تصويت وتعليق وتعليق بين الفقرات حبايبي اريدكم تتفاعلون ..
..
خلال الساعات القادمة رح انزل بارت ثاني تعويض الكم لان مقصره وياكم بس اريدكم توصلوني ٢٠٠ تعليق وانتضروا البارت الثاني انزله فد شويه
..
...................
رسل ..سمعت الحجي مالته وهزيت راسي موافقه على كلامه وفتحت الباب مال سياره ونزلت عفته وطبيت للبيت ...
...رسل ..طبيت للبيت عبالك مااشوف شي كدامي ولا اسمع صوت بس دموعي تصب وامشي بدون اي ردة فعل بقيت امشي لحد ماوصلت لغرفتي طبيت وقفلت الباب ..
...ذبيت الجنطه بالكاع ووكفت كدام المرايه اباوع على نفسي شفت انسانه كلش ضعيفه بذاك اليوم .. صافنه عالمرايه واحجي ويه نفسي ...
...رسل ...انتي منو. ؟ شبيج ليش هيج صاير بيج ؟
ليش تبجين شنو يعني وإذا اتزوج ؟ هوه من الاساس ماجان الج ولا انطاج وعد ولا أمل حتى ...
بعد ليش هالبجي هذه اعتبري نفسج ماعرفتي ولا حجيتي وياه ..
...رسل ..كعدت بالكاع وصرت ابجي وحاطه ايدي على حلگي خانگه صوتي لان ماريد احد يسمعني
...بقيت ابجي بقهر ووجع وحاطه ايدي على حلگي مر شريط حياتي كله كدامي وسألت نفسي ..
...رسل ..اني شنو عشت بحياتي... امي ماشفتها فتحت عيني عالدنيا لكيت ابويه متزوج واني عايشه يم مرت ابويه صح هيه ماقصرت وياي ابد بس محد يسد مكان الام لو مهما سوه
.. ومن دون الشباب كلها حبيت حاتم الي بعمره ماباوع عليه بنضره وحده ولا حتى حس بوجودي ..
. وابويه مات واني بعدني ماشبعانه منه .. حييييللل شكد حياتي صعبه وتقهر منو يتحمل هيج عيشه ..؟
...رسل ..بعدين صارت عندي لحظه إدراك ..صفنت على نفسي ..شبيه اني ليش هيج ضعيفه شدعوه هيج مكسوره ..كمت احجي ويه نفسي وامسح بدموعي ..
...رسل ..گومي كافي ضعف ودموع وبجي وشنو يعني وإذا اتزوج يطبه مرض ..ليش حاتم يكسرج بالعكس
..افرحي كدامه واضحكي واكشخي والبسي وخلي يراقبج من بعيد وخلي يشوف هوه عاف منو لخاطر منو گومي ولج كافي ضعف وبجي خليج قويه رسل گومي .
...رسل ..اي ..مراح ابجي بعد منا وهيج رح اصير رسل جديده والله مااخلي أحد يشفق عليه ويگول خطيه اني مو خطيه همه الخطيه ..
..............
...منقذ ..من يوم رجعة غمار من تركيا وموضوع زواجي من سالي اني اخذت اجازه من المستشفى بدون راتب وسافرت لإيران
كلت ازور الامام الرضا عليه السلام ..ردت ابتعد عن البيت وعن اهلي وعن الكل كلت اراجع نفسي وأشوف وين الغلط...
اني من جنت زغير اي تصرف اقوم بي او فعل معيين اوزنه بضميري وبالدين وأشوف الدين والشرع يقبل بي او يرفضه اذا يقبل بي اسوي وإذا يرفضه اتركه
أنت تقرأ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
