اسكريبتات

محبوب مجنون 9...

صلي على محمد 🌺
محبوب مجنون 9....  قبل الاخيره
حسيت ان زياد هيخلع فك وشي ف ايده وكان شكله متعصب جدا
فانا قولت ارجع ف كلامي وروحت زقاه بعيد وقولت ينتي انت كبير وعاقل بتاخد ع كلام عيله زيي برضه استهدي بالله بس كده ويلا بينا بقي عشان تروحني بيتي
فضل يعارض ويقول استحاله نرجع والكلام ده كله بس ع مين
اقنعته وهيرجعني بكره للبيت
دخلت نمت في مكان هو وداني فيه  وكنت فرحانه جدا جدا
فرحانه لاني لقيت اهلي الحقيقين وفرحانه لاني لقيت حد بيحبني كده هو صحيح مجنون بس بيحبني وبحبه انا كمان وميتهيقليش هلاقي حد يخاف عليا ويحميني زيه 
سرحت بتفكيري وفكرن ف كل الناس اللي انا راجعالهم  ابويا وامي المزيفين والناس اللي طلعو حقيقين واحمد وزياد وابو زياد يا تري هيعمل فيا اي
فضلت افكر كتير لحد منمت من كتر الارهاق
اول ما الشمس طلعت لقيتها دخلت ع عيني وصحيت من النوم وبصيت حواليا لقيت كميه ورد وجمال حبيته الصراحه ومكنتش عاوزه امشي ولا اسيبه
فخرجت بره لقيت البحر ف وشي هو اصلا المكان كان عباره عن اوضه مطله ع البحر وكلها زجاج
لقيت الجو هادي وزياد مش موجود فقولت يمكن نايم فقعدت قدام البحر تحت الشمسيه وفضلت سرحانه وكنت بفكر ف حياتي بس الوقت عدي وزياد مجاش فانا قلقت ليكون سافر لوحده وسابني 
قولت اقوم ادور عليه واخليه يعملي فطار
فضلت ادور عليه مش لقيته قلقت جامد وافتكرت قصه الوحش اللي كان موجود ع الجزيره زمان وقولت ينهاري لو كان كل زياد وسابني لوحدي
  ففضلت انادي عليه  يا زياد زيادد
لكن برضه مردش عليا انا فضلت اعيط وانادي واقول يا زياد بالله عليك لو عامل مقلب فيا اخرج اخرج يا زياد عشان خاطري
وبرضه مفيش حد خرج  فدخلت الاوضه وقولت تلاقيه راح يجيب طلبات وجاي هستناه
فضل قاعده والليل جه وهو برضه مجاش
قلقت جدا ففضلت ادور ف الاوضه علي رساله ولا حاجه يكون سايبهالي بس ملقتش  يا زياد تعال يا زياد
قعدت ف الارض وسندت ع الحيطه وضميت رجلي وفضلت اعيط وفجأه لقيت حد بيخبط من الحيطه
انا اترعبت وقولت طب والله الجزيره دي ملبوسه بقي في اي يجدعان مش كده
محدش رد فقولت انت زياد وعامل مقلب صح
برضه مفيش رد فجيت حطيت ايدي ع الحيطه فلقيت حاجه بارزه تحت ايدي زي ميكون زرار ومستنين اضغط عليه بس كان محطوط عليه الدهان ومخفي بشكل جيد جدا 
ضغطت ع الزرار لقيت باب اتفتح
اتصدمت اي ده  ده طلع مخبأ سري  مش سهل انت برضه يا زياد يا خبيث
بس هو فين زياد
لقيته بيقولي: ياه اخيرا فتحتي دانا كنت فقدت الامل اخرج من الاوضه دي اي يبنتي صعب للدرجه دي انك تكتشفي الاوضه
بصيتله كده بمعني  انت بتختفي وبتظهر كل شويه لي
لقيته بيقولي: اي ده مسالتيش يعني اسالتك
لسه هتكلم لقيته قالي: بصي يبنت الحلال انا دخلت بليل عشان اجيب فلوس عشان نرجع بيها بس وقعت واتخبطت ف دماغي جامد وللاسف الباب اتقفل غصب عني ومبيفتحش غير من بره بس 
اه والاوضه  ملهاش علاقه بالقراصنه دي انا اللي عاملها بحط فيها الحجات بتاعتي
ومش هخليكي تشوفيها 
لسه هتكلم قاطعني وقال بالنسبه للسفر معادنا هيبقي بكره بقي عشان انهارده ضاع خلاص
اما بالنسبه للاكل فانا جايب اكل وحطه ف التلاجه بس مهانش عليكي تدخلي المطبخ وانا كنت عارف انك هتعملي كده
اي سؤال تاني؟
بصيتله وقولت: بسرعه
قالي: ماشي يختي اتنكي اتنكي
قعدت ع الكرسي وحطيت رجل ع رجل شافني اتغاظ وراح داخل ع المطبخ من غير كلام وانا حسيت اني ارتحت كتير اوي بعد مشوفته مش انا بقول وقعت وحبيته
بعدها افتكرت طريقه كلامه ففضلت اضحك عليه وانه بقي فاهمني خلاص وشكلنا هنندمج مع بعض
لقيته بيقولي: لالا الضحكه دي بتخطفني بجد اضحكي تاني كده
اتكسفت وقولتله والله انك غتت يبعيد يلا عشان جعانه
حط الاكل ع السفره (هيا اه اوضه واحده بس واسعه جدا وفيها اثاث شقه)  وبصراحه معرفش هو كان عامل اي بس ريحته كانت حلوه
مسكت الشوكه بقرف وبقوله هو اي ده
قالي ده اخطبوط عادي مش باين ولا اي
قولتله بص هاكل يعني هاكل اطلب الاسعاف بقي من دلوقتي عشان تكون ف السليم 
جه عشان ياكل قولتله هات ميه وتعال
قام يجيب ميه كنت انا خدت الطباق كلها ناحيتي وخليت ناحيته طبق كده معرفش فيه اي بس مش حبيته
وفضلت اكل وهو جاب الميه وحطها ع التربيزه ولقاني باكل ومش سيباله اكل خالص
جه يمد ايده عشان ياكل روحت غزاه بالشوكه وقولتله: ولد عيب متعملش كده تاني والا هقول لمامتك
بصي كده وقالي: ولد ومامتك عوض عليا عوض الصابرين يا رب
قولتله: ان شاء الله سيبني اكل بقي
فضلت اكل ومهتمتش بيه ونسيته اصلا لاني كنت جعانه والاكل كان حلو صراحه
بعد نص ساعه خلصت اكل وبصيت عليه لقيته ف المطبخ بيعمل اكل تاني
فضحكت وبقوله هو انت جعان ولا اي
قالي: هو انا كلت حاجه منا سيبتلك الاكل كله
قولتله: خلاص بقي اعمل حسابي معاك عشان انا جعانه وهفتانه
قالي: دانتي مسحتي الطباق ومش خليتي فيها حاجه ولسه جعانه
قولتله: قر بقي قر عليا واحسدني بعينك دي خلص هتعمل اكل ولا لا
قالي: هعمل وامري لله بس متاخديش  علي كده بقي ماشي
سيبته وخرجت ومتكلمتش روحت قعدت ع السفره وفضلت اغني اغاني كتير مش فاهمه معناها اصلا وكمان صوتي مش حلو فا انا حسيت ان زياد كان نفسه يخنقني ق الاخر زهقت فلقيت كشاف ف الارض خدته ونزلت تحت تربيزه السفره ونورته وفضلت اعمل اشكال كتير بايدي وعملت حوار بين شخصيات خياليه وكانت قصه حلوه اوي بس مش هقولكو عليها.
لقيته واقف وبيحط الطباق ع السفره فقولت والله لخضك زي مخضتني كده استني عليا
فضلت انونو واعمل صوت قطه بس هو متحركش فروحت شداه من رجليه راح واقع ع الارض
انا قولت بس اقول ع نفسي يا رحمان يا رحيم
خرجت من تحت التربيزه ولسه بقوله: بص والله يسطا انا مكنتش اقصد اوقعك انا بس عملت كده فوقعت
لقيته ميت ع نفسه من الضحك اصلا ومسمعش حاجه من اللي قولتها
فروحت بقوله زياد يا حبيبي انت اتهبلت ع كبر لقيته بطل ضحك وقالي قولتي اي قولي كده تاني
فانا خوفت وقولتله لالا دانا بضحك معاك يزيزو  اما شكلك كان مسخره وانت بتقع
قالي: انتي قولتي حبيبي صح
اتكسفت ولقيت وشي احمر مره واحده وجيت اسيبه وامشي لقيته شدني وقالي انتي بتحبيني صح
مكنتش عارفه ارد واقول اي فقولتله هو مش انت جوزي يبقي لازم احبك
قالي: يعني بتحبيني صح
قولتله: اه بحبك
لقيته فضل يتطنط من الفرحه والضحك ويسقف ويعمل حجات هبله كده 😂
وجه قالي وانا كمان بحبك موت علفكره
قولتله: مني عارفيه
وسيبته ودخلت الاوضه وانا طايره من الفرحه وكنت مبسوطه جدا جدا
ومجاليش نوم خالص ف اليوم ده
وبعدها بقي لقيته بيقولي تعالي يلا نسافر دلوقتي
قولتله: مفيش طياره دلوقتي
قالي: انا طيارتي تحت امرك يباشا
فرحت جدا وقولتله يلا بينا
واحنا خارجين لقيت الاكل زي مهو قولتله مش كلت لي قالي: لما بفرح مش باكل
قولتله خساره يعم تعال ناكل وقعدت كلت انا وهو وبعد مخلصنا قولتله ع فكره انا مش جعانه انا كنت بسليك بس عشان مش تاكل لوحدك
قالي ابقي فكريني بعد كده اعمل حساب خمسه كمان معانا ع الاكل
فهمت قصده وانه قصده انا بلخمسه دول
قولتله: طب يلا بينا 
وروحنا ركبنا طيارته وطلع طيار وانا مش عارفه وبيعرف يسوق الطياره
وانا نمت اول ما طار بالطياره

يا تري الهبوط هيكون شكله اي واي اللي هيحصل بعد كده. هنعرف بكره باذن الله ♥