وكر ابليس

الفصل الحادي عشر

اللهم صلي وسلم وبارك على اشرف الخلق اجمعين عليه افضل الصلاه والسلام ✨
قبل ما نبدأ انا بعتذر عن التاخير بس انا في ثانويه واغلب الوقت مشغوله فلما بفضا بكتب وبنزل فاعذروني
واعتذر كمان عن الاخطاء الاملائيه
بحاول اطور من كتاباتي وسردي للروايات
لوحابين الروايه ومستمتعين بيها للوقتي ادعموني عشان استمر وانزل ليكم روايات اكتر
اعتذر على الاطاله
Enjoy 🤍
كانت تجلس على السرير تبكي بانهيار لما يحدث في حياتها لكن شعرت بضيق غريب في قلبها اخر مره شعرت به عند موت والدتها
زاد بكاؤها عند تلك الذكره وبدأت تدعوا ربها الى ان سمعت صوت باب المنزل يطرق فحاولت فتح باب الغرفه لكن لا يفتح فكرت قليلا ثم اتجهت الى الشرفه وبدأت بالنداء
مليكة بصوت عالي:اللي بتخبط هنااا انا اهووو
اما الذي عند الباب سمع صوتها واتجهه الى مكان الصوت
مليكة بصوت عالي ليسمعها:معليش مقدرتش افتح الباب مقفول عليا
...:حضرتك انا محتاجك في حاجة مهمه اوي تخص امير باشا
مليكة بتفكير:طيب استنا
ثم دلفت للغرفه تفكر بشيء ثم تذكرت انها قد اخذت نسخه مفتاح المنزل فبحثت في جيوبها الى ان وجدته فحمدت ربها وذهبت للشرفه
مليكة:انا هحدفلك المفتاح افتح وادخل واطلع اعتقد هتلاقي المفتاح بتاع الاوضه في الباب افتحه لو سمحت
ثم القت بالمفاتيح له فاخذه
دخل المنزل وصعد وبدأ بالبحث عن تلك الغرفه الى ان وجدها وفتحها
.....:مدام مليكة صح
مليكة:ايوا ايه الحاجة المهمه
ذاك الشخص بتوتر:بصي حضرتك كل حاجة بايد ربنا مش عايزك تقلقي
مليكة بقلق:في ايه
...:امير باشا عمل حادثه وهو حاليا في العمليات
سقط عليها الخبر مثل دلو من الماء لبارد مما ادا الى صدمتها
مليكة :ا..ا..ايه
....:انا ابقا الحارس الشخصي لامير بيه وكنت اخر حد كلمه فلما حصلت الحادثه حد اتصل على اخر رقم وقالي اللي حصل
مليكة من الصدمه طارت الكلمات من راسها
الحارس:عارف ان الموضوع صدمه على حضرتك .....انا جيت اخد حضرتك واوديكي هناك ...حضرتك امانه امير باشا
مليكة بضوت مرتجف ودموع تهطل بانهيار:وديني ليه
ذهبت مع الحارس للمشفى التي هو بها ولكنه لا يزال في غرفه العمليات ضلت في الخارج تبكي وتدعي ان يخرج بسلام

Malika:
كنت حاسه بشعور غريب اول مره احس بيه حاسه ان قلبي هيقف من الخوف فكره انه بين الحياه والموت رعباني مش فاهمه ليه
حسيت ان روحي بتتسحب مني
شعور غريب اوي بحسه لاول مره
دموعي مش راضيه تقف
يارب قومه بالسلامه ...ياارب
...............
بعد وقت مجهول لكنه طويله خرج الطبيب من عند امير وهو مرهق
ذهبت له مليكة وقدماها لا تحملانها
مليكة بدموع:هو كويس صح محصلوش حاجة
الدكتور: اتخبط في راسه جامد مما ادا لنزيف بس الحمد لله لحقناه بس...
مليكة بخوف:بس ايه
الدكتور:ممكن الخبطه يكون ليها مضاعفات
مليكة :زي ايه
الدكتور :لما يصحى هنعرف...هيتنقل الوقتي للاوضه
مليكة: يعني اقدر ادخله
الدكتور:للاسف مينفعش حد يدخله لين ما يصحى
مليكة ببكاء:ارجوك هدخل اتطمن عليه ...انا ..انا مراته
الدكتور:تمام بس متطوليش وممنوع حد يدخل غيرك
ثم ذهب الطبيب اما امير فاخرجوه وذهبوا به لغرفه ودخلت له مليكة وجلست مليكة بجانبه
مليكة بدموع لما حل به وشكله
حيث كان راسه عليها ضمادات و يده ايضا
:مش عارفه حصلك كدا ازاي بس انا حاسه اني السبب انا اسفه ...قوم ومعتش هخرج تاني من غير اذنك ولا من غيرك .....انا مش عارفه خايفه عليك اوي ليه مع انك خاطفني ....انا حاسه بخوف مخفتهوش الا لما كانت ماما بتموت .....ارجوك متعملش زيها وتسبني.....ثم امسكت بيده .......فاكر لما كنا صغيرين انا وانت و فرح ولارا كنا بنعمل ايه....كنا مش بنسيب مكان الا وعملين مصيبه فيه...ابتسمت وهيا تمسح دموعها....فاكر لما كنا بنقف في البلكونه بتاعت بيتكم و نرش ميه على الناس وكان باباك يجي يدخلنا.....بس كان بيضربك انت بس ويزعقلك انت بس معرفش ليه.....كنت طفل صغير وبريء معرفش ايه اللي حصلك وبقيت كدا بس هعرف مع الوقت.....قوم عشان فرح ومامتك قوم عشاني .....امير انت اتجوزتني غضب عني و مش عايز ترجعني لاهلي بس انا خايفه عليك فقوم بقا
ظلت بجواره الى ان غفت على الكرسي وهيا ممسكه بيده
...............
في صباح اليوم الثاني
استيقض امير على الم شديد في راسه وبدأ النظر حوله ثم نظر على تلك التي نائمه على يده فعقد حاجبيه مستغربا
بدأ بهزها الى ان استيقظت و نظرت له ثم قالت بلهفه:امير انت كويس حاسس باي وجع
امير باستغراب:انا كويس بس انتي مين
مليكة بصدمه: امير انا مليكة
امير:مليكة مين وانا مين اصلا
مليكة بصدمه اكبر:ا..انت مين ازاي لا لحظه اروح اشوف الدكتور
ثم خرجت من الغرفه وذهبت واحضرت الطبيب ثم عادت
مليكة:دكتور هو مش فاكر هو مين وانا مين
ذهب الطبيب لامير وبدأ بالكشف عليه ثم سأله
الطبيب:امير باشا حضرتك مش فاكر اي حاجة
امير:لا
الطبيب:ولا اسم حضرتك
امير:ولا اسمي
الطبيب لمليكة:مدام مليكة قلت لحضرتك ان في مضاعفات ممكن تحصل فدي من الضاعفات ....استاذ امير جاله فقدان ذاكره موأقت
مليكة بصدمه:بجد
الطبيب:ايوا ....هو موأقت يعني ذاكرته ممكن ترجع في اي وقت فمتقلقيش بس حضرتك ممكن تساعديه بانك توريه صور و ذكريات قديمه حصلت دا هيساعد على تذكره بسرعه وممكن نبعد عن اي ذكره وحشه عشان ميضاعفش حالته
مليكة :تمام شكرا يا دكتور
خرج الطبيب من الغرفه فاتجهت مليكة الى امير وجلست بجواره على الكرسي
مليكة:حاسس باي وجع
اشار امير براسه بلا
مليكة :كويس
امير :طيب ممكن اعرف مين حضرتك يا انسه وانا مين وليه مش فاكر حاجة
مليكة وهيا تكاد تبكي على حاله :انت مين فانت امير اسمك امير تبقا اخو صحبتي واختك اسمها فرح و عندك شركه بس شركه ايه بالظبط معرفش عشان مقلتليش  كل اللي اعرفه انك بتسافر كتير بسبب الشغل ....اما انا مين فاناا ...انا مليكة مراتك
امير باستغراب:مراتي ...باين عليكي صغيره
مليكة بدموع تحاول اخفاؤها بسبب الذي حدث:احنا لسه متجوزين من مفيش و انا عندي18 وانت اصريت تتجوزي بقا اعمل ايه
ضحك امير ثم قال بمزاح :شكل حياتي فيها  اكشن كتير
حاولت مليكة جعل الجو مرحا:امال يا اخي دا انت كل يومين في بلد و كل ما تيجي مصر تقعد يومين وتسافر دا انا اشك ان المره الجايه اختك مش هتعرفك
ضحك امير فامسك راسه بسبب الالم
مليكة بقلق :انت كويس
امير بالم خفيف:ايوا بس وجع بسيط....طيب هو فين مامتي و اختي ...وهو بابايا عايش ولا ميت اصلك مذكرتهوش خالص
مليكة بحزن :باباك ميت من زمان
امير وهو لا يدري لما ليس حزين:الله يرحمه...طيب فين مامتي واختي اسمها فرح صح
مليكة بتوتر :ايوا ......احنا كنا مسافرين لشهر العسل ولما عملت الحادثه مرضتش اقولهم عشان مقلقهمش
امير :ايوا افضل طلام احنا طالعين لشهر العسل فعلا
مليكة في نفسها:انا ليه مش عايزه اقوله الحقيقه ...خايفه ليه عليه ....اياكي يا مليكة تحبيه فاهمه
امير :مليكة...رحتي فين
مليكة :هاا ..هنا ...يلا نام عشان ترتاح شويه
امير وهو يتمدد:فعلا حاسس اني محتاج انام ...اقفلي النور بقا ..قالها بمرح
ذهبت مليكة واغلقت النور وهيا تشعر بالاستغراب من شخصيته التي لا تمد حقيقته بصله
امير:مش هتنامي انتي كمان
مليكة :شويه كدا اصل مش جايلي نوم ....ثم توجهت للاريكة
امير وهو يغمض عينيه:تصبحي على خير
مليكة :وانت من اهله
...........
وصل مازن حيث بيت الفتاتان ووجد باب منزلهم مفتوح فاستغرب من ذلك ثم دخل فتصنم مكانه مما رآه
وجد لارا ساقطه على الارض وملاسبها غارقه بالدماء فذهب سريعا لها
مازن بخوف شديد :لارا ...قومي بالله عليكي .....بدأ بالضرب على خدها لكن لا اجابه فحملها وذهب بها الى المستشفى سريعا
بعد فتره من دخولها للطبيب .....خرج الطبيب من عندها
مازن بلهفه:هاا يا دكتور كويسه صح
الطبيب:اهدى يا بشمهندس هيا كويسه الحمد لله ...بس اتفتحت في راسها بسبب ان راسها اتخبطت في حاجة وان شاء الله شويه وهتقوم
مازن بارتياح قليلا:الحمد لله شكرا جدا يا دكتور
ثم دخل لها فوجدها نائمه مثل الملاك فذهب وحلس بجانبها
مازن : من زمان اوي وانا حاسس بحاجة غريبه كل ما اشوفك ....لما بتفزحي بفرحك ...لما تزعلي او تعيطي قلبي بيوجعني عليكي....بحب جنونك وشقاوتك....نفسي دايما اشوف ضحكتك ....انا حاسس ....انا حاسس بحاجة ولازم اقولها ولو حتى مش هتسمعيني ولو حتى مش وقته بس.....حاسس اني بحبك

وخلص كدا البارت وبعتذر اني منزلتوش في وقته 🤍

هلا💜