الضابط وعقد اللؤلؤ

الحلقه 7

الضابط وعقد اللؤلؤ

رغد جعفر Raghad Jafar

الحلقه ....7.....

‏كيف لا احبها وهي من تجعل قلبي يمرح بنضرة منها

1982 ايران ........................

المجد ان تكون قائدا حتى وان كنت اسيرا

بيدي الفأس اتصبب عرقا يرهقني كنضراتها الجميله عندما تكون معي ..

امسح جبيني وارفع رأسي الى السماء لأرى ضوء الشمس الذي يذكرني بقرص وجهاا..

كنت صابرا محتسب انتظر وأنتظر بشوق اعد الايام واليالي للقاء بها..

اما زالت تنتظرني بالهفه .

اتصبر وتحسب اليالي لمجيئي .

اما زالت تحمل روحي في احشائها..

اتشتاق لي كما انا اشتاق لها ولعطرها الذي يذوبني.

هل تعلم اني مازلت عند وعدي لارجع لها ..

اما تعلم اني كل يوم اتحمل اوجاع كثيره لأجلها..

اوجاع جسديه وحروب نفسيه اتالم كل ليله مع نهار ينتهي باشغال واعمال شاقه ترهق جسدي ...

تحملت ومازلت اتحمل لكي لاافقد الامل بلقاء جوهرتي ..

روحي مخبوصه وكل مااضرب الحجر اتذكر عيونها .

ماكدرت اوفي بالوعد ياشمسي وقمري يادنياي واخرتي ياجنتي وناري..

حافظج اكثر من روحي احس كل يوم دموعج تنزل واني لسبب رغم قسمت ماانزلهن بس موبيدي يالحبيبه

كالتلي ماكدر اني مو قويه لدرجه اتحمل غيابك اني احس تعلقت بلعبه وهاي لعبه انت مو بكيفك تروح وتعوفني اعاني ولا بكيفك تجي وطيب جروحي.

اااخ ياجوهرتي اااخ اذا الله جان قاسملنه ننجمع ولو بعد حين .

بس شلون لقائج الي حيكون بلهفه او برود الكاج منتظرتني لو فقدتي الصبر بمجيئي

بوكتها ماردت اخليها تشيل حمل هي ماتكدر علي جنت اعرف هاذا مصيري او الموت .

لو فاتحلها باب لسياره وكايللها انزلي اني مافيدج اني وراي حرب لوكاتل لو مكتول ..

بس اني اناني ردت اتملكها بكل صوره وخليتها تحبني مثل ماحبيتها يشهد علي ربي حبيتها قبل لااعرف اكو حرب راح تصير..

شكد حضي تعيس بحيث اول ملكيت روحي اخذها القدر مني وبعدها عني ..

اصواتهم المقرفه بدت تعلى وكل مايشوفون شخص هايم او ماخذ صفنه بالعصى .

يخلو يشتغل وهو مكسر تكدر متكدر مومهم اهم شي تشتغل ومتتوقف عن الشغل .

انتهى ليوم رجعنه للحجره  لمسجونين بيها باوعت على غيث منتهي من التعذيب .