وكر ابليس

الفصل الثالث عشر

صلو على نبينا محمد عليه افضل الصلاه والسلام
"عليك السعي وعلى الله النتيجه"
عاملين ايه
انا بعتذر جدا جدا عن تاخير تنزيل البارت بس بجد حصل كذا حاجة مقدرتش اكتب ولا انزل فيها ولا حاجة وكنت مشغوله جدا غير امتحاناتي وانا في ثانويه وكدا فبتاخر فاعذروني بس الحمد لله خلصت وان شاء الله
هحاول انزل بانتظام على قد ما اقدر 💜
Enjoy ✨

تقف مليكة امام باب المنزل وهيا تنظر له وتستعجب نفسها
مليكة :هو انا ليه مهربتش مع ان الفرصه قدامي كبيره اوي هو فاقد الذاكره ومش فاكر والباب اهو والحرس مش موجودين طب ليه ماهربش ....افف
التفتت لصوت اقدام تنزل الدرج فكان امير لكن وهو يهبط تزحلقت قدمه وسقط على راسه
مليكة :اميير
ذهبت له سريعا وساعدته على الوقوف
امير بالم:اهه راسي
مليكة وهيا تسنده:انت كويس
امير:ايوا كويس راسي بتوجعني شويه بس عادي
مليكة :مش تاخد بالك يا عم
امير: ايه يا ستي موقعتيش على السلم قبل كدا
مليكة :بطل رغي ويلا نمشي من هنا
امير:هنمشي نروح فين بقا
مليكة بتفكير :لو كنت مش فاقد الذاكره كنت ودتنا اي مكان من اللي انت تعرفهم ....بس عارف انا جتلي فكره
امير :ايه هيا
مليكة بتوتر قليل: احنا هنروح عند اهلي
امير:مش بتقولي ان احنا لو رحنا ليهم هنتمسك
مليكة:بس مش هروح لدول
امير:امال
مليكة:هنروح لاهلي...اللي في الصعيد
..........
في مكان اخر في المنزل عند لارا و فرح بعد ان عادوا للمنزل
فرح:يا بنتي متعذبنيش بقا وكلي
لارا: مش عايزه والله خلاص شبعت
فرح :اتلمي يا بت واطفحي انا مش ناقصه الا والله لازغطك زي البط
لارا:امشي يا بت اطلعي بره انا اكبر منك اصلا
في تلك الاثناء كان مازن واباه يجلسان في الخارج يتحدثان
مازن:بابا هنعمل ايه في مليكة
محمد:والله ما اعرف يبني
مازن:بلغنى الشرطه ومفيش فايده نعمل ايه تاني
محمد :سيبها على الله يبني
في تلك الاثناء سمعى صوت عالي في غرفت الفتيات
مازن: هقوم اشوف المجانين دول مالهم
ذهب للغرفه وطرق الباب ولم يسمع رد فدخل للغرفه
فرح :تعالى يا مازن شوف الست هانم اللي مش عايزه تاكل عشان تاخد الدواء
لارا:والله يا مازن اكلت
مازن :فين اللي اكلتيه دا
فرح:شفتي اهو مجبتش حاجة من عندي
لارا:مش هاااكل
فرح:فينك يا مليكة يختي انتي الوحيده اللي كنتي هتخليها تاكل غصب
لارا وقد تذكرت مليكة وحزنت :والله وحشتني
مازن:متقلقوش هنلاقيها
سمعى طرق على الباب فذهبت فرح لتفتح ففوجات بحسن
فرح:حسن ازيك
حسن:ازيك يا فرح عامله ايه
فرح:الحمد لله
حسن:جيت اتطمن على لارا هيا كويسه
فرح وقد شعرت بضيق بعض الشيء لكن لم تظهر ذلك:اتفضل اتفضل
دخل حسن وسلم على ابو مازن:ازيك يا عمي
محمد:ازيك يا ابني مين حضرتك
حسن:انا حسن زميل فرح ولارا في المدرسه وجيت اتطمن على فرح
محمد :كتر خيرك يبني ادخل ليها جوه هيا مع مازن
فدخل مع فرح لعندها فعندما نظر له مازن شعر بالضيق
مازن:ازيك يا حسن
حسن:كويس ..ازيك يا لارا
لارا:الحمد لله
كل ذلك وهناك اثنان يشعران بالضيق او لنقل بعض الغيره
مازن:قلي بقا يا حسن وحضرتك استاذ ليهم بقا في المدرسه
استغربت فرح ولارا ذلك السؤال فقد اخبرته فرح من قبل انه زميل لهم لكن ابتسمت فرح ولقد فهمت ماذا يقصد
ابتسم حسن باحراج وتوتر:احم لا انا زميلهم
مازن:اهه اهلا
نظرت فرح للارا بنظرت خبث فبادلتها باخره تعجب
............
امير يقف امام الباب:يلا يا مليكة اخلصي
مليكة وهيا تنزل من الدرج :جيت جيت
وصلت وتوقفت امامه
مليكة:امير صحيح هو احنا هنروح ازاي ونسيب الراجل المحبوس دا جوه
امير :عادي هنتاكد ان الباب مقفول عليه و هو مربوط كويس و لما افتكر كل حاجة هرجعله اكيد
مليكة:طيب مش ممكن يموت ؟!
امير: ممكن اخلي البواب اللي بره يدخل كل يوم يديه اكل ويفكه ويقعد جمبه وبعدين يرجع يربطه
مليكة:خلاص طيب يلا نمشي بقا
خرجا من المنزل واتجهه امير الى حارس البيت و قال له واعطاه المفتاح من ثم تحركا الى وجهتهم حيث الصعيد بلد اهل مليكة
وبعد ساعات وصلا حيث الوجهه بعد التملص من الكثير من الكمائن و اتجهنا الى بيت واحد من كبرات البلد الحج اسماعيل ابو والدتها المتوفيه
يقفا امام المنزل ومليكة متوتره ومتردده في الطرق
امير:ما تخبطي
مليكة :انا مشفتهمش من زمان اوي وخايفه بشكل وبعدين هقولهم ايه اصلا جايين نستخبى عندكم
امير :متقلقيش خبطي وانا هتكلم
اخذت نفس عميق من ثم طرقت الباب وفتحت لها فتاه تبدو في اواخر الثلاثينات من عمرها جميله جدا ذات شعر طويل  الذي يغطيه وشاح وعيناها العسليتان مثل عيناي مليكة
الفتاه باستغراب وهي تغطي وجهها بوشاح راسها :مين ؟!
مليكة: انا مليكة
الفتاه:مليكة مين ؟!
مليكة:انا مليكة يا خالتو بنت امل اختك  الله يرحمها
الفتاه بفرحه:مليكة والله توحشتك يا بت فينك من زمان
وسحبتها لاحضانها
مليكة وهيا تبادلها الحضن :معليش بقا دراسه وكدا
صوت رجل من الداخل:مين يا ساره
ساره:دي مليكة بنت بنتك يا حج ...اتفضلوا اتفضلوا
دخلا الى الداخل حيث يقبع الحج اسماعيل بهييته المعتاده
الحج اسماعيل بفرحه:مليكة بنت بنتي فينك من زمان تعالي في حضن جدك
ذهبت واحتضنت جدها رغم توترها من ثم عادت وجلست جمب امير
جدها: جومي يا حرمه نادي الجماعه يجو يسلموا على حفيدتي 
ساره:حاضر يابوي
جدها و هو ينظر لامير:اومال مش هتعرفينا يا بنتي
مليكة بتوتر لا تعلم ماذا تفعل هل تخبره ام ماذا
امير لاحظ ذلك وتحدث بدلا عنها:احم انا ابقا امير جوز مليكة
جدها بفرحها:اتزوجتي يا مليكة والله وكبرتي بس ليه  ابوكي مجالناش
امير وهو ينقذ مليكة وايضا راى ان ساره جاءت مع الباقيه :ما هو موضوع يطول شرحه هنبقا نحكهولك بعدين
استقامت مليكة تسلم على الجميع في جو من الفرح لحضورها
خالها الاكبر بعتاب: كدهو يا مليكة نسيتي جرايبك انتي وابوكي مسالتوش علينا من يوم ما امل ماتت الله يرحمها ولا حتى بالمحمول
مليكة باعتذار:انا بتاسفلكم بجد بس الايام اخدتنا بقا حقكم عليا
بعد سلامات و تعارف على امير وفرح بزواج مليكة
امير:لو سمحت يا جدي عايزينك في كلمه على جمب
الجد:تعالى يا ولدي نروح البرانده اللي بره لين ما الحريم يحضرولنا الوكل
ذهب الجد مع امير و مليكة وجلسوا جميعا ومليكة متوتره
امير في بعض من التوتر:حابب احكي لحضرتك حاجة بس ارجوك تقف معانا و تفتكر ان دي مهما عملت حفيدتك و ان اذايا كمان باذاها
الجد بقلق:جول يا ولدي متجلجنيش كدهو
امير حكى له كل شي قالته له مليكة حيث انه فاقد الذاكره
الجد بغضب :ايه الكلام الماسخ اللي عم تجوله دي يعني انت متزوجها عشان متقولش عليك وعشان متتهمش بقضيه تانيه
امير :اكيد مش بس كدا عشان احميها وينفع نعيش مع بعض
مليكة:اهدى يا جدو وبالله ساعدنا انا الوقتي لو اكتشفوا شكله هيقولوا اني بساعده طلام مش خاطفني فلازم الاقي حل ولين ما الاقيه مفيش مكان امان زي الصعيد اقعد فيه بحيث الحكومه متقدرش تقرب من البيوت اللي رجالتها كبيره زيك كدا يا جدي ارجوك ساعدنا
الجد :معنديش حل تاني انتي بنت الغاليه و مرضالكيش التعب واصل
مليكة بفرحه:بجد يا جدي
الجد:لكن بعد ما كل المهرجان دا ما يخلوص تطلجها مفهوم
امير بحزن داخلي:حاضر
احد الحريم:يلا الغدى جاهز
————————————
بعد عوده حسن للبيت وهو في قمه سعادته فلقد ذهب لاخته بعد زمن من الوقت لم يراها بادعاء ابيه انها توفت
دخل للبيت وهو يصفر فرأ ابيه يجلس ومعه احد الرجال الذي يعلم مدى خبثه حقا ويعلم انه لا يفي بالوعود لكن لا يعلم لما يجلس مع والده
فؤاد:تعالى يا حسن سلم على عمك سعيد
حسن ببسمه صفراء:اهلا ...انا طالع ارتاح فوق
وذهب للاعلى حيث انه لا يطيق ذلك الرجل وحتى والده لم يعد يحب الجلوس معه بعد ما اكتشفه عنه
دخل ورمى نفسه على السرير ونظر للسقف بشرود
حسن في مخيلته:يعني ابويا طلع بيعمل حاجات متخيلتهاش انا اصلا مش عارف ليه طاوعته من الاول واشتغلت معاه .....بس انا مكنتش موافق وهو قالي عشان ناخد حق اختي....الانتقام عماني عن اني بدمر غيري بدون شعور.....اختي طلعت عايشه انا لازم اسيب القرف دا قبل ما اروح في داهيه وكفايه ان طلعت بشتغل في حاجات تانيه وانا مش عارف
——————————-
عوده للصعيد
الجد وهو يتحدث في الهاتف:بتك عندي يا محمد تعالى اتطمن عليها لكن اياك تبلغ الشرطه  بنتك تحت حمايتي الوقتي فاهم
محمد:لكن ازاي مبلغش الشرطه وازاي هيا عندك لازم ابلغ الشرطه دا الولد اللي خطفها لسه موجود وعايش وزي ما خطفها يخطف غيرها
الجد برزانه:هتفهم كل حاجة بس متبلغش الشرطه وتعالى لوحدك
محمد:طيب بس وضحلي ليه ؟
الجد :مينفعش تبلغ عن زوج بنتك
الاب؟!!!!!!!!!!!!

بعد غياب رجعنه وان شاء الله منقطعش دعواتكم بقا
هلا💜