وكر ابليس

الفصل الخامس

حسن:خد بالك وانت ماشي ....واعطاه يده ليساعده على الوقوف
اخفى ابليس صدمته خلف قناع البرود وامسك يده واستقام وبدأ بازاله التراب عن ملابسه :شكرا
حسن:عفوا ...انت جديد هنا
ابليس:ايوا
حسن : فصل ايه
ابليس ببروده المعتاد:ثالث
حسن بابتسامه:معايا اسمك ايه
ابليس وهو يعلم انه يخدع الجميع بطيبته هذه فاخبره باسمه المستعار:يزن
حسن يمزاح:عاشت الاسامي الوقتي عندنا حصه كيمياء يلا نروح المعمل لنتطرد وانت لسه في اول يوم
......................
عند الفتيات
كانوا يتحدثوان في مواضيع مختلفه الى ان لاحظت مليكة دخول احدهم للفصل فاردفت بانزعاج:ماهو دا اللي ناقص
فرح باستغراب:ايه اللي ناقص
مليكة بانزعاج:شايفين الواد اللي داخل مع حسن دا
لارا بتعجب:ايوا شكله جديد بس ماله؟!!!
مليكة بانزعاج اكتر وغضب مكتوم:نفس الولد اللي حكتلكم عنه
فرح :وانتي مالك بيه سيبك منه
مليكة بضيق:ربنا يعدي السنه دي على خير
دخل المعلم عليهم والقى السلام
الاستاذ: شكل في طالب جديد هنا من فضلك عرف نفسك
كان يتحدث وهو يشير لابليس الذي استقام وبدأ التحدث
:انا اسمي يزن وانا نفس عمركوا
الاستاذ:شكرا واتفضل
وبدأ الشرح اما مليكة للحظه حست انها سمعت صوت الشخص من قبل لكن لا تتذكر اين!!!!!!؟
..........
في الفسحه
كانت الفتيات في ساحة المدرسه يتحدثون
فرح :حصه الكيميا مملللللللللله بشكل فظيع وحصه العربي امل منها
لارا وهيا تتنهد :ااه والله يختي عندك حق
فرح بسخريه:شوف شوف البت اللي كانت الصبح هتودينا المدرسه بالبجامه
لارا :هو حماس شويه في البدايه وبعدين خلاص
كانوا يتحدثون اما مليكة كانت في عالم اخر كان كل تفكيرها بهذا الشخص الغريب الذي تشبه على صوته وشخصيته البارده تلك تثير فضولها المعروف عنها.......
قاطع تفكيرها صوت فرح:يااا زفتتتته مش بتزفت وبكلمك انتي فين كدا
مليكة :هاا معاكم بس كنت سرحانه
لارا بغمز:حب جديد ولا ايه
مليكة :بلا حب بلا قرف انا هروح اجيب الميه بتاعتي من الفصل
...........
حسن:تعالى يا عم اقعد معانا واتعرف على باقي الشله
يزن(ابليس) ببرود:مليش مزاج
حسن باستسلام من محاولاته:خلاص براحتك ولو ليك مزاج احنا في الساحة
ومن ثم خرجوا من الفصل وتركوه
ابليس بسخريه في نفسه:عامل الملاك وهو الشيطان اللي يشوفك الوقتي ميعرفش انك بتساعد في تهريب الممنوعات
قاطع تفكيره دخول احد للفصل ولم تكن غير تلك الفتاه التي رأها الصباح
اما مليكة عندما رأته تجاهلته واتجهت الى حقيبتها ولكن فضولها امتلكها وذهبت اليه
ابليس ببرود لها:نعم
مليكة بفضولها المعتاد:ولا حاجة بس حبيت اتعرف عليك اصل الصبح مقابلتنا كانت مكنتش لطيفه
ابليس ببرود:طيب وبعدين؟
مليكة بحنق من بروده وحاولت تجاهله:انا مليكة
ابليس لم يجاوبها واستقام وكاد ان يخرج لكن اوقفته هو :على فكره مش من الذوق تسيب حد بيكلمك وتمشي ....واكملت وهيا تشعر بالغيظ منه:وعلى فكره مش برودك دا اللي هيخليك واد وااو مفيش اتنين منك
لم يجاوبها وتركها وخرج
مليكة وهيا تكاد تنفجر من الغيظ:واد مستفز بااا ربي منه
وذهبت واحضرت المياه الخاصه بها وعادت لصديقتيها ولم تلاحظ تلك العينين التي تراقبها بخبث
امل بخبث: دي فرصتنا
سحر بعدم فهم :ازاي يعني
امل باشد خبث وذكاء:مليكة الوقتي عايزه تعرف الواد الجديد ده وعندها فضول من ناحيته
سحر بعدم فهم :طيب بردو مش فاهمه
امل نظرت لها بضيق:مش عارفه جايبه الغباء دا منين
سحر بحنق:خديني على قد عقلي وفهميني
امل وعادت نظرت الخبث مره اخره :هنلعب على النقطه دي لما تقرب منه عشان فضولها ....وشرحت لها الخطه
.........
اما عند مليكة عادت الى صديقتيها و حاولت اخفاء غيظها من هذا الانسان ولكن لم تستطلع فرح باستغراب:مالك كدا ببوزك دا؟!
مليكة بحنق:مفيش احنا علينا دروس ايه النهارده
فرح لاحظت تغيرها للموضوع فتركتها كما تشاء: معليناش دروس بس بكرا علينا درس بعد العصر انجليش
مليكة وهيا تخبط راسها بيدها وهيا تتذكر:مشترتش الكتاب اللي مس طلباه هروح بعد المدرسه اجيبه
فرح :هنيجي معاكي
لارا حركت راسها توافق فرح
مليكة باعتراض:هروح صد رد مش هتاخر
فرح : نيجي معاكي بردو
مليكة :هروح بسرعه مش مستاهله
لارا :خلاص براحتك يا ختي
...........بعد الدوام
مليكة بتعب:يوم متعب اوي
فرح بتعب ايضا:ايوا ...ثم نظرت للارا: حلوه المدرسه يختي 
لارا :ابدا محصلش دي اشاعات كاذبه 100‎%‎ واللي يقولك انها حلوه يبقا يا كداب يا منافق يا الاتنين
ضحكوا الفتيات ...نظرت مليكة بالصدفه الى اتجاه ما ثم لاحظت شي ثار فضولها
مليكة : طب يا بنات هروح اشتري الكتاب واجي مش هتاخر يلا سلام
ثم تحركت الى ذلك الشي المثير لفضولها
اما عند ابليس عندما خرج من المدرسه ذهب الى حيث سيارته و تحركك بها ولم ينتبه الى من يتتبعه
مليكة اوقفت سياره اجره و جعلت السائق يتتبع سياره ابليس الذي استقلها الان
مليكة باستغراب في نفسها:اما نشوف ازاي انت واحد في الثانوي وبتسوق عربيه وفخمه كدا ....فضولك دا يا مليكة اللي هيوديكي في ستين داهيه ...بس مش قادره انا عارفه كل صغيره وكبيره للي في المدرسه مجتش عليه
ظلت تتبعه الى ان توقف في مكان منعزل و نزل من سيارته و سار الى مكان لا تعلمه فدفعت الاجره ونزلت من السياره وتتبعته لكنه اختفى توقفت مكانها وتلفتت في جميع الاتجاهات واستغربت اين ذهب لكن صدمت عندما شعرت باحد يضع يده على فمها و يكتم صوتها
حاولت الافلات منه دون جدوه
ابليس بصوت مخيف:عايزه ايه وبتتبعيني ليه
ابعدت يده عنها بصعوبه:ابعد يا عم مش عارفه اتكلم وانت حاطط ايدك على بؤي كدا
ابليس بغضب: بتراقبيني ليه
مليكة بتوتر مضحك: لا ابدا اصلا كنت زهقانه فقلت لنفسي تعملي ايه يا بت يا ملوكة قمت ر..ر..رقبتك انت بتبصلي كدا ليه
ابليس وقد بدأ صبره ينفذ من تلك الفتاه:ازاي تراقبيني كدا هاا وانتي مالك بيا
مليكة :كان عندي فضول اني اعرفك وانت مش راضي تخليني اعرفك خالص
ابليس:تقومي تراقبيني افترضي كنت واحد مش كويس واستغل دا و اتاذيتي كنتي عملتي ايه انتي مش بتفكري
مليكة بمرح: يااه كان خطفني وااو زي الروايات ما تخطفني وتعمل فيا معروف دا انا حتى هسليك اوي وانت شكلك ممل كدا
ابليس تجاهلها وتجاهل سخافتها:روحي المكان خطر
مليكة بمرح:روحني انت واعمل زي الروايات بقا كدا و تقول مينفعش اسيبك تروحي لوحدك يلا هروحك اقولك لا معليش مينفعش اروح مع حد تقولي انا مش حد وكدا هيييح
ابليس :مليكة بلاش الهبل بتاعك دا وروحي احسنلك
وقبل ان تتحدث مليكة سمعت صوت خلفها يتحدث: ابليس بنفسه مع بنت لا دي القيامه قامت
التفتت مليكة الى مصدر الصوت فرأة مجموعه رجال و امامهم رجل طويل نسبيا يبدوا انه في وسط الاربعينات لكن لا يظهر عليه العمر
مليكة بحماس ومرح:الله جو اكشن
ابليس في نفسه:اخلص وهقتلها
ابليس:عايز ايه يا جابر
جابر ببسمه خبيثه: هكون عايز ايه يا ابليس سلامتك طبعا 
ثم اشار الى رجاله
سحب ابليس مليكة خلف احد الجدران وبدا بضرب النار على رجال جابر وهم ايضا
جابر بصوت عالي:عايزه حي اما نشوف ابليس اللي محير الكل دا
مليكة بخوف :هو في ايه
ابليس بصوت عالي بسبب ضرب النار: قلتلك امشي
مليكة بخوف:مكنتش متوقعه دا
لم يكاد ان يجيبها حتى ضرب بالنار من الخلف في قدمه فسقط على الارض يكاد يصرخ من الالم ركضت له مليكة
مليكة بخوف ودموع محبوسه تهدد بالنزول:يزن انت كويس
لم يستطيع الرد عليها من الالم
جابر بضحك:متخافيش عليه اوي كدا يلا يا شطوره ابعدي عنه خليني اشوف شغلي واشوف وشه الحقيقي
مليكة :ابعد عني وعنه والا هتندم
جابر بضحك: خوفتيني يا شاطره هتعملي ايه بقا
ثم شاور لرجال من رجاله:ابعدها عنه
ذهب ذلك الرجل ليبعدها تحت مقاومتها و صراخها
جابر :كدا اعرف اشوف شغلي كتفوه عشان ميقاومش
ذهب رجلان و مسكوا ابليس
جابر وهو يقترب منه:الوقتي هنعرف مين الحلو اللي موقف كل زعماء المافيا على رجل واحده
ثم ازاي القناع الذي يرتديه
صدمت مليكة من ذلك الشخص الذي من المفترض انه زميله في المدرسه لدرجة ان الصدمه صنمتها ولم تعد تقاوم
جابر:اووه شاب صغير حلو دا
ثم نظر ناحيه مليكة التي ما تزال مصدومه:اما انتي يا حلوه فهناخدك معانا ونتسلى بيكي شويه هاتوها ورايا
ثم نظر الى ابليس وصدم المسدس في راسه فغاب عن الوعي
جذبوا مليكة التي تحاول ان تبعدهم الى ناحيه السياره الخاصه بهم
جابر بغضب:بس بقا بطلي ..ثم ابتسم بخبث:يعجبني البنات الشرسه
كادوا ان يصعدوا الى السياره لكن مطر من الرصاص بدأ بالهطول فوقهم
وبدأ الرجال بالسقوط واحد تلوا الاخر .....نظر جابر الى مصدر الرصاص ولم يكن سوا ابليس
عندما اطلق ابليس النار على الرجل الذي يمسك مليكة سقطت مخشى عليها من الخوف والصدمه
ابليس وهو يصوب المسدس امام راسه :اخر كلمه تحب تقولها او اقولك مش حابب اسمع صوتك القذر دا
ثم اطلق الرصاص عليه فسقط على الارض مودع الحياه
ذهب ابليس بصعوبه باتجاه مليكة المغشى عليها وهو يشتمها ويشتم حظه الذي اوقعه مع تلك ذات راس كبير كما يقول عنها ثم بدأ بالضرب على خده لتستيقظ:مليكة ...مليكة اصحي اففف
لم تستجيب له فحملها بصعوبه بسبب قدمه واتجهها الى سيارته حاد ان يسقط بها من الالم :يخربيت تقلك يا شيخه
وصل الى سيارته و اركبها بها و صعب بجوارها ثم تحرك الى مكان بعيد عن المكان الذي كانوا به وبعد ان تاكد انهم ابتعدوا بما فيه الكفايه توقف وحمل زجاجة عطر وقربها من انف مليكة ليقضها :اصحي بقا
بدأت تستيقظ و تحاول ان تستوعب اين هيا ثم تذكرت وصرخت برعب
ابليس:اهدي اهدي هربنا متخافيش
مليكة وهيا تاخد نفس طويل:الحمد لله
ثم نظرت حولها:امال احنا فين
ابليس:فكرك كنت هقعد ثانيه كمان في المكان بعد اللي حصل دا وبعدين كل اللي ضربتهم بالرصاص ماتوا اكيد و اكيد لازم يلاقوا جثثهم فلازم ابعد في وقت قصير
مليكة وقد عادت لصدمتها مره اخره:لا ثانيه بس انا لازم افهم حاجة
ابليس بتعجب:تفهمي ايه
مليكة بصدمه:انت امير بجد
ابليس بصدمه ثم تذكر ان جابر ازال قناعه فتحدث ببرود:ايوا انا امير بجد
مليكة بصدمه:ليه وازاي انت قاتل و مجرم  انت بجد امير اخو فرح لا لا مستحيل طب دا قناع تاني
ابليس وهو ينظر امامه ببرود:لا انا امير اخو فرح بجد
مليكة بصوت عالي:طب ليييه انت كدا ليييه وازاي محدش يعرف
امير ولا يزال بارد: مش لازم تعرفي كل حاجة كفايه انك عرفتي هويتي
كادت مليكة تتحدث ولكن قطعها صوت سياره الشرطه ........

الكاتبه :هلا ✨