مراهقتي القاسيه (مُكتملة)

الحلقه 24

ازابيلا..

وكت خله گلوبنه تنام بحزنها .

__________________

ابو ليان : ليش شوكت خطب شو مادرينا ؟

ام ليان: البارحه خبرت اسلم على أم أحمد وهي كالتالي منتضرين يردون الموافقه من اهل البنت
ابو ليان: بيها الخير .

. أحاول استوعب الي گالته امي مداستوعب احس نضربت ضربه قويا على راسي انتضر اگعد من الحلم الاني بي انتظرت انتظرت.. ولكن ؟ .... طلعت حقيقه يعني اني مو بحلم اني بعلم ! يعني عمر خطب ! بس هو مگالي أو لمح لشئ يوحي هو راح يخطب هو هذا الخبلني ! لازم اروح اخابره وافتهم منه حتى إذا طلع صدك هالحجي .... واذا صدك ؟ يعني حتركه ؟ واعوفه الها ؟ وكل هذا الحب يروح ويندفن وكلشي عشته كذبه ؟ معقوله كل هذا الصار عمر يضحك عليا ؟ لا لا لااا حبيب قلبي المحترم ميسويها .

دخلت الغرفه .. اتصل يدگ يدگ مره مرتين ثلاث اتصالات مالاتي مبرد عليهن ! يعني السالفة صارت صدك! مستحيلللللل عمرررر لااا .... احس گلبي راح ومحد يعرف منو الاخذه بس اني عمر ملك گلبي وأخذه مني وراح ... وراح يتزوج ؟ هسا من صدك گلبي راح يوگف ..

ام ليان: شبيج صافنه وعيونج حمر ؟
وگفت أعلى حيلي مابيه شي يمه مابيه مابيهه بعدها مدري بالدنيا شصار .... اغمى عليا .

_____

هيلين.

يارب يارب رجعلي امي سالمه معندي غيرها بهل دنيا ياربي ... عُثمان حبيبي نام واني انتضر صارت بثنعش بالليل يلا اجوي ..
يمه يمه حبيبتي شون صرتي .. .

ام هيلين: مابي شي حبيبتي .. زينا
شصار يمه احجي ليش هيج صار ؟

كمال : طبعا مداتاكل شي حيصير بيها جفاف الدكتور كال فحوصاتها كلها مبيها شي بس يجوز سوء تغذيه لأن مبين شي بالفحوصات.

صدك يمه ليش مداتاكلين ؟
ام هيلين: ماشتهي يمه ماشتهي.

ابو هيلين: الف سلامه عليج ام سرمد الغاليه متشوفين شر
ام هيلين: الله يسلمك ابو سرمد .
ابو هيلين: ام سرمد اعرف مو وكتها .. بس الحجيه حيل تعبانه لازم نروح نشوفها لا تموت وهي بحصرتنا .. تگول جيبولي الولد دشوفهم. ..

ام هيلين: لا يمه اليوم وهسا نحضر غراضنا ونروح الها ميصير شون هاي الغاليه والله كللش مقهوره عليها والله من گتلي نخمش گلبي ..
ابو هيلين: الله يسلمج يالغالية يلا لعد تحضروا

حضرنا الغراض وبدلت لبست فستان لونه بني شويا قصير اربع أصابع طالعه رجلي وشال بيج وحذاء بيج ي.... وداحضر غراضي وندگه الباب طلعت تا اشوفن منو بالباب .. فتحته ... مسلم ؟

مسلم : هاي شنو طالعين ؟
اي رايحين البيت جدو شنو متجون شوفن بيبي ؟
مسلم : شو خل افوت اشوف شكو ...
هلا عمي شلونك شخبارك ؟ هاي شنو انتو اليوم رايحين ؟
كمال : اي اليوم !
ابو هيلين: اي ابني ليش متجون ويانا ؟
مسلم : اني جيت عليكم تا انطيكم خبر نحن هسا طلعين