Rent-A-Boyfriend

8 - Perfectly Together ✔

Pababa na ako ng hagdan para mag shower nang marinig kong may katawanan at kakwentuhan sina Papa at Mama. May bisita ba kami??

Pikit-lakad akong dumiretso sa lababo sa kusina para mag-toothbrush.

"GOOD MORNING PATEEPATOTEE!" 

O________O

Napamulat ako. Isang tao lang tumatawag sakin ng ganun! Napatulala ako. ANO NA NAMANG GINAGAWA NYA DITO?! Sa totoo lang para syang kabute! Hindi dapat Ekstrang Hero ang code name nya kundi Kabute Man!

"Oh nak, kumain at maligo ka na. May date pala kayo ng crush mo." si papa.

"Kanina ka pa nyang hinihintay ni Hero.. Ayaw ka naman ipagising.. Mahiya ka naman, bilisan mo ng kumilos." si mama.

WOW! NASA PARALLEL UNIVERSE BA KO?!? Hypnotize victims ba ni Ekstrang Hero ang mga magulang ko!?!

"Ang cute mo pala kapag bagong gising." sabi ni Ekstrang Hero na kagat-labing nagpipigil ng tawa!

Napahawak ako sa mukha ko. Pinunasan ko kagad yung nagkalat na bula ng toothpaste sa bibig ko. Pajamas pa ang suot ko. Di pa rin ako nakakapagsuklay, may morning star pa nga ata ako..

"Sorry naman!" Ano ba yan! Nakakahiya! >__<

Napapahilot na lang ako sa sentido habang nagsasandok ng sinangag.

Si Ekstrang Hero feel at home na nunuod ng TV. Nanunuod sila ng game show, iyong Agham Alam.

"Alin sa mga sumusunod ang blood sugar?"

"Glucose." sagot ni Ekstrang Hero kahit wala pang choices na binibigay.

"Ang galing mo Kuya Hero!" cheer sa kanya nung kambal. 

Aba! Ang galing ah. Nanghahaba pa yung leeg ko sa pakikiusyoso.

"What planet is named after the Roman God of the Underworld?"

"Pluto."

Nanlaki yung mga mata ko. Tama na naman yung sagot nya!

"Ano ang scientific name ng pusa?"

Medyo natagalan sumagot si Ekstrang Hero! Nako sigurado eto mahihirapan na sya, baka tsamba--

"Felis catus."

Muntikan ng lumabas sa bibig ko tong kinakain ko. Napanganga ko eh. Tumpak lahat ng mga sagot nya! Ang talino pala ni Ekstrang Hero kahit minsan asal unggoy sya.