اعتذر عن التاخير بسبب ضروف اتمنى اشوف تفاعلكم حتى استمر ورح يكون التنزيل يومي بلايام القادمه قراءه ممتعه ♥️
....
تنويه .. الاحداث السابقه جانت سالي تحجيها لرؤى يعني جانت ماضي وذكريات اليوم رح نرجع للحاضر وتستمر الروايه ..
معقوله الي ديصير بيه حوبتك لان متت وانته زعلان مني الله دياخذ حقك مني ؟
اووووف لو بس ترجع لو دقيقه وحده ارجع وخليني اعتذر منك اريدك تسامحني شلون شسوي حتى تسامحني غماااررر فدوه ارجع تعال زورني حتلو بحلم بس اريد دليل أو اشاره أنه انته مسامحني حتى اكدر اعيش حياتي براحه وضميري يرتاح يارب ساعدني دخيلك ..
..سالي ..مرت ايام حياتي عاديه اروح للدوام وارجع للبيت اخلص وقتي ويه متيم لو انضف البيت وعلاقتي بمنقذ سطحيه وكلما يحاول يحجي وياي اتهرب منه
لحد ماصرت اضوج منه بسبب ملحته الزايده عليه شكد احاول ابتعد عنه وهوه ولا يمه مسوي نفسه ميسمع ابد عنده امل أنه بيوم من الايام اكوم احبه واصير زوجته
.. واني مااكدر احبه ولا حتى افكر بي رغم غمار مات بس ماكدرت انساه ولا أطلعه من گلبي ولا دقيقه
المهم خلصت السنه الثانيه ماجستير وحضرت رسالتي وصار موعد المناقشه وتخرجت والباقي تعرفينه وهاي كل قصتي ياصديقتي ...
....نرجع للحاضر ...
...سالي ..جرت حسره رؤى وكالت ..
...رؤى ... اووووف ..الله يساعدج صدك الي صارلج موقليل .. اني لو بمكانج انتحر مرتين مو مره وحده بصراحه ...
....سالي ..ههههه هذه تحريض على الانتحار امممم احتمال ارجع اكررها لعد ..
....رؤى ...لا ولج موهيج قصدي لتفكرين بيها مره ثانيه انتي قويه ومثل ماعبرتي كل هاي الضروف الصعبه رح تكملين حياتج وبقوه أن شاء الله ..
...سالي ..عوفج من حياتي هسه احجيلي شلونج انتي وضرار ..شعجب سافر لتركيا شيسوي هناك ..؟
..رؤى ..ماكو شي يمعوده مسوين سفره هوه وجماعته وراح يغيير جو وياهم ..
...سالي ..لعد جان رحتي وياه شعجب راح ويه جماعته ..
...رؤى ..كلتله أخذني وياك گال المره الجايه هسه يريد يروح ويه جماعته..
...سالي ..باوعت للساعه جان اشوفها ب6 الصبح .. عزززه ولج رؤى شوفي الساعه بيش هاي احنه الليل كله كاعدين نسولف مانمنه ..
...رؤى...هههههه ولا حسيت بالوقت تدرين ؟
...سالي ..دنامي نامي هم زين ماعندي محاضرات هاي اليومين جان شلون اروح للكليه واني مانايمه ..؟
...رؤى ..رح انام ومن اكعد اطلع اروح لبيت اخويه ..
...سالي ..ليش ولج ابقي يمي موتكولين ضرار يبقه يومين بتركيا ..
أنت تقرأ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
