انتِ لو تمشين على التراب تنبت الدنيا ورا ظهرك زهور

الفصل الـ 50

ركب سيارته بعد مع جمع شتاته ولف عليها وتغصب الابتسامه : نروح لـ عذوبه شوي
نوف ابتسمت : يلا اصلا مشتاقه لهم انا
بعد مرور وقت وقف قدام بيتهم واستغربت من شافت معن واقف قدام سيارته ويدخن ، معن اول ما شافها جايه له رمى الدخان وقرب منها : اهلا
نوف بلطف : تنتظر ليث صح
معن ابتسم : لا انتظرك
الفيصل القئ السلام ومشى لـ الداخل ، عقدت حواجبها : شفيه ذا صاير غريب اليوم
معن تنهد : عادي نقعد بالحديقه شوي
نوف : يلا
معن مسك يدينها ونطق بتردد : نوف وش كثر تحبين ليث
نوف ابتسمت باستغراب : وش سؤالك الغريب ذا
معن هز اكتافه : بس بعرف
نوف صغرت عيونها : اخاف اقولك وتغار منه
معن ضحك : ما اغار من اخوي الوحيد
نوف تنهدت : اشتقت له مرهه شغله بس يسرقه مننا
معن بلع ريقه ونطق بصعوبه : تعرفين ليث شغله خاص ومهمات وكذا صح
دب الخوف بقلبها من نبرته : ايه
معن بهدوء : امس نزل مهمه بالسر وتصاوب برصاصتين
وقفت بذهول من كلامه : شقاعد تقول انت
معن بخوف عليها : نوف افهميني
نوف نزلت دموعها ونطقت بغصه : وينه طيب كيفه بروح اشوفه اكيد يحتاجني
معن قرب منها وضمها لـ صدره بس عقد حواجبه اول ما شاف عذوبه طالعه وخلفها الفيصل وملامحها جدا طبيعيه وهنا اكد ان الفيصل ما قالها شي شد على نوف ونطق : امسحي دموعك عذوبه وراك
لفت عليها و تغصبت الابتسامه : عذوبتي
عذوبه : شفيك تبكين
نوف هزت راسها بالنفي : لا بس شفت اخوي تاثرت
عذوبه بطفش : الفيصل اصر اننا نروح المستشفى نكشف على البيبي تعالي معنا
نوف ناظرت الفيصل ونطقت بهدوء : اكيد بجي بس انتِ روحي مع اخوك وانا بجي مع اخوي تمام
عذوبه باستغراب : طيب وطلعت
الفيصل تنهد : ماقدرت اقولها شي وطلع وراها
معن مسك يدها : يلا
نوف بغصه : قول انه بخير تكفى
معن بكذب : بخير لا تخافين
...

كانت تناظر الفراغ بعجز تحس اللم هشم عظامها حطت يدها مكان الجرح العميق طعنها اكثر من طعنه بس اللي ببطنها كان عميق جدا تنهدت بالم وحاولت الجلوس بس قاطعه دخوله : وش تسوين يـ مجنونهه
روينا : بعد عني
جسار رفع حاجبه : مو وقت العناد
روينا دفته : مسكت ابوي خلاص ابعد عني واذا مصيري السجن خذني له وريحني منك
حز بخاطره كلامها معقوله معد صارت تبيه او تحتمي فيه
نزلت راسها ونطقت بضعف : قلت لك انه راح يذبحني بس ما صدقت اجبرتني ادخل عنده ليتني مت ولا عشت بوجع كل الناس صارت تعرف اني بنت واحد مجرم ما يخاف ربه واحد مايفرق بين الحلال والحرام قولي ارتحت الحين
كان يناظرها بصمت ولا نطق اي كلمه
ابتسمت بوجع : تتوقع اني بعيش سعيده لا طبعا
كان بيتكلم بس قاطعه دخول ردين : سلام يـ حلوه
روينا : وعليكم السلام
ردين ابتسمت بمكر : انا اصير بنت عم جسار وعلى حظي الممرضه الخاصه فيك لا تخافين بهتم فيك احسن اهتمام
روينا عقدت حواجبها : بس انا اعرف بنات عمه كلهم ولا مرهه شفتك بينهم
ردين ناظرت جسار اللي يناظرها بخفوت : كنت مسافره
روينا ابتسمت جاهله عن نيه ردين : اها
جسار : تواها بخير ميحتاح تكشفين عليها
ردين رمقته وطلعت ، نطقت باستغراب : شفيك على البنت
جسار ببرود : مو شغلك
روينا حست بالم وحطت يدها على بطنها : اهه
فز وقرب منها ونطق بحده : عدلي جلستك شفيك قاعده كذا الجرح ينفك بعدين
روينا عضت شفايفها ونطقت بهمس : مرهه يهمك وجعي
جسار رفع حاجبه : مو وقته
روينا دفته : متى وقته اجل
...