ازابيلا.....
فؤادي بين أضلاعي غريب
يُنادي من يحب فلا يُجيب.....
__
_________
ليان
يمه صدك تحجين ؟؟ ... بس دقيقه وحده وحده
وانت كمال شوكت خطبت شو لا حجيت لا انت لا ماما لا بابا مو چني بتكم شسالفه احد يفهمني !
كمال : شنو ليش امي مگلتلج ؟
لاا
كمال : اني جنت بالشغل .. كلت امي راح تكلج يمه انتي هم ليش مگتيلها ؟
ابو كمال : اهدو ياجماعه ماصار شي وهاي عرفتي يابنتي
ام ليان : اي هذوا سدي حلكج كافي.
والله عجيبه ! ..
ام ليان : شگلت يبو كمال ؟
ابو ليان : شنو ... ها والله مدري بكيف ليان
لا يابه لا ماتزوج أني ... وسدي الموضوع يمه تردين تزوجين ابنج زوجي اني ماليا شغل لدخليني بينكم رجاءا مو هسا توكم تكلولي كمال خطب وتجي تكمليها تردين تزوجيني .
ام ليان: ولج والله انتي لسانج يرادله گص اني ماطلبت رأيج أني نطيتج علم واليوم يجون الجماعه يمنا تا يشوفوج وبلا نقاش
ابو ليان: ليش ام كمال البت ماتريد تزوج ليش تجبريها ؟؟
ام ليان : اذا جبرتها أو لا تاليها تتزوج بعدين هاي خوش قسمه هم حالتهم حيل زينه ميسوره وهم مايرادلها مصاريف ننطيهم وينطونا وفضت وخلصت
يابه احچيلك كلمه
ابو ليان: بنتي وما ازوجها وسدي السالفة
ام ليان: نطيت كلمه واليوم يجون عيب اردنهم خل يجون ويصير خير.
ابو ليان: خل يجون على عيني وراسي بس ماننطيهم لا تخلينهم يتاملون عالفاضي ام كمال
وانت بويه كمال صارت صارت مصارت اشوفنلك وحده غير واجيبلك اغاتها .
كمال : متقصر بويه ... الله يحفظكم الي .. ليان صبيلي چاي وصعديلي ياه للغرفه .. غمزت الها حتى تجي وراي اريد احجي وياها ..
ها كمال
_ تعالي گعدي اشو تا نشوف تاليتها وياج
ها خويه كول اسمعنك
_ شوفي انتي مو بس اخيتي انتي صديقتي وبنيتي وهاي القسمه اذا ماصارت لا الي ولا الج .. اني لا راح اضوج ولا انقهر صح البنيه اني ردتها بس مو بينا علاقه مجرد شفتها. ودزيت امي تخطبها ... بس مال ابني سعادتي على حساب تعاسه غيري لاا هاي واگفه ومستحيل أسويها .. ولتفكرين بالموضوع ابد .خليج بدراستج ولايهمج احد غيرها فتهمتي بويه ؟
فرحت حيل بكلامه .. رحت بسته بخده وهو رجع بتسني من راسي. حبيبي اخوي انشالله تصير من قسمتك اذا بيها خير الك وربي يسعدك انشاالله احبك يا احلى اخ بالدنيا ..
تريد شي حروح ؟
_ سلامتج بويه .. بس طفي الضوه اريدن اغفالي ساعه جوعان نوم اني ههههه
نوم العوافي انشالله... طفيت الضوه ونزلت .. تلگتني الغاليه ..
YOU ARE READING
مراهقتي القاسيه (مُكتملة)
Teen Fictionشبدر مني وحبيتك ؟؟ هسا من انسأل عنك شجاوبهم ؟ خليتني بموقف مثل الي داس على لغم ... لايكدر يمشي ويعبره ولا يضل دايس عليّ ...... شنو معناته هذا الشعر ؟ الگلب اذا حب تعمه عيونه .. بس حب منو ؟ راح نغوص بمواقف المراهقه وراح نتعرف على مراهقتها الي...
