اسكريبتات

محبوب مجنون 6...

صلو على محمد 🌺
محبوب مجنون 6......
صدمه جامده سيطرت عليا وعلي مشاعري اتلغبط وف دماغي دار الف سؤال وسؤال ومكنتش لاقيه ليه اجابه
قولتلها: مين ده اللي خالي انتي بتقولي اي
قالتلي: لازم اقابلك الكلام ف الفون مينفعش
قولتلها: انا جيالك اهو
خدت عربيه زياد وروحت لوحدي عندها وصلت قدام البيت وطلعت السلم ومع كل خطوه كنت بخطيها لقدام بيجي ف بالي مليون الف سؤال 
خبطت ع الباب لقيتها فتحت ف ثانيه واول ماشفتني خدتني ف حضنها وفضلت تبوس فيا جامد جامد زي ما اكون توهت منها ولقتني ولقيت عمو محمود جالي وفضل يبوسني وانا مصدومه اصلا من اللي بيحصل وواقفه متسمره مكاني وساكته ومستنياهم يخلصو بس مكنتش قادره اتحرك خالص خالص
لقيت منه شدتني وقعدتني ع الكنبه وقعدت قدامي ع الارض وقالتلي:  انا امك انا امك يحبيبتي انا امك وانا مكنتش رقاصه خالص ولا اي حاجه من دي انا هحكيلك اللي حصل
زمان اول مولدتك كان في واحده جنبي بتولد وخدو الطفلين حطوهم ف الحضانه مع بعض بس ابن الست التانيه مات وهو ف الحضانه والست رشت الممرضه فلوس عشان تقولي ان ابني انا مات وادتك ليها وبكده بقيتي بنتها وانا افتكرت ان ابني مات  ولما انتي شوفتي حماده واتخانقتو مع بعض وانتي مشيتي وسيبتي البيت قعدت معاه وكلمته وقالي ع اللي حصل بينكو من ساعه مضربتيه في الجامعه فقولتله لازم نروح انا وانت للولد اللي ف المستشفى ده ونعتزرله واول مروحنا لقينا ابوكي هناك انا مكنتش اعرف انه ابوكي بس اول مبصيتله افتكرته فهو اول مشافني جه يجري عليا وكان قلقان وخايف وبيقولي بنتي فين هيا راحت فين انتي خدتيها صح
فقولتله: والله يحج معرفكش ومعرفش مين بنتك
قاللي: انا اللي مراتي كانت بتولد معاكي لما ابنك مات فقولتله اه 
قالي: انتي ابنك مش مات انتي خلفتي بنت بس الممرضه بدلت الاطفال بعد مخدت رشوه من مراتي وخدت انا بنتك وبعدها بسنتين مراتي توفت ومكنتش عارف اربي البنت لوحدي فا اتجوزت وقولت لمراتي التانيه انها غلطه غلطتها وانا صغير عشان كانت عاوزاني احلل للبنت دي وتعرف امها مين فملقتش كدبه غير دي اقولهالها وللاسف بنتي عرفت الحقيقه كلها وسابت البيت ومشيت ومعرفش طريقها فين
فلقيت حماده بيقول مش حضرتك تكون والد مني اللي ف كليه ****قاله ايوه يبني انت تعرف مكانها 
حماده قاله: كلها ساعه وتكون عند حضرتك
ورجعت انا وحماده البيت تاني وانا كنت مصدومه جدا ومش عارفه افكر ولا عارفه اتكلم كنت عامله زي المومياء زي الجسد اللي خرجت منه الروح
فلقيت الباب بيخبط جريت عليه عشان افتكرتك انتي لكن لقيته زياد صاحب حماده
دخل وقعد وفضل يقول لحماده ابعد عن مني عشان دي بتاعتي واللي هيقربلها هدبحه وهعمل وهعمل وفضل يهدده فحماده حكاله الحقيقه كلها وعرفه انه يبقي خالك بس زياد قاله لا تعال ننزل القهوه عشان افهمك كويس وبالفعل نزلو مع بعض ومن ساعتها وحماده مرجعش وزياد بعتلي فيديو وانتي بتضربي حماده بالكرباج وبتعذبيه عشان كده رنيت عليكي
زياد ده مكار وممكن يعمل اي حاجه عشان يوصلك وتحبيه.
انا سمعت الكلام وانا خلاص مش قادره بس كل اللي عملته اني قولتلهم سبوني لوحدي شويه عاوزه افوق
دخلت خدت دش مكنتش حاسه بالميه بس كنت غرقانه ف بحر افكاري ولاول مره احس اني عارفه الحقيقه كلها لاول مره اكون مستريحه كده  فضلت في الحمام حوالي ساعه مبتحركش بفكر بس والميه نازله علي دماغي  وبعدها قررت اني ابداء حياه جديده وتكون حياتي انا وبس
غيرت هدومي وخرجت روحت لمنه او خلوني اقول ماما
روحت لماما وبوست ايدها وحضنتها ودمعت كتير بس مسكت نفسي وروحت حضنت ابويا وطلبت منهم اني اعمل تحليل dnaعشان اتاكد وهما مش رفضو خالص بل رحبو بالموضوع كله وبعدها سيبتوهم وخرجت
روحت للمخزن اللي فيه حماده واول مدخلت لقيت حماده بيبصلي وبيبتسم رغم ان وشه مشوه وفيه دم كتير من كتر الضرب الا انه ابتسمته دخلت الفرحه جوا قلبي بجد
قربت منه ومسكت وشه مكان الجرح وكنت عماله ادمع بس ومفيش ولا كلمه كانت عاوزه تخرج من حنجرتي
بعد كده فكيته ورميت الحبل بعيد
فبصيتله كده وقولت: بقي ع اخر الزمن تكون انت خالي  دانت مفيكش قلم حتي
لقيته ضحك وقالي نصيبي اني كل مره اتضرب علي ايد بنت اختي  انا كنت ناوي انتقم منك جامد بس مش هقدر للاسف
ضحكت وقولتله يعم اتوكس تنتقم اي دانتا متشلفط ع الاخر اهو
لسه هيتكلم لقيت حد قفل المخزن من جوه وبيقول: كده بقي الحكايه بانت وعرفتو بعض صح
بس انا مش هسمح للكلام ده انو يحصل
لفيت ورايا لقيت اللي بيتكلم زياد وشكله كان متحول وعيونه حمرا من كتر الغضب ولقيته رفع مسدسه مره واحده وجري عليا وكتفني وحط ايده علي رقبتي والمسدس علي دماغي
حماده جه يتدخل ويجري عشان يلحقني لكن معرفش يجري ووقع ع الارض لانه تعبان جدا
زياد قاله: دلوقتي الحكومه هتخبط عليك عشان ياخدوك بتهمه تشويه سمعه فتاه في الحرم الجامعه وطبعا محدش يعرف ان اللي نشر الاشعات دي هو انا مش انت وللاسف الانسه كانت مغفله
حماده لقي في الارض ازازه زجاج حاول انه يقوم ويتعجز علي نفسه لحد ممسكها وجري علي زياد يعزم قوته ولكن زياد متفاهمش وراح ضارب زناد المسدس وخرجت الطلقه منه و............
يا تري اي اللي هيحصل بعد كده.  انتظرونا بكره باذن الله 💜🌚