سلام عليكم اعتذر جدآ جدآ على التأخير والله لوما ضروف خارجه عن ارادتي ماكان تأخرت عليكم صدگوني اني اريد اختم الروايه اسرع منكم بس شسوي ضروفي متسمح ..
هذه بارت وعن قريب بارت ثاني ماانطي موعد حتى مااتفشل وياكم
.........
متابعه ممتعه ♥️
.............
.....رفيف...بقيت جامده بمكاني شنو يعني امي رفضت ليش عود شنو السبب ..
...طلعن النسوان من البيت واني بقيت واگفه اريد اعرف شكو شصار امي طلعت وراهن سلمت عليهن وطبت بقيت صافنه عليها منتضره منها جواب طبت للصاله كعدت وبقت ساكته زاد فضولي أكثر رحت كعدت كدامها وسألتها..
...رفيف...مامه شكو منو ذوله النسوان شنو تكوليلهم ماكو نصيب .
...باوعت عليه بنظره خفت منها حسيتها كاشفتني وتعرف بعلاقتي ويه معتصم وگالت .
...زحل ...اجوي عليج خطابه بس رفضتهم.
...رفيف...بقيت ساكته مثل بلاعة موس لا اكدر احجي واكوللها اني موافقه ولا اكدر اسكت رسمت ابتسامه مزيفه على وجهي وكلتلها...
...رفيف....ها عبالي اكو شي زين سويتي اني اصلا ممفكره بالزواج..
... حجيت وياهه وعفتها ورحت لغرفتي قفلت الباب وبقيت ابجي واحجي ويه نفسي..
...رفيف...يربي ليش كل مااحب شخص ميصير اليه هيج اني ماعندي حظ بالحب ليش يصير وياي هيج يعني معقوله رفضت معتصم ليش شناقصه شو ضابط واله مركزه وابن ناس وعالم شبي يعني حتى ترفضه .
...نمت على الجربايه وخلصتها بجي موبايلي يرن هواي اتصالات من معتصم حرگ التليفون واني ماارد آخر شي سويت الموبايل صامت ونمت ماكدرت احجي وياه شگول وشنو احجي واني مااعرف ليش مامه رفضته.
...غفيت من البجي والتعب بعدين فزيت على صوت صياح منقذ وامي اسمع صوتهم عالي بره باوعت للساعه ب5 ونص العصر گمت من فراشي وطلعت للصاله اريد اعرف شكو ليش يصيحون طبيت للصاله لگيت منقذ وغمار وامي ونوار كلهم كاعدين وصلت بنهاية الحديث مالهم سمعت امي تحجي ويه منقذ وتكول ..
...زحل...عليمن عصبي يمه ادري بايره بنتي وانطيها لهيج واحد لو ماعندي خبزه الها هسه يجي نصيبها وتروح ليش تقهر بنفسك وانت مريض .
رد بعصبيه وكال..
...منقذ...يمه الله يخليج لا تنطين احكام وفتاوي من راسج وإذا من غير طائفه شنو كافر شلون تقطعين بنصيب البنيه سألتيها أخذتي رأيها سألتيني اخذتي رأيي حتى بكيفج تتصرفين هيج ..؟
... ضاجت امي وكالتله..
...زحل...هسه صرت مو بكيفي غيربنتي واخاف عليها لعد ليش مو بكيفي لعد بكيف منو .
...منقذ...يمه بنتج مو طفله دكتوره ودارسه وواعيه وعمرها 28 سنه وتعرف تاخذ قرار وحدها وهيج قرار يخص حياتها الها ميصير تنطين جواب نهائي من كيفج والله شنو الولد من غير طائفه واحنه ساده وإذا احنه ساده شنو قابل هوه كافر غير هم مسلم ونفس الدين احنه يايمه
أنت تقرأ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
