𝙃𝙤𝙤𝙙𝙡𝙪𝙢𝙨 𝙋𝙚𝙖𝙘𝙚

ℭ𝔥𝔞𝔭𝔱𝔢𝔯 58

The next day I was happy that all the kids
were home and safe but all I can think of are the other kids that I couldn't get to save.

I got in touch with a flower vendor, I told them I needed the freshest bouquet of Roses they could find by noon.

I got a box and put Rose's husband's finger, I cut off and a note attached to it, saying.

You're next, you'll pay for all the lives you've scarred. Oh, enjoy the Roses, Rose...

Y'all know what happened next, some would say she dead like dog...

Tricia's POV

Deh yah a easy and see a unknown number a call mi, caah mi know Brit she ever a call people unknown mi think a she.

Only fih hear, "Caah believe uh make dah boy deh diss mi suh Tricia".

Mi quickly hang up mi phone and hiss mi teeth, then a how Mark him suh bright bout him come a call mi phone a chat off him big stinking mouth.

Trust and believe, him nuh know the dutty ghetto side a mi and mi willing fih transform pan him blclt.

Them have a saying seh, "Fih avoid the germs uh boil the water" and a dat mi been a duh.

Mi a avoid Mark as best as mi can but him feel like a them other time deh when mi a did yam farm.

The Yamington graduate, at this point only thing lef back pan mi from being a yam a the starch, well bumboclate ash.

Feel like mi aguh try out a girl next caah at least we aguh understand each other, I guess.

Is a good thing mi a virgin because mi honestly couldn't badda, then imagine if mi did a mek Mark sample the golden hole.

A woulda problem inah this bumbo!

Mama!

Laugh mi a laugh caah right now mi just a continue pan mi celibacy journey forever and ever.

Nuh man nuh deh wah deserve my foot dem pan top a him shoulder.

See a message come in pan mi phone from Brit seh mi fih come over deh, and she seh she did aguh come.

Gyal deh nuh know her mind inuh man!

Might as well mi guh, mi nuh mine the likkle drive out, worse how mi nahve no man and dem ting deh.

Waie...Lol

Mi get ready and text mommy telling her mi aguh over Brit, mi did a call mi bredda but mi never did a get him as always.

If somebody take mi weh and say call somebody and if dem nuh answer mi let uh guh, mi aguh most definitely call him.

Mi never see smaddy wah uh can never get pan phone at this point mi nuh know why him have phone.

Mi guh out guh look drive and get a taxi quick, I guess today's my lucky day caah when mi reach a the next taxi stand mi get a next taxi quick too.

When mi reach uppa Brit mi see a car park outside her house, mi nuh know dissa car yah suh mi dih deh a look pan it and a wonder a who fah car.

Mi call her and she open the gate, she see the knowing look pan mi face and mouth to mi say "A 3gran".

Then a how much car my bad breed fren have?

Mi walk in and see the man well lay down pan the ppl dem settee, mi buss out a laugh and say.

"Then uh comfortable eh, a how you one suh comfortable?' 

Him start dead wid laugh, the exact reaction mi did a look fah.

Yow, this man can laugh uh fuck and full a joke, him a the total opposite a him dirty fren.

Speaking of fren lemme find out something real quick,

"So 3gran your fren ghost mi fih bout 2 and a half day, a which frock tail him under?

The man bus out a big laugh, if mi never see right all pan the grung him deh, the man extra issi.

"Oh god, Cia nuhn like that man, him deven talk to me so uh must know seh him well busy a this morning mi hear—"

"Hold on!

Hold it right deh suh, wah uh say uh hear from Stinga this morning?

So him call you but him nuh have the decency fih call me".

Aie sah a tell God seh mi done wid man inuh!

Just watch dah style yah!

Mi leave 3gran an Brit inah the living room and guh inah the room mi always stay when mi visit.

Mi sit down pan the bed and start think bout wah a gwan, man wicked inuh if mi a be honest.

Imagine, mi a worry seh something duh him and him get the chance fih call and him not even reach out to mi.

Just fih even say, "Cia mi good", nosah mi need fih unblock him caah mi waah ask him one question.

Stinga's POV

3gran just tell mi Cia over Brit and she well vex, right now mi deven know wah mi aguh tell her when mi see her mi just a work wid faith.

Naah guh lie mi really rate her inuh but mi caah just tell her seh mi a don.

She naah guh want mi if mi tell her!

Most people when dem hear bout don dem feel like is a wicked man wah duh all manner of evil, but everybody anuh the same.

A Jamaica this still we have some things embedded ina we brain from we likkle and a grow.

I'm all for the bettering of the community and the people living in it, mi naah guh say we nuh have gun and we nuh kill people.

But the people dem wah we kill a people wah a try harm others.

Mi just affi tell Cia wah a gwan, any decision she make mi caah fight her.

_____________________________________

💭Thoughts?