وكر ابليس

الفصل الثالث

معليش على التاخير كان عليا امتحانات هعوضكوا الفتره دي ان شاء الله💜

الثالث
دخلت مليكة احد الغرف الفارغه لتجهيزها للارا صديقتها منذ الطفوله فبدأت في تنظيفها و ترتيبها وهيا تستمع الى تحد المهرجانات الشعبيه (انا جدع)
مليكة وهيا تنظف وتهتز مع الاغنيه:انا جدع ايوا انا جدع في مره حد مني اتوجع
دخلت فرح وغنت معها :لا لساني نطق بكلمه ورجع
مليكة وهيا تكمل:واللي يقول غير كدا كدااااب
ضحكوا الفتاتان ثم قالت مليكة بحنق :بت انتي ما تتنيلي تساعديني شويه انا ظهري اتقطم
فرح بكبرياء وغرور مصطنع: مش عايزه اوسخ ايدي بالقرف دا اما اروح اعمل منكير وبدكير
وكادت تذهب الا ان عصا المكنسه وقفتها :اااههههه ايه يا مليكة العنف دا
مليكة بغيض:احسن عشان تتنكي ويلا غوري جيبي القماشه دي وامسحي
فرح بحنق: انتي عنيفه اوي ليه كدا
مليكة :لو مش عاجبك لوحي بلغي عني حقوق الحيوان
فرح :حيوان يا حيوانه ماشي اما وريتك
مليكة بضحك:لو مش عاجبك طلقيني يختي وانا اروح عند امي
وعند هذه النقطه تذكرت مليكة والدتها المتوفيه وحزنت وكادت عبراتها تنهار ولكن تماسكت واخفتها خلف ابتسامتها المعتاده:يلا نخلص قبل ما لارا تيجي
لاحظت فرح هذا وحزنت لصديقتها فهي تعاني حقا لتنسى الحزن وتحاول اخفاؤها فقالت بمزاح لجعلها تنسى: الاوضه دي عجباني شكلي انا اللي هاخدها
مليكة بدردحة:نعععم يااختي بعد ما تعبت فيها عشان لارا تاخدي انتي والله لتنظفي معايا وهتبقى للارا
انتهت الفتايات من ترتيب الغرفه بل والمنزل باكمله على حلول الليل

وصلت لارا الى منزل صديقاتها التي اشتاقت لهم ف لم تراهم منذ عامين طرقت على الباب لتفتح لها مليكة التي قفزت من الفرحة فور رؤيتها
مليكة بفرحة وهي تحتضن لارا:عاااااا لارا وحشتيني اوي
لارا بضحك على صديقتها وهي تبادلها العناق:انتي كمان وحشتيني اوي يا ملوكتي
لتأتي فرح على اصواتهم لتتجه بسرعة وهي تبعد مليكة وتحتضن لارا
فرح بسعادة:وحشتيني اوي يا لارا
لارا بفرحة:انتي اكتر يا فرح لتبتعد عنها وتردف بفرحة:عاملين ايه يا بنات وحشتوني اوي
مليكة وهي تمسك بيدها ويدخلا للمنزل ومعهم فرح:احنا كويسين انتي عاملة ايه ايه الحلاوة دي بقيتي مزة يا بت
لارا بضحك:متغيرتيش يا مليكة لسه زي مانتي
فرح بعدما جلسو:احكيلنا بقا عملتي ايه الفترة اللي فاتت دي
لارا بلامبلاه:ولا حاجة كنت قعدة في البيت مش بخرج غير فين وفين
مليكة بفرحة:المهم بقا انك بقيتي معانا عشان نهيص
فرح بضحك:ايوا هنخرب الدنيا
لارا:اييه احنا عايزين نذاكر عشان نجيب مجموع حلو
مليكة:ماحنا هنذاكر وهنتبسط بردو
فرح:يلا قومي غيري على ما اطلب اكل ونتفرج على فيلم
مليكة:ايوا يلا السهرة للصبح
قامت مليكة وجهت لارا لغرفتها وفرح طلبت الطعام وجلسوا يتناولون الطعام في جو من المرح
لارا:يلا ننام بقا عشان المدرسة الصبح
مليكة وهي تمسك يدها:اقعدي يحبيبتي بكرا اجازة
لارا وهي تجلس:طب كويس عشان ارتاح
فرح بضحك:عايزين بقا نشوف فيلم رعب كدا ونفرفش
مليكة وهي تضربها بخفة:رعب ونفرفش ازاي
لارا بضحك:خلاص بقا هاتو اي حاجة نشوفها
نظرت مليكة لهم بابتسامه خبيثه فنظرت لها لارا واردفت بخوف:الضحكة دي بتخوفني طول عمري
ثم امسكتها من ملابسها:ناويه على ايه يا بت
ابعدتها مليكة واردفت ومازلت تبتسلم بخبث:بس حاسبي الشجيدا يا اخت هتعرفي اهو
ثم ذهبت الى غرفتها وعاده لهم وذهبت الى التلفاز وادخلت به فلاشه صغيره من اللون الاحمر وكل هذا والفتاتان يتابعانها باستغراب ثم عاده مليكة وجلست في المنتصف بينهم ومسكت جهاز التحكم
مليكة بخبث:جاهزين
فرح باستغراب:استني يا امي جاهزين لايه هو فيه ايه
لارا بخوف:بت انتي بداتي تخوفيني
ضحكت مليكة بخفوت ثم شغلت التلفاز وبدأ بعرض شاشه سوداء والفتاتان يتابعان باستغراب الى ان اشتغل وانصدموا مما يروه ومليكة تضحك عليهم ثم تحولت صدمتهم الى ضحكات صاخبه
كان التلفاز يعرض فيديو لهم وهم صغار و هم معلقين احد اولاد القريه الذين يسكنون فيها على شجره كبيره ويضحكون عليه
فرح بضحك:فاكرين الواد دا دا كان رخم اوي ودايما يضايقنا
لارا بضحك هيا الاخره وكلام متقطع:كان ....د..دايما ....بياخد المصاصات.....ب ...بتاعتنا لما نشتريها هههههه
مليكة بضحك : فاكرين عملنا فيه ايه تاني هو واصحابه الرخمين
فرح بضحك اشد: مشناهم حفين في الشارع كله وضحكنا عليهم العيال
لارا :يستاهلوا عشان يبطلوا يدايقونا
مليكة وهيا تغير الفيديو الى فيديو اخر: عندي ليكم فيديوها احلى يا حبيبي استنوا هتشوفوا
ثم قلبت لبعض الفيديوهات والصور لهم وهم صغار وقضوا الليل كله يضحكون ويمرحون الى ان قطع ضحاتهم صوت رنين هاتف
مليكة :يووه مين الرخم ابن الرخمه اللي قطع علينا الضحك
نظرت فرح لهاتفها :الرخم دا يبقا اخويا يختي
مليكة بلامبالاه:طب واعمل ايه رخم برضوا
ضحكت فرح ثم اجابت بمرح على الهاتف:ايوا يا امير يا اخويا يا حبيبي عامل ايه جبتلي الباربي صح صح
امير بضحك على اخته:يخربيت جنونك بدل ما تسالي وصلت بالسلامه ولا حتى وصلت ولا لسه ....ثم تحدث بجديه مزيفه :على العموم وصلت
ثم تابع بمرح:ايوا جبتلك باربي زي ما طلبتي يختي بس سؤال بس هيا العروسه شعرها محروق ولا هيا كدا
ضحكت عليه فرح وتحدثت بمرح:متتكلمش عن عروستي يا باف فاهم دي احسن منك
امير بضحك على اخته المجنونه: انا باف ماشي على العموم هاجيلك بكرا الصبح اعدي عليكي اسلم عليكي عشان هسافر تاني بعده عشان شغل اوك
فرح بحزن:مش هلحق اقعد معاك يا امير زي كل مره
امير بحزن هو الاخر:متزعليش يا حبيبتي هاخد بعدها اجازه اتفقنا
فرح :اوك هستناك ماشي
امير :ماشي يلا سلام
فرح:سلام يابا الحج
اغلقت الخط ثم نظرت الى صديقاتها لم تجدهم بجانبها فرفعت حاجبها باستغراب لكن لم تهتم فاعتقد انهم ذهبوا للنوم فاتجهت الى غرفتها لتنام هيا الاخرى وقبل دلوفها الى الغرفه تفاجاه بالانقطاع النور فتفاجأه واول شخص خطر على بالها مليكة فهيا لديها فوبيا من الظلام فبدأت تنادي عليها بصوت عالي:مليكة انتي فين يا بنتي ردي انتي فين
سمعت صوت تنفس سريع و خوف عند صندوق الكهرباء الموجود في المطبخ فاتجهت اليه سريعا :ميلكة انتي هنا
مليكة بخوف وبكاء: افتحوا النور مش عايزه اعمل مقلب افتحوه بالله
اتجهت اليها فرح سريعا فوجدت لارا بجانبها وتحاول تهداتها لم تراها بسبب الظلام:لارا هو في ايه ومقلب ايه
لارا :كنا هنعمل بيكي مقلب بس مكنتش اعرف ان مليكة بتخاف من الظلمه اوي افتحي كبس النور بسرعه
فتحت فرح النور فاضيء المكان ثم عادت لمليكة الجالسه على الارض تضم نفسها وتبكي بهستيريه :اهي يا مليكة خلاص النور رجع متخفيش يا حبيبتي
مليكة بخوف وببكاء:هو كان هنا انا عارفه هو هنا بيجي في الظلمه بيستغل الظلمه دي
لارا باستغراب:هو مين
فرح :معرفش بس هيا كدا من فتره طويله من ساعه ما جت القاهره وهيا اول ما النور يقفل تقول كدا وتعيط ومش عايزه تقول لحد او تفتكر حتى
بدات لارا بمساعه مليكة بالوقوف مع فرح ثم اخدوها الى غرفتها واجلسوها على السرير ووضعوا الغطاء عليها
لارا باطمئنان:اهدي يا مليكة مفيش حاجة والنور اهو
مليكة وقد هدات بطريقه مفاجأه:خلاص مفيش حاجة روحوا ناموا انتوا
نظرت لارا باستغراب وصدمه من مليكة وهدوأها المفاجئ  فغمزت فرح لها بان لا تتكلم
فرح :يلا نروح احنا يا لارا ومليكة نامي وارتاحي انتي يروحي متخفيش
ثم اخدت بيد صديقتها وخرجوا من الغرفه واتجهوا الى غرفه فرح
لارا :انا اول مره اشوف مليكة كدا ومين اللي بتتكلم عنه دا وازاي هددت كدا انا مش فاهمه
فرح بتنهيده:محدش فاهم حاجة خالص ولا هيا راضيه تقول حاجة
لارا وهيا ما زالت باستغرابها لكن اردفت:المهم انا هروح انام بقا تصبحي على خير
فرح:وانتي من اهله
ذهبت لارا لغرفتها واستلقت على السرير وذهبت في نوم عميق بعد التفكير في حاله صديقتها
اما فرح فيا ظلت تفكر لوقت طويل ولديها بعض الشكوك حول شخص معين قد يكون السبب في حاله صديقتها لكن لم تبالي وذهبت في نوم عميق
.........
في مكان اخر حيث الظلام والاكتأب
ابليس :اخيرا جيه الوقت اللي هاخد حقي منك يا فؤاد الكلب واعرف الناس قذارتك واولهم ابنك اللي ميعرفش عنك حاجة
ابتسم ابليس بجنون:وهتبدأ الخطه من بكرا
.............
وجاء الصباح على الجميع
استيقظت مليكة من نومها وقامت بروتينها ثم خرجت الى الصاله ونظرت حولها وعلمت بان صديقاتها لا يزالوا نائمات فردفت بانزعاج وهيا تنظر للمكان:ايه الزفت اللي قاعدين فيه دا ليكون قاعدين في زريبه حيوانات وانا معرفش افف
عادت مليكة لغرفتها ثم خرجت وهيا ترتدي احد الجلاليب الواسعه وتربطها من الجانب وتربط رأسها بطرحة وكان شكلها مضحك ولكن لطيفه بهذا الزي شغلت على هاتفها احد المهرجانات الشعبيه وبدأت بتنظيف الصاله وهيا تغني: ايه ده يا افيونه ...مين المتهمه المجنونه ...اللي خدت قلبك من جسدك ....وبقتلوا الرااااعييييي....دي العشق الغايب.....دي يا كروان تبقا ام عيالي....ديما وتملي على بالي....دي العشق بتااااااعيييي ....الله عليكي يا ملوكة وعلى صوتك
استمرت في التنظيف لفتره لكن اوقفها صوت طرق على الباب فاغلقت الهاتف وذهبت لتفتح الباب:جايه جايه يا اللي على الباب
فتحت الباب لتقف بصدمه لثواني لكن قطع صمتها ضحكة من القابع امامها
امير بضحك شديد:انتي مين يا بت انتي ....وايه المنظر ده
مليكة :هه استظرف يا عم امير ما اختك طالعه لمين مثلا يا ظريف
امير وبعد ان توقف عن الضحك:ازيك يا مليكة عامله ايه
مليكة:كويسه حمد لله على السلامه يا ريس فينك كدا
ضحك امير عليها:مسافر يا ستي ثم تابع بضحك:متغيرتيش يا بنتي ازعه زي ما انتي
مليكة :انت اللي عمود نور اصلا
امير بضحك :لا انتي اللي ازعه وبعدين ايه اللي انتي لابساه دا يا بت انتي
نظرت مليكة لمالبسها ثم نظرت له بخجل قليل لكن غطته بمرحها:كنت بنظف الزريبه اللي في البيت اللي تحس ان اللي قاعد فيه مش بني ادمين المهم ادخل لين ما اصحيلك البت فرح
ثم اتجهت الى غرفه فرح بصراخ:فرررح يا بت ياا فرح اصحي يا كلبه البرك اصحي يا زفته اخوكي جيه
ثم دلفت الى غرفتها لتيقظها
اما امير ظل يضحك على تلك المجنونه التي لم تتغير من صغرهم ثم دخل وجلس في الصاله ينتظر اخته الصغيره
انتظر لدقائق لا يعلم عددها الى ان خرجت اخته ومليكة تمسكها مثل المجرمين من ملابسها :بت فوقي كدا وروحي شوفي اخوكي دا اللي بره
فرح بضيق:اف يا مليكة بطلي عايزه اتخمد
ثم نظرت للذي يجلس يضحك عليهم واردفت بفرح وركض له:اميييييييييير اخيرا وحشتني اوي ...ثم احتضنته فضحك عليها امير واحتضنها هو الاخر :وانتي كمان يا فروحه وحشتيني
وكانت مليكة تنظر لهم من بعيد وقد تذكرت اخيها فلقد اشتاقت له حقا ثم ذهبت لغرفتها لتغير ملابسها والنذاكره قليلا اما عند فرح
فرح بفرحه:وحشتني اوي عامل ايه
امير :كويس دام شفتك
فرح بغمزه:امال مالك بقيت مز كدا ليه شكلك هتتجوز قريب ومقلتليش
ضحك امير على اخته ثم اردف:اتجوز ايه يا بت انا فاضي للجواز والهبل دا
ثم تابع بغرور مصطنع:انا مز من يومي يختي
فرح بغرور هيا الاخره:طالع لاختك يخويا
ضحكوا الاتنين ثم ارف اميربجديه:انا هسافر بكرا وممكن اتاخر شويه عشان الشغل كتير
فرح بحزن:ترجع بالسلامه
امير وهو يحاول ان ينسيها:شفتي بقا جبتلك الباربي اللي عايزاها يا طفله
فرح بضحك وفرحة :اخيرا حنيت عليا يا اخ هات اشوفها
وبدأت بفتح اللعبه
اما عند لارا استيقظت من النوم وذهبت لتفعل روتينها ثم خرجت لتفطر عند خروجها رات فرح مع اخاها فحدثت بلامبالاه: صباح الخير يا جدعان بت يا فرح مفيش فطار في البيت دا
ضحكت فرح هيا وامير على تلك التي لا تبالي دائما
امير :حتى مسلمتيش عليا
لارا :اهلا يا سيدي ما انت مش غريب يعني على العموم حمد الله عبى السلامه هاا فين الفطار يا بنتي عايزه اروح اذاكر
فرح بملل من صديقتها :روحي كلي اي حاجة من التلاجة
لارا:شكرا بجد كنت هروح اكل من الدولاب امشي يا زفته
ثم ذهبت للمطبخ لتبحث عن طعام
اما عند مليكة غيرت ملابسها لاخره بلوزه بيضاء بكم زادتها جمال على جمالها و بنطال جينز فاتح