مراهقتي القاسيه (مُكتملة)

الحلقه 27

ازابيلا..
عسريع نجمه قبل لتقرون
وعلقوا بين الفقرات ..

رجعت البيت اتعثر واصيح الويل
بعدني بعز شبابي ومات بيه الحيل ..

______________

ابو ليان : مع الاسف هيج يطلع منج يا ليان أنتِ الوحيده الي دائما اكول الدنيا كلها تغلط الا أنتِ
جنت اكول أنتِ الصح الي بنص الغلط بس شنو ؟
طلعتي من ساسج الراسج غلط .. طلعتي انت الغلط .. واني غلط والعالم كلها غلط .. وحده بيهم صح تدرين منو ؟
امج .. اي والله امج ماغلطت من كل مره تدور وراج تعرفج شنو ..

صح اني ضربتج واذيتج وهسا انت بالمستشفى وراسج تخيط .. مع هذا مستحيل احرمج من دراستج. ابد تخلصين هالسنه والله كريم .. مبايل ماكو بعد

ام ليان : ابو كمال صدك تحجي؟ لااا ابد حتى مدرسه ماكو بعد ..متستاهل ابد كسرت بينا وخلت روسنا بالكاع

ابو ليان: انطي مجال محد يعرف واني خابرته وحجيت ويا .. بعدين هو عاقد كم يوم ويتزوج وكلمن يلتهي بروحه .. وهاي بنتج اني راح اعيد تربيتها من جديد

ام ليان : والله اني الي راح اعيد تربيتها .. شكو مخليها تداوم .. ليان وحق السماج اي قسمه تجي انطيج .. اريد افتك من تربيتج تعبتيني.. بس كليلي بشنو قصرنا وياج ؟

ليان : لا رد ..
اكتفيت بس مدده ودموعي تجري وراسي راح ينفجر من الوجع .. .. تخيط من يم رقبتي طعنتين بس شنو حتى ما اكدر التفت

رجعنا للبيت ليله الخميس وكأبه فووول لا مبايل لا تلفزيون .. حتى درس معرف شعندي مادرست شي ..

ضليت صافنه بابا شنو حجى ويا عمر شگله ؟
معقوله عمر يتخلى عني ؟
مستحيل عمر يموت علي وهو راح يخطبني بس يفسخ
يفسخ ؟ معقوله عمر يفسخ بعد الي صار . ؟
هههه والله يا الله بعد مستحيل يدحك بوجهي
افففف يا الله ... ضليت ابجي .
شراح يصير بعد يا ربي ..
رحت توضيت وصليت وضليت ادعي من الله
يارب توكلت عليك .. يارب بس انت تكدر اطلعني من الي اني بي .. اسئلك من فضلك ورحمتك فأنه لا يملكها الا انت..
وكلت امري لرب الفلق فرتحت من هم ماخلق .

_______

هيلين :
شسالفه شعجبج ليان ماكو
ضليت ادك يعني اليوم خميس وماعدنا شي ودنيا ليل شسالفه ؟
خاف صاير شي ؟ أو مريضه ؟ أو ما بل بيت ؟
يبووووو بس لا نكشفت .. وربي اذا صارت صدك ونكشفت امها الا تجي عالمدرسه وتسأل عل تمشي وياهم.. الا رواء تحجي الاول والتالي ونروح بيها
نوب جمدت برد بالحديقه وهل تفكير خلاني احمى

مسلم : من شنو حميتي بهل برد ؟

_ سلامٌ قولا من رب الرحيم
شبيك متكلي شبيك .. هيج تفوت

مسلم : شني شبيه ؟
فتت ولكيتج تحجين ويا روحج .. وبرا هم مو بل بيت واكول بالله يالله.. چن فايت على بيت ابو عصام .. باب الحاره