ياريتك يمي حته اكولك سامحني حبيبي ياريت لو يمي واكعد احجي وياك واشوف ضحكتك الحلوه ياحبيبي ..
...سالي .. بقيت حاطه صورة غمار بيدي اباوع عليها ودموعي تصب لحد ماغفيت وماادري بنفسي ...
....رؤى .. رجعت للبيت تعبانه حضرت العشه حته من يجي ضرار يكون كلشي جاهز وبدلت ملابسي ولبست احلى لبس وحطيت مكياج وعطر وفتحت شعري ورتبت الميز مال طعام وحطيت شموع لونها احمر بحيث صار المنضر رومانسي وكلش حلو .
. كملت كلشي وكعدت انتضر ضرار يوصل للبيت وكلساع اباوع للساعه ..
بقيت انتضر لحد ماغفيت من التعب ونمت عالميز .. فزيت على صوت فتحة الباب .
رفعت راسي وجان اشوف ضرار طب للبيت وهوه يمشي ويتمايل بالمشي مالته عرفت بي جاي سكران .
. حطيت ايدي على وجهي وجريت حسره قويه وكمت وكفت وكلتله ...
....رؤى ...هم جاي سكران ؟.. بس فهمني يايوم تجيني وانته بوعيك ادري شنو اني مااستحق احجي وياك وانته صاحي ليش هيج تسوي بيه فهمني ليش ..؟
...شمر السويچ مال سياره عالميز وباوع عليه بنضرة لا مبالاة وعافني وصعد للغرفه يمشي ويتعثر عالدرج
هوه وديصعد عثر بالدرج ووكع للكاع ركضت عليه وسندت جسمه عليه وصعدته للغرفه نومته على الجربايه وبدلت ملابسه وغطيته فتح عينه وباوع عليه وكال ..
....ضرار ... لشوكت رح تبقين تسنديني من اوكع وتغطين على مشاكلي وتصبرين على عيشتج وياي اكيد يجي يوم وتتعبين وتعوفيني حالج حال القبلج ..
...رؤى ..ردت احجي وياه انطاني ضهره ونام .
. عفته ونزلت جوه طفيت الشموع وعزلت الميز مال طعام وصعدت نمت بصفه وبقيت صافنه على وجهه ودموعي تارسه خدي .
.. اخخخ ياضرار شوكت تفهمني وتفهم أنه اني احبك وموضوع الاطفال ميهمني بكد ماانته تهمني ..
...رؤى .. فتحت عيني الصبح شفت ضرار بعده نايم كلش فرحت كلت اكوم احضرله الريوك قبل ميكعد ..
كمت سبحت وبدلت ملابسي وحطيت مكياج خفيف وعطر ونزلت جوه رتبت ميز الطعام وحضرت ريوك وسويت البيض بالطريقه الي يحبها ضرار ..
....طلعت للحديقه اخذت ورده حمره من الحديقه وصعدت لغرفتي حته اكعد ضرار طبيت للغرفه لكيته نايم على بطنه وغافي
. تقربت كعدت يمه وحطيت الورده يم وجهه وقربت نفسي منه وبسته بخده ومررت ايدي على شعره هوه حس بيه تحرك من مكانه وغير وضعية نومته رجع نام على ضهره وهم رجعت بسته مره ثانيه فتح عينه وباوع عليه ابتسمت وكتله ..
...رؤى ..صباح الخير حبيبي كوم يله حضرت الريوك وانته بدون عشه اكيد جوعان مو ؟
....دار وجهه للصفحه الثانيه وكال ..
....ضرار ..منو كالج بدون عشه يجوز متعشي يم وحده من صاحباتي ..
أنت تقرأ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
