قربت منها بخوف ونطقت : لاتقولين كذا الحمدلله انك بخير ورجعتي سالمه
راحيل بغصه : شفتهم مع بعض بنفس السرير وبـ وضع ما يرضي ربنا يـ عرينن
عرين عقدت حواجبها : شصار
راحيل ببكى : فواز ومزن
عرين بصدمه : تمزحيننن
راحيل : اخخخ بس
عرين باست راسها : اهدي يـ روحي انتِ
راحيل تنهدت بضيق : ما قلتِ لي مين تبرع لي
عرين بهدوء : بنت كانت ميته دماغيه وكان من الصعب انها ترجع لـ الحياه فـ اهلها تبرعو لك بقلبها
راحيل بضيق : الله يرحمها يارب
عرين بهمس : امين
راحيل ناظرت الشادن وهي نايمه : يـ عمري اكيد مانامت طول الليل
عرين : ايه يـ عمري عليها كانت خايفه عليك
راحيل ابتسمت بهدوء : يخليها لي يارب
عرين كشرت : وانا طيب
راحيل ضحكت : وانتِ بعد
دخلت امها و وراها ابوها قربت منها بخوف : حبيبه قلبي انتِ كيفك الحين
راحيل : بخير انا لاتخافين
ام راحيل : اكيد
راحيل ابتسمت : اكيد
ابوها ابتسم وباس راسها : الحمد الله على سلامتك
راحيل : الله يسلمك
امها بقهر : حسبي الله على من كان السبب
راحيل تنهدت : يمه حبيبتي خلاص
ابوها ناظرها : شصار بالضبط
راحيل بغصه : خاني قبل زواجنا بـ اسبوع يمهه بس اسبوعع ماقدر يصبرر
امها بصدمه : وششش
عرين بتوتر : خالتي اهدي شوي
فياض غمض عيونه بقهر : انا اوريه الواطيي
راحيل بسرعه : لا فياض اهدا الله يخليك لا تسوي له شي الله يخليك
فياض بقهر : خانك يـ راحيل خانك
راحيل نزلت دموعها بتوتر : فياض الله يخليك
فياض تنهد بحزن عليها : طيب بس انتِ لو ما اخذتي حقك منه يـ ويلك
راحيل : يصير خير بس اطلع
عرين ضمتها : حبيبتي انتِ
دخل ابو راحيل بعد ما طلع يكلم مكالمة : فياض الجده هوازن بكرا جايه وطلبت مني ارسل احد ينظف لهم البيت حقهم وياليت ترسل احد من عندك
فياض بهدوء : تمام
____
كان مسوي حفله ببيته وكلها بنات وعيال جلس بوسط البنات وهو يضحك : سلام
وحده من البنات تكلمت بغنج : بدر حبيبي
ابتسم ونطق : هلا حياتي
البنت( هاله ) : شفيك ملامحك تعبانه
بدر : مافيني شي لاتخافين
هاله حطت يدها على فخذه : اممم شرايك نطلع الغرفه فوق ونسولف على راحتنا شوي
بدر كان راح يتكلم بس قاطعه اتصال من جدته قام بسرعه وطلع برا البيت : هلا بست الحبايب
الجده ضحكت : هلابك
بدر : يـ عيوني
الجده ابتسمت بخجل : اقول عن الكلام الزايد وتعال عندي بسرعه ابيك ضروري
بدر بوهقه : ما ينفع بكرا
الجده : لا تعال الحين
بدر تنهد : تمام يـ قلبه دخل البيت وقرب من خويه : ولد تعال ابيك
خويه ناظره : شتبي
بدر : انا بطلع شوي انتبه على البيت
نياف ابتسم : ماعليك
_
بعد مرور وقت دخل بيت عمه ( ابو بتار ) وراح لـ غرفه جده ودخل وابتسم لمه شاف بتار وزهور قاعدين حولها " طبعا زهور عادي تكشف عليه لانه زي اخوها"
قرب من جدته وباسها على خدها : يزين ذا الوجه بس
الجده بخجل : ولد عيبب
بتار ضحك : شفيك خليتها تستحتي
بدر : يـ جعل محد يستحي غيرها ايه شبغيتي
الجده : بنروح القريه وابيك تجي معها
بدر ناظرها بصدمه : وشش
زهور بترجي : يلا الله يخليك تعال بنقعد فيها طول الاجازه وبنقول لـ جياد يجي بعد
الجده بحزم : مابيك ترفض راح تجي فاهم
بدر تنهد وناظر زهور اللي تناظر نظرات ترجي : امري على الله متى رايحين
الجده ابتسمت : بعد يومين
بدر : زين يمدي اجهز نفسي وقام يلا بروح انا
بتار فز وراه : تعال ابيك بكلمه راس
بدر باستغراب : طيب
دخل وراه لـ غرفته : شصاير
بتار مد له ظرف : شوف
بدر : وش ذا
بتار : افتحه
بدر فتح الظرف وسرعان ما توسعت عيونه من اللي شافه داخل الظرف
________
ناظرته بملل وتاففت : ترا طفشت
رفع راسه لها وابتسم : مابغيتي احد يقعد عندك والبنات راحو يجيبون لك كم غرض شتبين
راحيل بزعل : بطلع
فياض : اسف باقي اسبوع بعد
وسعت عيونها بصدمه : تستهبلل صححح
فياض : لا
راحيل : راح اموت من الطفش ترا
فياض بحده : اعقلي يـ بنت
راحيل : ابي جوال طيب وجعع جوالي طاح وخرب بسببهم يعع
فياض وكانه تذكر سحب الكيس اللي تحت سريرها ومده لها : تفضلي
راحيل باستغراب : وش
فياض : خذي وشوفي
فتحت الكيس و ابتسمت بفرح لـ شافت جوال جديد والجوال اللي كان ودها فيه من زمان : من وين جبته لانه مو موجود في القريهه
فياض ابتسم ونطق : تذكرين لمه رحت المدينه جبته لك على اساس يكون هديه زواجك بس صار اللي صار
راحيل ابتسمت بفرحح ودمعت عينها : يالله يالله فياض شكرا مرهه شكرا
ابتسم ونطق بهدوء : تستاهلين اكثر انتِ
راحيل بحب : يالله ماتعرف شكثر فرحت فيه
فياض عقد حواجبه وضحك : جايبه عشان تزعلين اجل مجنونه
راحيل ابتسمت : صح ربي ما عطاني اخ بس عوضني فيك الحمدلله
فياض ابتسم على كلامها : وزينها اللي تحب اخوها
راحيل ضحكت : لاتعاملني كاني بزر
فياض : انتِ كذا طيب
راحيل وسعت عيونها بضحكه : اناا بزرر
فياض : نمزح نمزح خلاص
_
رفعت نظرها و ابتسمت بخبث واضح على ملامحها ونطقت : اخيرا قدرت ادمرها اخيرا شفت الحزن بعيونها قلت لكم فرحتها ماراح تدوم لـ وقت طويل وكل ما راح تفرح راح اهدم فرحتها راح اخلي حياتها خراب بهدم كلشي حلو بـ حياتها
تنهد بضيق وهو ينطق : مزن اهجدي خلاص يكفي خليتني اروح اخطبها واخليها تشوف الخيانه
مزن بقهر : كانك زعلان عليها
فواز : ايه تعرفين لو فياض عرف وش بيسوي فيني.
أنت تقرأ
انتِ لو تمشين على التراب تنبت الدنيا ورا ظهرك زهور
General Fictionتـدور احداث روايتي حـول شـاب اخـتـطـف الـقـدر مـنـه خـطـيـبـتـه وفـتـاة يـخـونـها خـطـيـبـها قـبـل زفافها بـ اسـبوع فـهـل يـمـكّـن لـحّـب جـديـد يـولـد بـيـنـهـمـا صـدفـه أن يـداوي جـراهـمـا ام أن الـذكـريـات المـاضي سـتتـغلّب وتـبـقـى قـابعـه فـي ا...
