضيه فين
=الحق عند عمو الحقاني سبيني اروح بقي ومترنيش عليا ماشي

دخلت البيت وانا بنفخ ومش طايقه نفسي خالص فقالبت امي فوشي
_مالك شايله طاجن ستك لي
=مفيش واحد ماسكني معاكسه في الرايحه والجايه وبيقول كلام مش حلو فعلمته الادب
_وافرض بقي كان هو اللي ضربك وعمل فيكي حاجه
=متقلقيش  بنتك خيطره برضه
_ربنا يهديكي ولو حد عاكسك سبيه وامشي هو عامل زي الكلب هتبصيله وتتكلمي معاه هيفضل وراكي ع طول ومش هيسيبك هتنفضيله وتمشي هيعرف انك مش ليكي في الكلام ده وهيسكت
=حاضر يماما هبقي اعمل كده..  هدخل اغير بقي وانام عشان تعبانه
_لا مفيش نوم انتي غيري وتعالي عشان تعملي معايا الاكل عشان ابوكي عازم صحبه وعيلته
=انا عارفه انه يوم مش هيعدي علي خير حاضر يماما
دخلت اوضتي وانا بنفخ اي ده هو انا ناقصه كمان عزومات وقرايب واكيد ابويا جايبلي عريس عشان كده عازمه   ماشي طب والله لوريكو
قومت غيرت هدومي وخرجت عملت الاكل مع ماما 
بعيدا عن الاكل اللي كان هيتحرق بسببي او الكبايات اللي اتكسرت او طباق النيش اللي ودعتنا بالسلامه
الا ان الحمد لله كل حاجه خلصت علي خير وجه وقت الضيوف
دخلت اوضتي وسيبتهم بره ولكن ازاي مسبونيش في حالي  ماما ندهت عليا اليعني هيا مش عارفه تطلع صنيه العصير ولازم انا اطلعها المهم متكلمتش وطلعت بالصنيه وانا باصه في الارض وكنت بفكر هاخد انهي كوبايه من اللي انا مسكاهم ولكن وقفت مره واحده واتجمدت علي صوت انا عرفاه كويس اوي بيقولي هو انتي ورايا ورايا في اي يبنتي رفعت راسي ولقيته هو  احمد زميلي في الكليه ينهاري هعمل اي دلوقتي  لكن ثبت ورديت بكل قوه ازيك يا ابو حميد عامل اي رد بابا وقالي اتلمي يبت اي ابو حميد دي
حسيت اني اتكسفت فسبتهم ودخلت الاوضه وكنت خايفه لاحمد يقول لبابا اني  عملت مشكله في الجامعه انهارده واكيد الولا اللي ضربته يبقي قريبه وجاي يشتكي لبابا    طب انا اعمل اي الم هدومي وامشي ولا انط من البلكونه وارتاح يارب استر يارب

وفي وسط منا مشغوله في تفكيري لقيت الباب بتاعنا بيتقفل ففتحت الباب شويه ولقيت الحته هدوء وشكلهم مشيو لا انا مش مطمنه  فاخرجت من الاوضه بتاعتي وروحت الصالون لقيت بابا ماسك الفون وبيلعب فيه وعادي فعرفت انه مش حكاله حاجه لان بابا عصبي جدا ومبيحبنيش اتكلم مع حد خالص اومال لو عرف اني ضربت الراجل هيعمل اي  فروحت اشيل صنيه الاكل من التربيزه فلقيت بابا بيقولي اللي حصل في الجامعه ده ميحصلش تاني وابقي فكري قبل متكرري ماشي
فبصيت في الارض وانا قلبي هيتخلع من كتر الخوف وقولتله حاضر يبابا
فقالي شاطره يحبيبتي وابتسم ودخل اوضته
حسيت اني كان هيغمي عليا ساعتها وافتكرت انه تعبان ولا حاجه بس مش مهم المهم انه عفا عني وخلاص فدخلت اوضتي ونمت وانا بفكر ازاي ابويا قالي كده
صحيت تاني يوم علي صوت المنبه المزعج وكنت متاخره فلبست بسرعه ونزلت اجري ونسيت اخد فلوس ووقفت تاكسي بسرعه وركبت فيه وروحت الكليه وصلنا عند الكليه وجيت اطلع فلوس للسواق ملقتش فلوس ينهاري فلوسي راحت فين الحقني يا عمو انا اتسرقت في حد سرقني فرد عليا وقالي يعني اي مش هتدفعي الاجره فنزلت من التاكسي وقولتله يعمو بقولك اتسرقت ممكن تعدي عليا كمان ساعتين في نفس المكان وهاديك الفوس كلها لقيته زعق بصوت عالي وفضل يشتم فيا ويقول كلام مش مفهوم وانا فضلت مكاني باصه في الارض وكنت بعيط من كلامه بس لقيت حد جه راح ضاربه بوكس في وشه وقاله: جرب تقول الكلام ده تاني كده وانا كنت عرفتك قيمتك بجد
فرفعت عيني ومن كتر الدموع مش كنت شايفه حلو مسحت عيني وبصيت لقيته حماده الشاب اللي عاكسني وضربته  اتصدمت وبرقت جامد
فلقيته طلع فلوس من جيبه وراح قايل للسواق اجرتك اهي وامشي من هنا عشان مش ازعلك اكتر من كده
مشي السواق وهو مرعوب وانا لسه مصدومه ومبرقه فلقيت حماده جاي عليا وبيقولي تاني مره ابقي خلي بالك من نفسك واللي يكلمك بالشبشب وانزلي علي دماغه ولا شاطره تضربيني انا بس
وسابني ومشي وانا لسه ف صدمتي  فوقت من الصدمه علي ايد مي صحبتي وهيا بتهزني وبقولي في اللي حصل
قولتلها: مفيش حاجه يلا ندخل
فضلت طول اليوم افكر في حماده وتصرفه الشجاع معايا ومكنتش مركزه في المحاضره خالص وده خلي المعيد ينده اسمي ويقولي اطلعي بره
فقومت من سكات وطلعت بره المحاضره وانا لسه بفكر فيه فروحت قعدت في الكافيه فلقيت حد بيقولي ممكن اقعد معاكي فرفعت راسي لقيته احمد قولتله اقعد عادي
قالي: مالك مدايقه لي 
قولتله: مفيش عادي مش مدايقه بس انت قولت لبابا اي امبارح
قالي: قولتله انك شاطره جدا وبتذاكري وان في حد حاول يفربلك وانتي عرفتيه مقامه فلقيته ضحك وقالي دي بنتي برضه متنساش وبس بقي
قولتله: تمم ماشي خلاص
وسكتنا شويه فقولتله انا هقوم اتمشي لاني حاسه اني مخنوقه شويه
فقالي: اجي معاكي اسليكي
انا رفضت وقولتله لا عاوزه اكون لوحدي شويه بس
وسيبته وقمت اتمشي فلقيت حماده واقف ومولع سيجاره وشكله سرحان  وكان بيعاكس في بنت وبيتطفل عليها
حسيت ان الدم جري في عروقي واندفعت عليه مره واحده و.........................

يا تري اي اللي هيحصل بعد كده
انتظرونا بكره باذن الله