مراهقتي القاسيه (مُكتملة)

الحلقه 3

الحلقه الثالثه
بقلمي انا ازابيلا ....

حطو نجمه فضلاً و ليس امراً .

———————————-
الله مايهديچ وتحبيني
أستحي من الشيب خليتني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني
———————————-

كعدت الصبح على عياط امي علو نفس الاسطوانه گلت لازم احجي وياها تبطل عصبيه عبالك هي الرجال بل بيت تخليني احجي عليها بس زودتها ..

يمه ماتگليلي شبيج يوميا تسويلنا حفله بل بيت بس كوليلي شتردين ؟..

- ام ليان : والله وطلعلج لسان بت النعال انتي شوكت تكبرين شوكت انتچل عليج شوكت من اطلع من البيت ما اشيل هم اخوتج وابوج

-واكول عندي بنت چبيره هي شايله البيت ترا اني ما اضل راح اموت .. واعتبريني متت ريحيني بگبري سوي شي من اموت ارتاح بي ..

صدمتني من الدا تحجي شنو تموت شنو ترتاح
يمه شدا تحجين انتي اذا عل شغل والطبخ انتي بس علميني

والله كلشي ما اخليج تشتغلين
بس شنو هالحجي جديد يمه لتشعلين گلبي بس احجيلي شبيج

-امشي بل غرفه
شوفي يمه اني ما دايمه ومحد يدوم ..تنهدت ...
يمه شوفي اني رحت ويا خالتج عل دكتور وطلع عندي مرض بس ماحجيت للاحد بس خالتج تعرف وهاي انتي هسا

- وگالي هالمرض ما معلوم يجوز منا عشر سنوات اموت بقت يم ربج . اني هسا مابيا شي بس القهر يأذني الا الحمدلله ولا احس بشي هذا نعمه من ربي .

يمه اسم الله عليج وگمت ابجي
مابيج الا العافيه ياربي من عافيتي على عافيتج
من بعد هالحجي السمعته من الصبح ما ضلي واهس لكل شي

بنفس الوكت غير بيا كلشي كمت اني عل بيت خليت امي ترتاح واني كمت عل بيت نظفته كلته وشطفت الطرمه وشطفت الصحيات ومسحت الاخشاب والتلفزون

يعني امي ما هيك تنضف طبعا هي لو اصغر من عمرها بعد تنضف احسن من هي مو چبيره بس الصحه تاخذ من العمر

كمت وياها عل مطبخ هي تحجي واني انفذ تكول المكونات كله بيدي كلت لازم لازم اتعلم اطبخ
بوكتها طبخت تمن وباميه عل لحم وبمي اللحم علمتني اطبگ عليي تمن خليته يتهده

وثخنت الباميه وطفيتها وشويا وصار التمن فرغت الاكل و وزعتهم بل صينيه .. وصيحت اخواني وكعدو ياكلون

-كمال : شنو هالاكل والله اليوم الاكل طيب يمه مو انتي طابخه مو

ترا اني طبخت كمولييي
هههههه

-علي: عاشت ايدج ليون يجنن الاكل

عمريي الف عافيه
غزوله حبيبي عجبج الاكل .... عمريي الف عافيه يوميا اني اطبخلكم ..