رهان مقبوضه

الحلقه 28

هلو اسفه تأخرت عليكم بس جنت اكتبه كلت انزل بارت طويل الكم ..
..

..
اريد تفاعل قوي اذا وصل 300 تعليق باجر انزل بارتين هديه الكم ..

..
اكتبولي توقعاتكم شراح يصير بلايام الجايه ويه ضرار ورؤى ..

..
لاتنسون تعليق وتصويت وتعليق بين الفقرات اهم شي
..

متابعه ممتعه بناتي ♥️

فزيت الصبح على صوت سالي تحرك بيه بيدها وتحجي وكالت ..

...سالي ...رسل .رسل ولج اكعدي بسرعه شوفي شصار ..بسرعه كومي مخلصتها نوم كومي ..

.....
..كمت افرك بعيوني وكلتلها..
...رسل ..اهووو صبحت عليكم عوفيني نايمه فد شويه اكعد اقره لان عندي امتحان ..

..كعدت عالجربايه يمي وكالت ..
...سالي ..ولج كومي ثول لو تدرين شصار متنامين من الفرحه ..

...فتحت عيني وكلتلها..
...رسل ..شصار شبيج ..؟!

...حجت وهيه الضحكه تارسه حلگها وكالت..

...سالي ..خاله هاجر اتصلت بمامه وكالتلها ..باجر يجون عليج خطابه ههههههههه ..

...من سمعت شگالت ..كمت كعدت وبقيت اباوع عليها وكلتلها..

...رسل ..المن تخطبني ؟

...سالي ..ثول يعني المن غير لحاتم حبيب گلبج ههههه

.رجعت نمت وكلتلها.
..رسل ..سالي ..شايفه اذا طلع مقلب منج لو تضحكين عليه شسوي بيج اموتج والله ..

...سالي ..والقرآن مو مقلب تعاي اسألي مامه ..

...رسل ...گمت من الجربايه واني اباوع على سالي مااكدر اصدك كلامها عبالي تجذب عليه .. رحت لگيت مامه بالمطبخ تحضر ريوك وگفت يمها بدون مااحجي شي سألتها سالي وكالت ..

...سالي ..مامه مو قبل شويه خابرتج خاله هاجر لو لا ؟

...بقت مامه عينها عالميز تحضر ريوك وكالت..

...كفاح ..اي اتصلت بيه ..

..رسل .. هنه يحجن واني واگفه وساكته ماحجيت خفت اسأل وهم يطلع جذب أو تصير بيه خيبة أمل مثل كل مره باوعت مامه عليه وگالت ..

...كفاح ..حضري نفسج الي خطبج قبل فتره رح يرجع يخطبج مره ثانيه باجر ..

...بقيت منزله راسي واحجي وياهه وكلتلها ..
...رسل ..ها ..منو هوه ؟

...ابتسمت وكالت ..
...كفاح ..اممم تغشمين نفسج ..؟ حاتم .. باجر يجيب اهله ويجي ..

...گمت ابلع بريگي وكلتلها..
...رسل ..اني مااريد اتزوج اريد اكمل دراستي ..

...لزمت موبايلها وكالت ..
...كفاح ..ها خوش لعد رح اكوللهم لتجون البنيه رافضه الزواج هسه اتصل بيهم ..