اسكريبتات

محبوب مجنون 8...

صلو على محمد 🌺
محبوب مجنون 8....
فضلت اجري معاه ومش بإرادتي بس هو كان بيشدني من ايدي جامد وكان خايف عليا من ضرب النار وفجأه لقيته دخلني ف مكان سري مش باينله اي اثر بس كان عامل زي ميكون  اوضه كلها حديد ف حديد وفيها مرايات تكشف اللي ف المكان من بره
فسألته: هو في اي يخرم جيبك لي كل الجري ده واي ضرب النار ده اي اللي بيحصل واي المكان ده
لقيته مبيردش ووشه مصفر زي ميكون مش فيه نقطه دم وعمال ينهج جامد ومش قادر ياخد نفسه
فطلع من جيبه برشام وخد منه كتير اوي ومن غير ميه بلعه
فلقيته هدي شويه ونام ع الارض والدم بدء يتدفق من جديد ورجع طبيعي زي مكان فبقوله: مالك في اي
بصلي وابتسم وقال: انتي يا اما بالعه راديو يا اما بالعه راديو
بطلي اسأله هحكيلك كل حاجه
اولا: المكان اللي كنا فيه ده جزيره باسمي وبتاعتي لوحدي هو مش لوحدي اوي تقدري تقولي اني كنت مشتريها انا واخويا شركاء عشان نهرب فيها لو الحكومه كبست علينا او حاجه بس انا محبتش كده واديت اخويا نصيبه في الفلوس اللي دفعها وهو رفض ياخدها وعاوز الجزيره ف دي خناقات عائليه متشغليش نفسك بيها
قولتله: ولي ضرب نار عليك
قالي: لأنه اخر مره اتخانقنا وانا عورته جامد وهربت ولما سدق انه شافني عشان ياخد بطاره بس مكنتش اعرف انه عنيف اوي كده
قولتله: يبرودك يا اخي اي ده دانتو عصابه بقي
قالي: تحبي تشوفي فيلم اكشن 3Dدلوقتي
قولتله: فيلم اي وبتاع اي هو انا ناقصه كفايه الرعب اللي انا فيه
قالي: والله العظيم لتشوفي مهاراتي
ولسه هرد عليه لقيته سابني بسرعه في الاوضه وخرج وقفل الباب من بره وحط المفتاح ف جيبه وراح مصفر لاخوه
جه اخوه ومعاه رجاله كتير مسلحين وخطيرين
لقيت اخو زياد بيقوله: انت اي اللي جابك تاني بالزمه مش خايف
زياد قاله: وانا يوم ما اخاف اخاف من التونز بتاعي برضه طب والله عيب
اخوه: اهو عشان انت تونزي وللاسف  انا مش هلمسك بس هخلي رجالتي يعرفوك قيمتك
وسابه وبعد شويه وقعد ع جنب في اللحظه دي انا قولت بس زياد الله يرحمه
لقيت زياد زي ميكون اتحول وعيونه بقت لونها اسود من كتر الغضب وفي اقل من ثانيه لقيته بدء يضرب الرجاله بطريقه خرافيه جدا احسن من افلام هوليوود ميه مره فضلت مصدومه وانا ببص عليه من المرايات
اي ده ازاي معقول ده زياد اللي بيقولي اتكسفت اكلمك اول محبيتك
لا ده اكيد وحش ده مش زياد
لقيت زياد خلص ضرب ف الرجاله وراح وقف اخوه وقاله مش عيب تبقي راجل وتبعت الرجاله بتاعتك
اخوه قاله: اصلهم كتير وبياخدو فلوس كتير فقولت اخلص منهم شويه
زياد: وانا مرضاش انك يكون عليك عبء كبير كده
ولقيت الاتنين بصو لبعض بصمت بس شكلهم بيتكلمو بالاشارات وكده او تخاطر فكر عشان تؤم المهم بعد عشر دقايق كده من الصمت لقيت الاتنين نزلو ضرب ف بعض
منظرهم كان خرافه فروحت قايله والله انتو الاتنين لو شاروخان شافكو مش هيسيبكو ابدا ولازم يخرجلكم فيلم بنفسه ونلم بقي ابطال هوليوود كلهم ويعملو فيلم مع بعض ياه ده هيكون فيلم عالمي وهيحقق ايرادات كنير اوي اوي...  بس دلوقتي في مشكله كبيره
لقيت حد بيقولي اي هيا
رديت بتلقائيه وقولت هنسمي الفيلم اي  انا عاوزه فيلم يشد الناس بقي وكده
و اععاااااااااااااااااااااااا انت انت انت ومحستش بنفسي خالص بعدها بشويه فوقت من النوم لقيت نفسي ف نفس المكان وملقتش حد معايا ف الاوضه خالص غيري زي مكنت قبل ميغمي عليا
بس اي اللي انا شوفته ده انا شوفت اخو زياد متحول لوحش وليه انياب وكان بيكلمني وبيبصلي هو في اي
لقيت زياد بيبصلي من المرايا من بره وبيقولي الله يخرم جيبك مش لاقي المفتاح اللي هطلعك بيه والباب استحاله يتفتح من غير المفتاح
بصيتله وقولت: طب متدور ع المفتاح يعم وتخلصني
قالي: لا بجد شكرا ع المساعده فدتيني كتير والله
لسه هرد لقيت اخو زياد ركب طياره وقال لزياد المفتاح معايا يا حلو ابقي تعال وخده مني لو عرفت
زياد قاله: هجيبك لو في بطن الاسد وهاخد المفتاح
اخوه وقع المفتاح ف البحر وقال بكل برود: اوبسس لقد اوقعت المفتاح يا شقيقي
وضحك بصوت عالي ومشي
لقيت زياد اتعصب جامد وفضل يخبط ف الحديد ويكسر ف المرايه ومفيش حاجه اتكسرت
بصيتله وقولتله: ممكن تهدي وتعرفني اي الاوضه دي اصلا 
قالي: اول ما الجزيره دي اتبنت كانت بتاعت قراصنه وقطاع بحار كانو بيخفو فيها السفن وبيعذبو فيها الناس اشد عذاب ولكن في يوم  كان في ف البحر وحش زي متقولي سمكه قرش ضخمه او حاجه كبيره اوي المهم كان كل يوم الوحش ده يهجم علي القراصنه ويقتل منهم كتير فهما قرروا يبنو الاوضه دي ودي مصنوعه من حديد صافي وعملو المرايات عكسيه بحيث ان اللي جوه يشوف اللي بره واللي بره ميشوفش حاجه خالص من اللي جوه
وفضلو مستخبين في الاوضه دي لحد ما الوحش مش بقي بيهجم وهما اتمنو وقالو اكيد مشي وخرجو وراحو ع البحر وفعلن كان مشي الوحش فعملو حفله كبيره وكده ففي واحد منهم اتعور والدم نزل ف البحر فرجع الوحش من تاني وكلهم كلهم وبس
قولتله: ياااه اما قصه عبره بصحيح
بس الناس دي عملو كل حاجه برفكت الا القفل ده  شكله مصدي اصلا
قالي: من غير المفتاح مش هعرف اخرجك ابدا اعمل اي
قولتله: سيبها عليا يمعلم
وطبعا انا واثقه انه مش شايفني ففكيت طرحتي وفردت شعري وطلعت بنسه من شعري ودخلتها في القفل مكان المفتاح وبحركه واحده فتحت القفل وخرجت (وعشان انا رخمه مش هقولكو الخدعه دي بس هيا حقيقيه 😂😂) 
خرجت لقيت زياد عمال يعيط حطيت ايدي علي كتفه وياريتني ما حطتها لقيته راح مديني بوكس ف وشي وقام من ع الارض مره واحده
اول ما شاف وشي  لقيته اتصدم وبيقولي: اي ده ازاي كده انتي ازاي خرجتي
قولتله: الجيش قالك اتصرف صح  وانا اتصرفت
لسه هيتكلم قولتله: مش هعلمك ازاي ريح بقي وطلعنا من جزيره الاشباح دي
لقيته ضحك وقالي ماشي وخرجنا فعلن وفضل يدخل اماكن ويخرج منها وانا من كتر التعب قولتله تعال نقعد شويه مش قادره
فوافق وقعدنا فقولتله: صحيح هو ازاي اخوك كان بيكلمني وانا ف الاوضه وكان شكله متحول عامل زي المستذئب
لقيته ضحك بصوت عالي وقالي: اللي كان بيكلمك اخويا فعلن بس سمعنا قصه الفيلم الرائع بتاعك سيبنا الخناق وانتبهنا ليكي
بس الوحش اللي شوفتيه ده وش اخويا لبسه وفتحلك الكاميرا اللي بره وخوفك بيه بس مش طبيعي
وانتي ماشاء الله مسدقتي روحتي مصوته ومغمي عليكي
قولتله: اللهي اشوف فيك يوم يا بعيد انت واخوك رجعني بيتي بقي يلا
قالي محنا هنرجع بيتنا ان شاء الله
قولتله: لي هتطلع اخويا ف الاخر ولا اي
قالي: لا هطلع جوزك يحياتي
بصيتله كده وقولتله: بقي انا اصوم اصوم وافطر ع بصله
ضحك بصوت عالي وقالي: منتي فطرتي خلاص وع البصله يحبيبتي
قولتله: يعني اي
قالي: يوه نسيت اقولك معلش اصلك رغايه موت ونستيني
اصلي يا روحي اول مخطفتك خليتك بصمتي علي عقد الجواز عشان اكون جوزك وحلالك والمسك براحتي
بصيتله وبرقت وفتحت فمي
لقيته بيقول: اقفلي بس الحنفيه دي عشان الدبان ميخشش جوه
قولتله: لا  استحاله انت تكون جوزي
امال احمد دوره اي يعني
قالي: احمد مين انا معرفش حد بالاسم ده
لسه بقوله: احمد اللي انت كنت
لقيته عيونه اتحولت وقال بصوت تخين مليان غضب: جربي تقولي اسم اي حد تاني ع لسانك وانا اكون قاطعهولك بجد
خوفت وقومت وقفت وقولتله انا بقول اننا نكمل مشوارنا عشان العطله دي غلط وع راي المثل الوقت كا البيتزا لو ملحقتهاش هتبرد
لقيته قالي: انا بقول كده برضه
قولتله: بس اعمل حسابك يننوس عين ماما ان انا مش اي اي وان انت كده مكسبتش لما اتجوزتني ده انت فتحت ع نفسك ابواب  هنتفاجيء بيها احنا الاتنين
قالي: عارفه انا خايف عليكي حبي ليكي هيدمرك عشان ابويا مش هيسيبك ف حالك خالص وحالف يخلص عليكي بس ميقدرش يعملك حاجه وانا معاكي متقلقيش
قولتله: انا حاسه اني دخلت فيلم هندي كده لي
ماله ابوك ده كمان ويعرفني منين اصلا
قالي: ابويا تاجر سلاح زي مقولتلك وانا رفضت اشتغل معاه ولما عرف اني بحبك حابب يلوي دراعي بيكي ويخليني اشتغل معاه
قولتله: بص يبن الحلال انت بتحبني صح
قالي: صح
قولتله: الحب من غير تضحيه ميكملش لازم تضحي وتسيبني وتقول لابوك انك كرهتني عشان يسيبني ف حالي واروح انا بقي اشوف احمد
قالي: قولتي اي
قولتله: اي قصدك احمد  طب عند فيك احمد احمد احمد احمد احمد احمد احمد احمد احمد احمد احمد  وريني هتقطع لساني لساني ازاي لقيته مسك دقني جامد و.....
يا تري اي اللي هيحصل. هنعرف بكره باذن الله ♥

باذن الله الاسكريبت ده هيكون 10 حلقات بس ومش هطول فيه بس حابه اعرف رايكو اي عنه ♥♥