الضابط وعقد اللؤلؤ
رغد جعفر Raghad Jafar
لبارت هذا لعيون عشتارات يلا نحتفل ويه لعرسان 😍🌹❤
الحلقه .....13......
أرغبَ أن أكون بجانبَكُ الأن
العَنهٌ ؏ المسافات
أتمنى أنَنيُ اَمُـلك حيلة لَمجيئَ اليكَ............
هو
يحبها حب التملك يرى فيها ابنته الشقيه.....
يطمع ان تكو له وحده ...
يطالب فيها حتى لو كانت لغيره..
منتسبه لغيره لاكنه انسبها له..
هو في حبها اناني ..
وهي
انا له حتى لو كنت لغيره ....
ارى فيه والدي المصون...
عندما اراه تبتسم روحي الحزينه..
ولدت طفله خائبه يائسه من دون اب..
كبرت وانا استند اليه ك جبل لا يهتز..
انت ابي وانا ابنتك .....
انا لك وانت لي ......
ابوها بالدوله وهيج يحجون وياها شتقصد...
حجيت بأرتباك هاا لااا متقصد شي رمقني بنضره أمرني بالسكوت ابتعد خطوتين نزل لمستواها يداعب خصلات شعرها لنازله على وجناتها .
همس بحب وخوف اب يخاف يفقد طفلته باباتي شنو اني بالنسبه الج رفعتله وجها بحيره نضراتها تكول مافهمت سؤالك باسها بخدودها وهمس مره لاخ..
المآسي منو ابوج ؟
رفعت نضراتها الي ورجعت باوعتله بحيره لحضات من السكوت والهدوء خلت اصبعها على خدها وضلت تكلب بعيونها ليفوك بعدها ابتسمت وهمست ااااانت لوحي..
ارتمت لحضنه بدلع ورفعها لصدر وضل يفر بيها بعدها صوت ضحكاتها ترن بالبيت وهو يكركر بيها وساعه يبوس بيها ويهمس باذنها انت لوحي انت دنيتي اني الوحيد الي حق بيج بنتي انتي .
نزلها وكلها روحي غيري ملابسج اخذت جنطتها ودخلت تركض وصل يمي بخطوات ثقيله همس خله دموعي تنزل بسكوت .
ضرغام.....كافي تزرعين بداخلها عنه لبنيه بنتي وخلاااص مفهوم تدرين راد يوكف كلبي من سمعتها تحجي عبالي تقصده
لؤلؤه ماريدها تعرفه دامه لهسه ماموجود بحياتها ماريدها تتأمل بشي ولا تنتضر انتي مكدرت اسيطر عليج اتذكري حبي انتضري بس اتركي لبنيه لتعبين نفسيتها بأمال ماموجوده..
راد يطلع امي صاحت علي من بعيد ووين يمه تعال تغده راح باسها من رأسها وكلها دايمه يمه مستعجل وصل يمي باوعلي بنضره يقصد بيها شبيدي عليج حرام لدسوينه بنفسج ضاع شبابج وانتي تنتضري صوت ركعه لباب فززني من احلامي لمزيفه .
مرت الايام بثقل جنت بوكتها نايمه فزيت على ايد ناعمه تتلمس وجنتي وصوتها لطفولي
شبيج ماما مااماا ااكعدي
فتحت عيوني بطء شفت الخوف مرسوم بملامحها سحبتها لحضني وبستها مابيه شي حبيبتي مابيه وهي بحضني العب بشعرها تذكرت لحلم خلاني اتذكر اول ماصرت بأسمه.......
أنت تقرأ
الضابط وعقد اللؤلؤ
Mystery / Thrillerنعـيشُ مشاعرنـا سراً ، ليتمزقَ نيـاطُ القـلبِ بتـأنٍ مخـيف ، تلتـفُ الستـائر وتتشابكُ مع بعضها عند أنطلاقِ أول هبة حُـب ، لتخفيها عن التنـاثر في الأرجاء، يـرى الحب الخـذلان ، فتشرحُ عيونهـا ما تخفيهِ نواياها نبضاتُ قلبهـا متـضاربة كتـضاربِ أحساسها...
